سەرنووچە:

ڕوسیا: ڕووبڕوبوونا لەشکەری د ناڤبەرا سوریا و ئۆپۆزسیۆنێ دا بداوی هاتیە

فۆتۆ: 
2020-09-22

229 جار خوێندراوەتەوە

وەزیرێ دەرڤەیێ روسیا بەحسا ب داویهاتنا روبڕوبوونا لەشکری د ناڤبەرا ئارتێشا سوریا و چەکدارێن ئۆپۆزسیۆنا وی وەلاتی کر و هەبوونا لەشکرێن ئەمریکی ژی ل باکورێ رۆژهەڵاتا سوریا ب نەیاسایی بناڤکر.

سێرگی لاڤرۆف د چاڤپێکەفتنەکی دا  دگەل کەناڵێ ئەلعەرەبیە راگەهاند، ئەوێن کو دگەل بەشار ئەسەد و بەرپرسێن دن گۆتوبێژ کربن ئەو یەک لجەم وان دروسبوویە کو حکومەتا سوریا بۆ چارەسەرکرنا ئاریشەیێن خوە هەوارا خوە بۆ چەکی نابەت، بەلکو روبڕوبوونا لەشکری د ناڤبەرا حکومەت و ئۆپۆزسیۆنێ دا بداوی هاتیە .

تەکەزی لسەر وێ یەکێ ژی کریە کو دوو خالێن گرنگ و گەرم د سووریا دا مانە ، ئەو ژی ئیدلب و رۆژهەڵاتا فوڕاتێ.

وەزیرێ دەرڤەی روسیا راگەهاند ژی، د رۆژهەڵاتا فوڕاتێ دا لەشکرێ نایاسایی یێ ئەمریکی هەیە دگەل هێزێن کوردی .

بەحسا وێیەکێ ژی کریە، کو ئەمریکی دەڤەر رادەستی کۆمپانیایێن نەفتێ کرنە و نها مژوولی دەرخستنا پەترۆلێ نە بۆ مەرەمێن  تایبەتێن خوە  و چ رێزەکێ ژی ل سەروەریا سوریا و هەڤپاریا ئاخا وی ناگرن.