سەرنووچە:

دەرچوو بسپۆریا خوە نزانیت!

9/6/2020 4:42:08 PM
1940 جار خوێندراوەتەوە
عیماد ئالیخان
+ -

دەمێ ھەر خویندکارەک ل زانکۆ یان پەیمانگەھەکێ دھێتە وەرگرتن ل دەستپێکێ دڤێت بزانیت پشتی دەرچوونێ دێ بیتە خودان چ باوەرنامە و بسپۆریا وی د چ بیاڤ دایە، بۆ نمونە ھونەر، وەرزش و پزیشک و ... ھتد، ھەروەسا ئارمانجەکێ بخوە دانیت  بۆ پێشەرۆژێ و نە بتنێ پشتبەستنا وی ل سەر وێ خواندنێ بیت ئەوا ژلایێ ماموستا و دکتۆران ڤە ل زانکۆ یان پەیمانگەھێ بۆ ھاتیە گۆتن و شرۆڤەکرن و ب تایبەت د وی بیاڤی دا یێ کو لسەر خواندی داکو پتر پێزانین ھەبن و د رەوشەنبیربن!

جھێ گۆمان و سەرسۆرمانێ یە نۆکە ئەز ھندەک دەرچۆیێن زانکۆ و پەیمانگەھا دبینم پشتی خواندنا خوە ب دووماھی ئیناین نزانن بسپۆریا وان د چ بیاڤ دایە! و بسپۆریەکێ دبێژن نە ژ دۆر و نە ژ نێزیک گرێدای وێ نینە ئەوا وان ل زانکۆ و پەیمانگەھێ خواندی!

ل ڤێرە ئەز دێ ھندەک پرسیارا ئاراستەی وان دەرچوویان کەم یێن کۆ ب تنێ باوەرنامە وەرگرتین  و نەزانیت باوەرنامەیا وی چیە، کاکە تە چ خواندیە؟ چاوا تۆ نزانی خودان چ باوەرنامە و بسپۆری؟  راستە باوەرنامە کاغەزەکە، لێ تو رامانا وێ کاغەزێ دزانی؟ ئەرێ تۆ دزانی نەزانینا تە بۆ شرۆڤەیا باوەرنامەیا تە چ دگەھینیت؟ !..

نزا ئەگەرێ ڤێ شاشیا مەزن ژ ماموستایێن زانکۆ و پەیمانگەھایە کو پێش وەخت بۆ خویندکارا رۆن و ئاشکەرا ناکەن کو پشتی دەرچوونێ دێ بنە ھەلگرێن چ باوەرنامە و بسپۆری؟ یان بەرێ وان مایە ل مادەی و زانست پشت گوھ ئێخستیە و بۆ وان یا گرنگ نینە خویندکار بزانیت یان نە و بتنێ بوویە بوراندنا دەمی؟ یان شاشی د سیستەمێ خواندنێ دایە ؟ یان ئاستی قوتابی یێ رەوشەنبیری، ھزری و  تێگەھشتنا وی و... ھتد ھندە؟ یان ژی دبیت ئەڤە ژی جورە خوە مەزنکرنەک بیت ژلایێ دەرچوویان ڤە لەوا نازناڤەکێ دۆرتر ژ وێ یاکو وی ل زانکۆ و پەیمانگەھێ خواندی ل پێش یان پاش ناڤێ خوە ددانیت؟! یان و یان و ... ھتد.

ئەوێ نەزانیت ل وی دەمێ کو ئەو خویندکار ل زانکۆ و پەیمانگەھێ وی چ خواندی یە؟ چ فێربوویە؟ دێ چ گەھینیت؟ و ... ھتد دێ چاوا مللەت و نفشەکی پێگەھینیت و پێشئێخیت؟ ددەمەکی دا ئەوێ نەزان  پاشڤەمایە! و ھەردەم دھێتە گۆتن کۆ گەنج پاشەرۆژا مللەتی نە و ئاڤاکرن ددەستێ وان دایە!.

باشترە ھەر خویندکارەک دەمێ ل زانکۆیەکێ یان پەیمانگەھەکێ دھێتە وەرگرتن وەک خویندکار ل دەستپێکێ و یا گرنگ ئەوە پێزانینێن باش ل سەر وی جھی ھەبن ژ ھەموو لایەکی ڤە ھەر ژ رۆژا ئێکێ یا خواندنا وی و تا دەرچوونێ، ھەروەسا ل سەر ماموستا و دکتۆرێن وان ژی فەرە بۆ وان رۆن و ئاشکەرا بکەن کا خواندنا وان چیە، بسپۆری، باوەرنامە و ... ھتد. داکو  کەسێن ژ ھەژی ل جھێن ھەژی ببینین.