PM:09:02:13/06/2023
5756 جار خوێندراوەتەوە
+
-
لدیڤ زانیاریێن ئێن ئاڕ تی، مالا تالەبانی لسەر داخازا پارتی وەهاب
هەلەبجەیی بەرپرسێ دژەتیرۆرا حزبا وان ل پۆستێ وی سڕکر و پشتی هەیامەکا دی ژی ب
تەمامی دێ دوویرئێخن.
هەر لگۆرەی زانیاریان سڕکرنا بەرپرسێ دژرتیرۆرا یەکێتی لسەر داخازا پارتی
بوویە، ئەو سڕکرن ژی پێنگاڤا ئێکێ یا دوویرخستنا ویە ژ پۆستێ وی، ژبەرکو بڕیارا
لادانا وی هاتیەدان و د داهاتی دا ل پۆستێ وی دێ لادەن.
هەڤدەم، ژێدەرەکێ هایدار بۆ ئێن ئاڕ تی ڕاگەهاند، هەر ئێک ژ بافل تالەبانی
و قوباد تالەبانی بڕیارا لادانا بەرپرسێ دەزگەهێ دژەتیرۆرێ دایە ئەڤەژی پشتی کو
پارتی هنارتنا بودجەیێ دژەتیرۆرا یەکێتی گرێدایە ب لادانا وەهاب هەلەبجەی کو
مەهانە لدیڤ هند زانیاریێن نەفەرمی ملیۆنان دۆلارن.
پشتی لهەڤهاتنا نووی پارتی سۆز ب یەکێتی دایە بودجەیێ دژەتیرۆرا یەکێتی
بهنێریت و چاڤێ خۆ ژ دۆسەیا کۆشتنا هاوکار جاف بنقینن و ل هەمبەر ژی یەکێتی وەهاب
هەلەبجەیی ل پۆستێ وی دوویر بئێخیت.
لدیف زانیاریان، پاشخستنا دوویرئێخستنا وەهاب هەلەبجەی پارتی دلگران کریە و
دەرچوونا بڕیارا ب دارڤەکرنێ ژی بۆ وەهاب هەلەبجەی هەر ژبەر پاشکەفتنا لادانا وی
بوویە.