PM:03:15:14/09/2021
1104 جار خوێندراوەتەوە
+
-
نوینەرێ ماموستایێن وانەبێژ یێن
هەرێمێ ڕاگەهاند، بزاڤەک هەیە بۆ وێیەکێ کرێیا ماموستایێن وانەبێژ و رەوشا وانا
بەرەف جهەکێ دی بچیت و بۆ وێ مەرەمێ ژی وەزارەتا پەروەردێ یاداشتەک ئاراستەی جڤاتا
وەزیران کریە.
کارۆخ عەبدولا نوینەرێ
ماموستایێن وانەبێژ ل هەرێما کوردستانێ بۆ ئێن ئاڕ تی ڕاگەهاند، بڕیاربوو ئەڤرۆ
دگەل دەستپێکا دەوام و سالا نوی یا خاندنێ بایکۆتێ بکەن، لێ بسەدەمێ وێ پێنگاڤێ
بایکۆت نەکریە.
بەحسا وێیەکێ ژی کر، ب سێ رەنگان
وەزارەتا پەروەردێ پێشنیار پێشکێشی جڤاتا وەزیران و وەزارەتا دارایی کرینە، کو
ئەڤەنە:
١. بڕینا پارەیێ بڕی "مقتوع"
بۆ ماموستایێن وانەبێژی لدویف باوەرنامێ.
٢. لدویف کرێیا هاتن و چوونا
ماموستایێن وانەبێژ؛ کو هەیە هندەک ژ دەرڤەی باژێرینە پێتڤیە پارەیێ وان زێدەتر
بیت.
٣. ماموستایێن وانەبێژ ل جهێ وان
ماموستایێن دهێنە خانەنشینکرن بهێنە دانان.
کارۆخ عەبدولا بەحسا وێیەکێ کر،
بڕیارا بایکۆتێ بڕیارەکا ڤەکریە بۆ وانا، دبێژیت ژی، "مە زانیە تشتەکێ وەسا
هەیە و دەمەک مە دانایە و بایکۆتا ١٤ی مە پاشدائێخستیە و ئەگەر جێبەجێنەبیت دێ مە
هەلویستەکێ دی هەبیت".
ئەوژی دیارکریە، داخازیێن وان ب
فەرمی بریتینە ژ دامەزراندن، لێ وەکی ئەو د بێژن، "ئەڤ پێنگاڤە هێشتا باشترە
بۆ وانا ژ رەوشا نها یا وانا".
باخان تۆفیق، رانیا