PM:08:55:10/01/2023
1448 جار خوێندراوەتەوە
+
-
پەرلەمانتارەکێ عێراقێ راگەهاند، جڤینا بهێت یا
پەرلەمانی لسەر بلندیا بهایێ دۆلاری دبیت و دناڤدا ڤەکۆلین لسەر ئالیێن پاراستنا بهایێ
دینارێ عێراقی دهێتەکرن و هەمی پێشنیاران ئاراستەی وەزارەتا داراییا عێراقێ دهێنەکرن
و دبێژیت، "جڤین دێ رۆژا شەمبیێ برێڤەچیت."
باقر کازم پەرلەمانتارێ عێراقێ د داخویانیەکێ
دا بۆ میدیایێن ناڤخۆ ڕاگەهاند، جڤینا بهێت یا پەرلەمانێ عێراقێ تایبەت دبیت ب
گۆتوبێژکرنێ و دیتنا چارەسەریێ بۆ پرسا بلندبوونا بهایێ دۆلاری و پەرلەمانێ عێراقێ
ژی دێ راپۆرتەکێ د وێ دەربارێ دا بەرهەڤکەت و دێ پێشنیارێن وێ ئاراستەی وەزارەتا
دارایی کەت.
ئاماژە ب وێیەکێ ژی کر، د دەمێ
دەربازبووی دا پەرلەمان لسەر دیتنا چارەسەر و پێشنیاران بۆ کێمکرنا بهایێ دۆلاری
پشتی بلندبوونێ کارکریە و دبێژیت ژی، "رۆژا شەمبیا داهاتی ئێکەم جڤینا وەرزێ
نویێ یاسایا پەرلەمانێ عێراقێ دێ بڕێڤەچیت".
ئەویەک ژی بەرچاڤکریە، جڤینا داهاتی یا
پەرلەمانی وەک ڤەلڤینەکا ژ نشکەکێ دبیت بۆ چارەسەرکرنا بهایێ دۆلاری و تێدا
ڤەکۆلین لسەر هەمی وان ئالیان دهێتەکرن کو پارێزگاریێ ژ بهایێ دینارێ عێراقی دکەن.
ئەڤە ژی پشتی وێیەکێ دهێت، دەمێ مەهەکێ
یە بهایێ دۆلارێ ئەمریکی ب ئاوایەکێ بەرچاڤ بلندبوویە ب ئاوایەکی ١٠٠ دۆلار ل
هەمبەر ١٥٩ هزار دینارانە و بەنکا ناڤەندی ژی سەدەمێ وێ ڤێ بلندبوونێ ڤەدگەرینیت
بۆ بهێزکرنا رێکارێن خستنە روویا دۆلاری ژ ئالیێ بەنکا ناڤەندیا ئەمریکا.