سەرنووچە:

ساخلەمیا دهۆکێ دەربارەی بکارئینانا دەرزیەکێ بۆ توشبوویێن کۆرۆنایێ زەلالکرن دا

فۆتۆ: 
2020-09-20

1909 جار خوێندراوەتەوە

ساخلەمیا دهۆکێ ڕاگەهاند، چارەسەریا نەخۆشێن کۆرۆنایێ ل دەف مە لگۆری پرۆتۆکولێن جیهانی یێن چارەسەریا نەخۆشیا کۆرۆنایێ دهێتەکرن، دبێژیت ژی، دەرمانێن دکسامیتازون، کو نوکە ل پتریا وەلاتێن جیهانێ ب پەسەندکرنا رێکخراوا ساخلەمیا جیهانی بۆ هندەک نەخۆشێن رەوشا وان دژوار دهێتە ب کارئینان، مفایەک باش ژێ هاتیە وەرگرتن.

ڕێڤەبەریا ڕێڤەبەریا گشتییا ساخلەمیا دهۆکێ د زەلالکرنەکێ دا ڕاگەهاند، "چارەسەریا نەخۆشێن کۆرۆنایێ ل دەف مە ل دویڤ پرۆتۆکولێن جیهانی یێن چارەسەریا نەخۆشیا کۆرۆنایێ دهێتەکرن و چ دەرمانەک ژ دەرڤەی پرۆتۆکولێن چارەسەریێ ناهێتەدان".

دیارکریە ژی، "دەرمانێن دکسامیتازون کو بوویە بابەتێ سوشیال میدیایێ، نوکە ل پتریا وەلاتێن جیهانێ ب پەسەندکرنا رێکخراوا ساخلەمیا جیهانی بۆ هندەک نەخۆشێن رەوشا وان دژوار دهێتە ب کارئینان یێ بوویە هاندەرەک کو رێژا نەخۆشێن کۆرۆنایێ بەر ب باشتر بچیت و مفایەک باش ژێ هاتیە وەرگرتن".

هەروەسا گوتیە، "ڕێژەیا مرنێ ل پارێزگەها دهۆکێ دوورێن 1.7%یە، ئەڤ رێژە ژی کێمترە هەکە هەڤبەر بکەین دگەل ئامارێن جیهانی کو 3%یە".

ل داویێ ژی بەحسا وێ یەکێ کریە، کو "تیمێن چارەسەریێ ل ساخلەمیا دهۆکێ ب شەڤ و رۆژ د کاری دانە ژ پێخەمەت کونترۆلکرنا رەوشا نەخۆشان و هیڤیدارین هەر پێزانینەکا نەزانستی کارتێکرنا خوە ل سەر خەلکێ مە نەکەت".

س.م