سەرنووچە:

ڕێڤەبەریا ئاڤا دهۆکێ: هەر مالەکا پیڤه‌ران‌ نەگرێده‌ت كرێیا ئاڤێ دووقات لێ‌ دهێتە وەرگرتن

فۆتۆ: 
2020-09-20

597 جار خوێندراوەتەوە

ڕێڤەبەریا ئاڤا دهۆکێ ڕاگەهاند، هه‌ر ماله‌كا هەیا دوو مه‌هێن دی پیڤه‌رێن‌ ئاڤێ نەگرێده‌ت دێ‌ كرێیا ئاڤێ دووقات لێ‌ هێتە وەرگرتن.

باوەر مەجید بەرپرسێ ڕاگەهاندنا ڕێڤەبەریا ئاڤا دەردورا پارێزگەها دهۆکێ بۆ ئێن ئاڕ تی ڕاگەهاند، ژ ئەڤرۆ شووندا هەر مالەک هەیا دوو مەهێن دی پیڤەرێ ئاڤێ نەگرێدەت دێ کۆژمێ ٢٠٠ هزار دیناران دەت، ئانکو ب دووقات دێ کرێیا ئاڤێ لێ هێتە وەرگرتن، ژبەر ڤێ یەکێ داخوازێ ژ وەلاتیان دکەن پێگیری بڕیارێ بن داکو زەرەرێ نەکەن.

دیارکر ژی، جێبه‌جێكرنا ڤان رێنمایان د به‌رژه‌وه‌ندیا وه‌ڵاتیان دایه‌ و دێ خزمه‌تا هه‌موویان ب یه‌كسانی و بێ جوداهی كه‌ت.

هەروەسا دازانین، کو نها وەرگرتنا پارەیێ کرێیا ئاڤا مالان د دەستێ کەرتێ تایبەت دایە و کارمەندێن وان دێ ل مالا گەڕیێن و پارەی وەرگرن.

ئەڤە ژی دەمەکێ دایە، پێشتر ژی چەندین جاران بڕیار هاتیەدان بۆ دانانا دۆماهیک ژڤان بۆ گرێدانا پیڤەرێن ئاڤێ، لێ بسەدەما شاش خاندن و گرێدانا پیڤەران و نەڕازیبوونا وەلاتیان و تێکچوونا ڕەوشا دارایی و بەلاڤبوونا کۆرۆنایێ ئەو بابەتە هاتبوو بێدەنگکرن.

س.م