PM:05:03:14/09/2021
2184 جار خوێندراوەتەوە
+
-
ڕێکخراوا سی پی تی ژ زارێ شێروان شێروانی د
زیندانێ دا ڕاگەهاند، هەمی گرتیێن بەهدینان کو هەژمارا وان ٨١ کەسن دەست ب
گرەڤگرتنێ کریە، هەڤدەم بڕیارە سوبەهی دادگەهکرنا ئومێد بەروشکی و بەدەل بەرواری ل
هەولێرێ بڕێڤەبچیت.
ڕێکخراوا سی پی تیا
ئەمریکی ڕگەهاند، شێروان شێروانی کو ب سزادانا شەش سالان د زیندانێ دایە ئەڤرۆ
پەیوەندیەکا تەلەفۆنی دگەل وان ئەنجام دایە و ڕاگەهاندیە، هەمی گرتیێن بەهدینان د
زیندانێ دا دەست ب گرەڤگرتنا ژ خارنێ کریە کو هەژمارا وان ٨١ کەسن و هندەک ژ وان
ئاڤێ ژی نا ڤەخۆن.
دیارکریە ژی، کو شێروانی
ب ڕێکا پەیوەندیا تەلەفۆنیا خۆ داخاز کریە خەلکێ دەرڤەیی زیندانێ بۆ پشتەڤانیا وان
زیندانیان چالاکیان ئەنجام بدەن.
هەڤدەم، بڕیارە سوبەهی
چارشەمبیێ جارەکا دی دادگەهکرنا مامۆستا بەدەل بەرواری و ئومێد بەرۆشکی ل هەولێرێ
بڕێڤەبچیت، کو پێشتر هاتیە پاشخستن و دەربارەی وێ ژی ڕێکخراوا سی پی تی دایە زانین،
کو دادگەهکرنا وان دوو دەستەسەرکریا لسەر توهمەتا سیخۆڕیکرن و ئەنجامدانا کارێن
تێکدەرانەیە.
ئەڤە ژی دەمەکێ دایە، کو دەما زێدەتری سالەکێ یە
نێزیکی ١٠٠ کەسان ژ چالاکڤان و ڕۆژنامەڤان و مامۆستا ل سنورێ پارێزگەها دهۆکێ ب
تۆهمەتێن جودا هاتنە دەستەسەرکرن و هەیا نها ژی پڕانیا وان بێ کو بهێنە دادگەهکرن
د زیندانێ دانە و ڕی ب کەسوکار و پارێزەرێن وان ژی ناهێتەدان سەرەدانا وان بکەن.