AM:12:05:04/06/2023
380 جار خوێندراوەتەوە
+
-
سەرۆک کۆمارێ تورکیا پشتی ل پێشیا پەرلەمانێ
وەلاتێ خۆ سویندا یاسایی خواری، کابینەیا نوویا حکومەتا خۆ ڕاگەهاند و تێدا هاکان
فیدان سەرۆکێ بەرێ یێ دەزگەهێ هەوالگریا تورکیا "میت" وەکی وەزیرێ
دەرڤەیێ وەلاتێ خۆ دیارکر و وەزیرێ بەرەڤانیێ ژی گوهارت.
رەجەب تەیب ئەردۆغان، سەرۆککۆمارێ تورکیا
پشتی وێیەکێ کو ل پێشیا پەرلەمانێ وەلاتێ خۆ سویندا یاسایی خواری، د کۆنفڕانسەکێ
رۆژنامەڤانی دا ڕاگەهاند، هاکان فیدان سەرۆکێ بەرێ یێ دەزگەهێ هەوالگریێ
"میت"ێ وەکی وەزیرێ دەرڤەیێ وەلاتێ خۆ دیارکر و ب ڤێ ژی جهێ مەولود
چاویش ئۆغلۆ گرت.
هەروەسا، یەشار گیولەر وەکی وەزیرێ نوویێ
بەرەڤانیێ دیارکر و جهێ خولوسی ئاکار وەزیرێ بەرەڤانیێ یێ بەرێ گرت.
هەر د کۆنفڕاسێ دا، سەرۆککۆمارێ تورکیا
پۆستێن دی ب ڤی ئاوای بەرچاڤ کرن:
جەودەت یەڵماز، یاریدەدەری سەرۆک کۆمار .
یەڵماز توونج، وەزیرێ داد.
ماهینوور ئۆزدەمیر گۆگتاش، وەزیرێ جڤاکی و
خێزانی.
ڤێدات ئیشکهان، وەزیرێ کار و بیمەیا جڤاکی.
محەممەد ئۆزهەسەکی، وەزیرێ ژینگەهێ و باژێرڤانیێ .
عوسمان ئاشکن باک، وەزیرێ وەرزش و لاوان.
ئاڵپارسڵان بایراکتار، وەزیرێ وزە و سامانێن
سرووشتی.
محەممەد شیمشەک، وەزیرێ دارایی.
عەلی یەرلیکایا، وەزیرێ ناوخۆ.
محەممەد نووری، وەزیرێ کولتوور و گەشتیاری.
یوسف تەکین، وەزیرێ پەروەردە .
فەخرەدین کۆجا، وەزیرێ ساخلەمیێ.
محەممەد فاتیح کاجر، وەزیرێ پیشەسازی و تەکنەلۆجیا.
عومەر بۆڵات، وەزیرێ بازرگانی .
عەبدوڵقادر ئوراڵئۆغڵو، وەزیرێ ڤەگوهاستن و
گەهاندنێ.
ئیبراهیم یوماكڵی، وەزیرێ چاندن و دارستانان.
ئەڤە د دەمەکێ دایە، ل خولا دووێ یا هەلبژارتنا
سەرۆکاتیا تورکیا دا ل رۆژا ٢٨ی ٥ی ٢٠٢٣ێ رەجەب تەیب ئەردۆغان بەربژێرێ
هەڤپەیمانیا جمهوری ب رێژەیا ٥٢.٦%ێ دەنگ مسۆگەرکرینە و ب ڤێ ژی بسەر کەمال
کلیچدارئۆغلۆ بەربژێرێ مللەت دا سەرکەفت و بۆ جارا سیێ بوویە سەرۆک کۆمارێ تورکیا
و ئەڤرۆ ژی ل پێشیا پەرلەمانێ وەلاتێ خۆ سویندا یاسایی خوار.