AM:10:17:24/01/2023
6348 جار خوێندراوەتەوە
+
-
ل گوندێ گربیش یێ سەر ب ناحیا دینارتێ ڤە دوو کەس
هاتن کوشتن و پۆلیسێن ئاکرێ ژی دبێژین، تەرمێ وان بۆ نۆژداریا دادا دهۆکێ هاتینە ڤەگۆهاستن.
ئەڤرۆ سێشەمبی، رائید عیماد، بەرپرسێ ڕاگەهاندنا
پۆلیسێن قەزا ئاکرێ بۆ ئێن ئاڕ تی ڕاگەهاند، دەرەنگیا شەڤا دەربازبووی ل گوندێ گربیشێ
یێ سەر ب ناحیا دینارتێ ڤە دوو کەس هاتنە کوشتن کو ژنەک و زەلامەک بوونە و تەرمێ وان بۆ نۆژداریا داد ل دهۆکێ هاتینە ڤەگۆهاستن.
دیارژی کر، ئەو دوو کەسە ژن و زەلامەک بووینە و
هەردوو ژی خێزاندارن، ل گۆر ڤەلکۆلینێن دەستپێکی ئاریشە جڤاکی بوویە.
ئەو یەک ژی گوت، تیمێن وان چووینە جهێ بوویەرێ
و پەڕێن ڤەکۆلینێ ڤەکرینە، لێ هەتا نها چ کەس لسەر کوشتنا وان دوو کەسان نەهاتینە
دەستەسەرکرن.
ئەڤە د دەمەکێ دایە، ژ دەستپێکا ئەڤ سالە ڤە
دووەم بوویەرا کوشتنێ یە ل سنورێ پارێزگەها دهۆکێ روویدەت کو بوویەرا ئێکێ ژی ل
گوندێ ئێک مالە بوویە ل سنورێ قەزا بەردەڕەش کو زەلامەکێ ٦٠ سالی هاتبوو کوشتن،
هەڤدەم، ل گۆر ئامارێن پۆلیسێن پارێزگەها دهۆکێ ژی د سالا ٢٠٢٢ێ دا ٢٣ حالەتێن
کوشتنا ب مەرەم لسنورێ پارێزگەهێ روویدانە کو ١٨ ژ وان زەلام بووینە و پێنجێن دی
ژی ئافرەت.
شکێران زێباری ، ئاکرێ