PM:01:52:28/04/2023
3444 جار خوێندراوەتەوە
+
-
بەریا دەمەکێ کێم ل سنورێ قەزا ئامێدیێ ل
نێزیک خالەکا سەربازی یا ئاڕتیشا تورکیا تێ ئێن تی یەک تەقیا، ل گۆر زانیاریێن نووچەگەهانێ
ئێن ئاڕ تی ژی، دوو کەس بووینە قوربانی کو ئێک ژ وان ژیانا خۆ ژ دەستدایە.
نیهاد ئورەماری، نووچەگەهانێ ئێن ئاڕ تی ل
سنورێ قەزا ئامێدیێ ڕاگەهاند، دەمژمێر ١:١٥ خولەکێن پشتی نیڤرۆ ل پشتا بەرێ سیلێ ل هنداڤی چیا زەرکی ل سنورێ قەزا ئامێدیێ
چەند وەلاتیێن گوندێ کانێ ب مەرەما ئینانا گیایێ بهارێ چووینە وی جهی و تێ ئێن
تیەک ب وان ڤە تەقیایە.
بەحسا وێیەکێ ژیکر، ب سەدەما تەقینێ کەسەکی
ژیانا خۆ ژ دەستدایە و کەسەکی دی ژی برینداربوویە و ئەمبۆلانسێن نەخۆشخانا ئامێدیێ
چووینە تەرمێن وان بینن.هەڤدەم دبێژیت ژی، ژیێ وان وەلاتیان دناڤبەرا ٣٠ بۆ ٣٥
سالیێ دانە.
ئاماژە ب وێیەکێ ژیکر، ل هەمبەر وی جهێ تێ
ئێن تی لێ تەقیایی خالەکا سەربازی یا ئاڕتێشا تورکیا هەیە ژبەر هندێ ل دەما د
هەوار چوونێ ئاستەنگی بۆ تیمێن ساخلەمیێ دروست بوون.
دیارژیکر، بەریا نها ژی وەلاتی هاتبوونە
ئاگەهدارکرن سەرەدانا وان جهان نەکەن ژبەرکو بووینە جهێن سەربازی و مین و تێ ئێن
تی یێن چاندی هەنە.
هەڤدەم، ل گۆر زانیاریێن نووچەگەهانێ ئێن ئاڕ
تی، پشتی وێ تەقینێ بالەفڕێن ئاڕتێشا تورکیا ژی هنداڤی گوندێ گوهەرزێ هەر ل وی
سنوری بۆمبەباران کرن لێ هەتا نها زیانێن وێ نەهاتنە ئەشکرا کرن.