سەرنووچە:

شانەیا ئەولەهیا عێراقێ زانیاریێن نوو دەربارەی بوویەرا شەڤا دەربازبووییا شنگالێ ئاشکراکرن

فۆتۆ: 
2020-09-21

321 جار خوێندراوەتەوە

شانەیا ئەولەهیا عێراقێ ڕاگەهاند، شەڤا دەربازبوویی ل نێزیک مەزارێ شەرفەدین ل شنگالێ تڕۆمبێلەک کو سێ ئەندامێن پەکەکێ تێدابوون ژ ئالیێ بالەفرەکا بێ بالەفرڤانا تورکیاڤە هاتیە ئارمانجکرن.

شانەیا ئەولەهیا عێراقێ د ڕاگەهاندنەکێ دا دازانین، "شەڤا دەربازبوویی بالەفرەکا بێ بالەفرڤانا تورکیا ل قەزا شنگالێ تڕۆمبێلەک ژ جورێ ئۆپل ئۆمێگا کریە ئارمانج".

دیارکریە ژی،  د ناڤ ترۆمبێلێ دا سێ ئەندامێن پارتا کارکەرێن کوردستانێ تێدابوونە، لێ ڕاگەهاندنا شانەیا ئەولەهیا عێراقێ زەلال نەکریە گەلو وان سێ کەسان ژیانا خۆ ژدەستدانە یان ژی نە.

ژ ئالیەکێ دی ڤە، حەیدەر شەشۆ، فەرماندارێ هێزا پارستنا ئێزیدخان بۆ ئێن ئاڕتی ڕاگەهاند، ل دەمژمێر ٨:٣٠ێ شەڤا دەربازبوویی، ترۆمبێلەک ل نێزیک مەزارێ شەرفەدین ل شنگالێ تەقیا، لێ ژبلی ماددی چ زەرەرێن گیانی نەبووینە.

بەحسا وێ یەکێ ژی کر، " ئەو دەنگۆیێن کو بەحسا بۆمبەباران تورکیا دکەن ڕاست نینە".

س.م