سەرنووچە:

پوتین و ئەردۆغان و روحانی: ئەم دژی رێڤەبەریا خۆسەرین ل باکورێ سوریایێ

فۆتۆ: 
2020-07-02

210 جار خوێندراوەتەوە

سەرۆکێن ولاتێن روسیا و تورکیا و ئیرانێ ب رێکا ئۆنلاین جڤیان و راگەهاند، دگەل یەک پارچەییا ئاخا سوریایێ ینە و رێڤەبەریا خۆسەر رەتدکەین.

هەریەک ژ ڤلادیمێر پوتین سەرۆکێ روسیا و ڕەجەب تەیب ئەردۆغان سەرۆک کۆمارێ تورکیا و حەسەن ڕوحانی سەرۆک کۆمارێ ئێرانێ ب ڕێکا ڤیدیۆیێ کۆنفرانسەک لسەر رەوشا سوریا جڤیان.

لدیف راگەهاندنا جڤینێ، هەرسێ سەرۆکان چەندین جاران تەکەز لسەر یەکپارچەیا ئاخا سوریایێ کریە و سەربەخۆیی و سەروەریا سوریا ب ئەولەویەتا کارێن خۆ ناڤکریە.

هەروەسا هەمی بزاڤەکێ بۆ دروستکردنا رێڤەبەریا خوسەر لسەر ئاخا سوریایێ ڕەتکرینە ل ژێر ناڤێ ریبریبوونا تیرۆرێ، بەحسا رێڤەبەریا خوسەر باکورێ سوریا کریە و ب قانونی ناڤکریە.

هەرسێ سەرۆکان بەحسێ نڤیسینا دەستورێ سوریایێ ژی کریە و ئاماژە ب گرێدانا سێیەمین جڤینا لیژنەیا نڤسینا دەستور کریە دگەڵ نوێنەرێن نەتەوێن هەڤگرتی دا  ل سوریا.

هەروەسا داخوازا بهێزکرنا وان رێکەفتنێن دەربارەی ئیدلبێ د ناڤبەرا هەرسێ وڵاتان دا هاتینەکرن، دگەل ریبریبوونا داعش و بەرەیێ نوسرە و گرۆپێن چەکداری یێن پەیوەندی ب قاعیدەڤە هەین و د لیستا تیرۆرێ دا.

ئەڤ جڤینا دناڤبەرا هەرسێ ئالیان دا د دەمەکێ دایە، کو تورکیا پشکەکا زێدە ل باکورێ سوریایێ داگیرکریە و دگەل ژ ناڤچوونا بەشار ئەسەد دایە، لێ ئیران و روسیا پشتەڤانن و ناهێلن ژناڤبچیت.