PM:04:39:14/09/2021
928 جار خوێندراوەتەوە
+
-
تۆپخانە و رەبیێن ئارتێشا تورکیا بۆ دەما سێ رۆژانە لسەر ئێک ب هێجەتا
هەبوونا گەریلایێن پەکەکێ گوندێ بانکێ تۆپباران دکەن.
ھاریوان بانکی، وەلاتیێ وی گوندی بۆ ئێن ئار تی ڕاگەهاند، سێ رۆژە تۆپباران
و هێرش لسەر گوندێ بانکێ ل سنورێ ناحیا دەرکارێ بەردەوامن و ترسەکا زێدە کەفتیە دلێ
وەلاتیێن وێ دەڤەرێ بگشتی.
گۆت، تۆپبارانا دژوار ل درەنگی شەڤا دەربازبووی بوو کو ھەر ژ دەمژمێر ١:٠٠ی شەڤێ
ھەتا دەمژمێر ٥:٠٠ی بەرێ سپێدێ بەردەوام بوو، گەلەک تۆپ بەر ب نێزیکی مالان و
گۆڤێن وەلاتیان ژی کەفتن.
ئاماژە ب وێیەکێ ژیکر، هەر د ڤی شەری دا دەما چوون بۆ گۆڤا پەزی وەلاتیەکێ
سڤیل ب سڤکی برینداربوو لێ ڕەوشا وی نها جیگرە و دوورە ژ مەترسیێ.
ئەڤە د دەمەکێ دایە، ل ٢٣ی مەها نیسانا ئەڤ سالە و هەیا نها هێرشێن
تورکیا بۆ سەر دەڤەرێن سنوری یێن دناڤبەرا باکور و باشورێ کوردستانێ و ب تایبەتی
ژی سنورێ هەردوو قەزایێن زاخۆ و ئامێدیێ بهێجەتا هەبوونا گەریلایین پەکەکێ
بەردەوامە.
هەر ب ڤێ سەدەمێ ژی چەندین گوند هاتنە چوولکرن و ب دەهان وەلاتیێن سڤیل شەهید و برینداربووینە و ب
هزاران دوونەمێن رەز و باغ و زەڤیێن وەلاتیان ژی ژناڤ چوونە و شەوتینە.