AM:10:50:14/09/2021
1576 جار خوێندراوەتەوە
+
-
وەزارەتا دەرڤەیا عێراقێ ڕاگەهاند،
ل ٢١ی ئەیلولێ گەشتێن ئەسمانی دناڤبەرا عێراق و روسیا دێ دەستپێکەن.
ئەڤرۆ سێشەمبی، وەزارەتا دەرڤە
یا عێراقێ ڕاگەهاندنەک بەلاڤکر و تێدا هاتیە، لسەر داخازیا حکومەتا عێراقێ و
حکومەتا روسیا، بڕیار هاتە دان گەشتێن دناڤبەرا هەردوو وەلاتاندا دەستپێبکەن.
ئەوژی دیارکر، حکومەتا روسیا
رازیبوون دەربڕیە لسەر ئەنجامدانا دوو گەشتان د حەفتیەکێ دا دناڤبەرا وەتێ خۆ و
عێراقێ دا.
لدویف ڕاگەهاندنا وەزارەتا دەرڤە
یا عێراقێ، ل رۆژا سێشەمبی ٢١ی ڤێ مەهێ دێ گەشتێن ئەسمانی دناڤبەرا روسیا و عێراقێ
دەستپێکەن.
ئەڤە ددەمەکیدایە، ددەمێ
دەربازبوویدا فوئاد حسێن وەزیرێ دەرڤە یێ عێراقێ ب سەرەدانەکا فەرمی گەهشتە مۆسکۆ
پایتەختێ روسیا و د وێ سەرەدانێ دا داخاز ژ حکومەتا وی وەلاتی کر رازیبوونێ
دەرببڕن لسەر دەستپێکرنا گەشتان دناڤبەرا هەردوو وەلاتاندا.