سەرنووچە:

ل ھەولێرێ ھێزێن ئەولەھیێ دخۆازن ب ھێزێ داویێ ب خۆنیشاندانان بینن

فۆتۆ: 
2020-08-12

269 جار خوێندراوەتەوە

نووچەگەھانێ ئێن ئاڕ تی ل ھەولێرێ ڕاگەھاند، ھێزێن ئەولەھیێ رێگری ل خۆنیشاندەران کرن و ب بکارئینانا ھێزێ داوی ب خۆنیشاندانان ئینان، ھەڤدەم ل دھۆکێ ژی چەند خۆبەخشێن نەوەی نوێ ھاتنە دەستەسەرکرن.

دیارکر ژی، هەر ل هەولێرێ ل د دەمژمێر پێنجێ ئێڤاری کو هەڤدەم بوو دگەل دەستپێکرنا خۆنیشاندانا وەلاتیان پڕانیا ھێلێن ئینتەرنێتێ ھاتنە بڕین.

بەحسا وێ یەکێ ژی کر، هێزێن ئەولەهیێ ل تەڤاهیا جهان هاتبوون بەلاڤکرن و ڕێ نەدان وەلاتی خۆنیشاندانێ بکەن و ب هێزێ بەلاڤە پێکرن و توندوتیژی لهەمبەر وان بکارئینان.

ھەڤدەم، نووچەگەھانێ ئێن ئاڕ تی ل دھۆکێ دهۆکێ ڕاگەھاند، ھێزێن ئەولەھیێ ل دھۆکێ چەند خۆبەخشێن نەوەی نوێ دەستەسەرکرینە و ڕێ ب وەلاتیان ژی نەدان چ خۆنیشاندانان بکەن و هەموو بازاڕ داخستن و هێز ل پڕانیا جهان بەلاڤکرن.

دەمژمێر ٥ێ ئێڤاریا ئەڤرۆ چارشەمبیێ ١٢ێ تەباخێ، ل پڕانیا باژاڕ و باژاڕۆکێن هەرێما کوردستانێ خۆنیشاندانا بەشەکا وەلاتیان بڕێڤەچوون و تێدا وەلاتیان نەڕازیبوونا خۆ لسەر گیرۆبوونا مووچەی و خرابیا ڕەوشا دەبارا ژیانێ و کێمیا خزمەتگوزاریان نیشاندان و دخوازا هەلوەشاندنا حکومەتێ کرن.