PM:03:27:02/06/2023
10764 جار خوێندراوەتەوە
+
-
لگۆرەی وان
زانیاریێن ب دەست ئێن ئاڕ تی کەفتین، د نها دا زێدەتری ٧٠٠ ملیار دیناران ل
بەردەستێ حکومەتا رێڤەبرنا کاران یا هەرێمێ دانە و دشێن د دەمێ ١٠ رۆژان دا
مووچەیێ ١٦ دەستە و وەزارەتان دابەش بکەت، لێ حکومەت چاڤەرێ دکەت مووچەیێ مەها
ئایارێ ب تەمامی ژ لایێ بەغدا بهێتە دابینکرن.
لگۆرەی
دیڤچونێن دیجیتال میدیایا ئێن ئاڕ تی، د هەیاما مەها دەربازبووی دا کۆژمێ ئێک
ترلیۆن دیناران ل بەغدا بۆ هەرێمێ هاتینە هنارتن و ل وی کۆژمی ١٠٠ ملیار دینار
مانە و لدیڤ ئاخڤتنا حکومەتا رێڤەبرنا کاران ژی ل مووچەیێ مەها ئادارێ ١٧٥ ملیار
دینار د گەنجینەیا حکومەتێ دا مانە.
هەڤدەم، دەرازینکێن سنوریێن هەرێمێ ژی
مەهانە کوژمێ ٤٠٠ ملیار دیناران پەیدا دکەن ئانکو د نها دا زێدەتری ٦٧٥ ملیار دینار
د گەنجینەیا حکومەتا رێڤەبرنا کارێن هەرێمێ دا هەنە و ژ ئالیێ ولاتێن هەڤپەیمان ڤە
کوژمێ ٣٠ ملیار دیناران بۆ موچەیێ پێشمەرگەی دێ هێتە دان ئانکو زێدەتری ٧٠٠ ملیار
دینار د بەردەست دانە.
بڕیارە حکومەتا بەغدا ژی تەماما پارەیێ
موچەیێن فەرمانبەرێن هەرێما کوردستانێ بهنێریت و ب حکومەتا رێڤەبرنا کارێن هەرێمێ
گوتیە، " کەنگی دەمێ دابەشکرنا موچەی هات دێ پارە هێنە هنارتن."
لێ هەیا نها وەزارەتا داراییا حکومەتا
رێڤەبرنا کارێن هەرێمێ لیستا موچەیێ مەها ئایارێ بەلاڤنەکریە ، د دەمەکی دا بڕیاربوو
ل رۆژا ئێکشەمبی یا دەربازبووی لیستا موچەی بەلاڤ بکەت.
هێرش قادر، هەولێر