PM:11:38:03/06/2023
1208 جار خوێندراوەتەوە
+
-
ئەندامەکێ مەکتەبا سیاسیا یەکێتی ڕاگەهاند،
نەوەی نوێ مەترسیەکا مەزن لسەر پارتی و یەکێتی دروستکریە. دبێژیت ژی، "خەلک ژ
کەربا پارتی و یەکێتی دێ دەنگی ب نەوەی نوێ دەن".
سەعدی ئەحمەد پیرە، ئەندامێ مەکتەبا سیاسیا
یەکێتی ئاماژە ب وێیەکێ ژیکر، "ئەم د هەوا هەلبژارتنێ دا پەیڤێن نە شرین
بکاردئینن و بەحسا ئێک و دوو دکەین".
دبێژیت ژی، نەوەی نوێ پێتڤی ناکەت چ هزران
بکەت بتنێ گوتارێن پارتی و یەکێتی لهەڤ بدەت دژی ئێک و دوو هەوەکا مەزنە بۆ
هەلبژارتنان.
ئەڤە د دەمەکێ دایە، ڤەلڤینا نەوەی نوێ وەکی
هێزەکا ئۆپۆزسیۆنێ ژ دەمێ دروستبوونا وێ ڤە دروشمێ گوهۆرینا سیستەم و داوی ئینان ب
گەندەلیێ بلندکریە، د هەیاما دەربازبووی دا شاسوار عەبدولواحید سەرۆکێ ڤەلڤینا
نەوەی نوێ چەندین جاران ڕاگەهاندیە د هەلبژارتنا پەرلەمانێ کوردستانێ دا دێ
مۆفاجئێ دروست کەن و ئەوا پارتی و یەکێتی چاڤەڕی نەکریە دیتنە.
بەریا نها ژی، پارتی و یەکێتی ب
ئاوایەکێ نە یاسایی ژیێ پەرلەمانێ
کوردستانێ درێژکرینە هەتا هەلبژارتنا پەرلەمانی ل هەرێمێ نەهێتەکرن ژ ترسا وێیەکێ
دا ب ئاوایەکێ بەرچاڤ دەنگێن خۆ کێم دکەن و رێکێ ب هاتنا پێشا هێزا نووی ددەن.
چاڤدێر و شلوڤەکارێن سیاسی ئاماژە ب وێیەکێ
دکەن، د هەلبژارتنا ئەڤجارەیا پەرلەمانێ کوردستانێ دا ڤەلڤینا نەوەی نوی دبیتە
هێزەکا کارتێکر و بهێز د پێگەهێن دروستکرنا بڕیاران دا ل کوردستانێ تایبەت ب خۆڤە دبیت.