PM:09:34:17/12/2022
1248 جار خوێندراوەتەوە
+
-
ڕێڤەبەریا پۆلیسێن هەولێرێ ڕاگەهاند، ژبەر راگرتنا تڕۆمبێلێ ل پێشیا
گەراجەکێ د ناڤبەرا خودانێ گەراجی و خودانێ ترۆمبێلێ دا بوویە شەرە دەڤ و پشتر ب
شەر چووینە و کەسەک هاتیە کوشتن و دبێژیت، ئەو مژیلی دەستەسەرکرنا بکەرێ سەرەکیێ
تاوانێنە.
رێڤەبەریا پۆلیسێن هەولێرێ دبێژیت، ئەڤرۆ هاتنە ئاگەهدارکرن لسەر هەبوونا
بوویەرەکا کوشتنێ ل قەزا خەبات، تیمێن وان چووینە جهێ بوویەرێ و دەست ب ڤەکۆلینێ
کریە.
گوتیە ژی، د ڤەکۆلینێن دەستپێکی دا دیاربوویە کو وەلاتیەک بناڤێ (رێباز
حەیدەر رەمەزان) یێ تەمەن ٢٢ سالی هاتیە کوشتن و وەلاتیەکێ دی بناڤێ (فەرهاد
ئەحمەد) یێ تەمەن ٤٥ سالی برینداربوویە.
د زەلالکرنا پۆلیسان دا هاتیە کو، سەدەما بوویەرێ ب ڕەنگەکێ بوویە کو
فەرهاد ئەحمەد بار بۆ هاتیە د وی دەمی دا ترۆمبێلەک ل پێشیا گەراجێ وی هاتبوو
راگرتن و خودانێ ترۆمبێلێ هاتبوو ئاگەهدارکرن کو ترۆمبێلا خۆ راکەت ب مەرەما
دانانا بارێ خۆ و د وێ ناڤبەرێ دا دگەل خودانێ تڕۆمبێلێ بناڤێ (ک.ش.چ) بیتە شەرە
دەڤ و بوویە شەڕێ وان و تۆهمەتباری چەک بکارئینایە و گولـلە تەقاندنە و بوویەرا
کوشتنێ پەیدابوویە.
پۆلیسان دۆسیەیا ڤەکۆلینێ بۆ بوویەرێ ڤەکریە و ب گوتنا وان د نها دا مژیلی
دەستەسەرکرنا بکەرێ سەرەکیێ تاوانێ نە.