سەرنووچە:

ل زاخۆ د بوویەرەکا هاتن و چوونێ دا دوو کەس برینداربوون

فۆتۆ: 
2020-08-12

1139 جار خوێندراوەتەوە

دوهی ل زاخۆ د بوویەرەکا هاتن و چوونێ دا دوو کەس ب گرانی برینداربوون.

ئەڤرو چارشەمبێ، ئازاد تاها بەرپرسێ راگەهاندنا هاتن و چوونا دهۆکێ د لاپەرەیێ خۆ یێ تایبەتێ فەیسبوکی دا بەلاڤکر، دوهی ئێڤاری دەمژمێر ٣ێ ئێڤاری ل سەر جادا سەرەکی یا دێرەبین نێزیکی گوندێ تیسانا ل سنورێ قەزا زاخۆ، بوویەرەکا هاتن و چوونێ روودا و ب وێ سەدەمێ دوو کەس ب گرانی بریندابووینە.

دیار ژی کر، بوویەر ژ جوورێ لێکدان بوویە دناڤبەرا ترۆمبێلەکا بارهلگر تۆیۆتا پیک ئاپ ب رەنگێ سور دگەل ترۆمبێلەکا بارهلگر کیا دوو تەن دا.

هەڤدەم، ل کومەلگەها تەناهی یا سەر ب باژارێ دهۆکێ ڤە، بوویەرەکا هاتن و چوونێ د ناڤبەرا سێ ترۆمبێلان دا دروستبوو، لێ ج زیانێن جانی نەبوون بتنێ زیانێن مادی هەبووینە.