AM:09:59:14/09/2021
1512 جار خوێندراوەتەوە
+
-
سالا نوی یا خاندنێ ل سنورێ
پارێزگەها دهۆکێ دەستپێکر ب پشکداریا نێزیکی ٥٠٠ هزار قوتابیان و ل دویف رێنمایێن
ساخلەمیێ، وەک سالەکا ئاسایی دێ پرۆسە بڕێڤەچیت.
ئەحمەد زوبێر پەیڤدارێ ڕێڤەبەریا
گشتیا پەروەردەیا دهۆکێ بۆ ئێن ئاڕ تی ڕاگەهاند، سالا خاندنێ یا ٢٠٢١-٢٠٢٢ ل سنورێ
پارێزگەها دهۆکێ دەستپێکریە، رێنمایێن ساخلەمیێ هاتینە بەلاڤکرن لسەر هەمی
خاندنگەهان و پێتڤیە پێگیری پێ بهێتە کرن، هەڤدەم دبێژیت، ئەڤ سالە دێ وەک سالەکا
ئاسایی سەرەدەری دگەل خوێندکاران هێتە کرن.
بەحسا وێیەکێ ژی کر، کو ل سنورێ
پارێزگەها دهۆکێ پرۆسەیا خاندنێ دەستپێکریە ب پشکداریا نێزیکی ٥٠٠ هزار قوتابیان،
٢٧ هزار ماموستایان و ١٦٠٠ خاندنگەهان.
دەربارەی وەرگرتنا ڤاکسینی بۆ
ماموستایان ژی گوت، وەرگرتنا ڤاکسینی دێ هەر ل وان بنگەهان بیت یێن بەریا نها لێ د
هاتنە وەرگرتن، دبێژیت ژی، وەرگرتنا ڤاکسینی نەچاری نینە.
ئەڤە ددەمەکیدایە، ل سنورێ پارێزگەها
دهۆکێ هێشتا کەرتێ پەروەردێ ئاریشەیا کێمیا خاندنگەهان و ماموستایان هەیە و
رێژەیەکا زێدە یا وان خاندنگەهێن هەی پێتڤی ب نویژەنکرنێ هەنە.