سەرنووچە:

ولاتێن ئەوروپا گۆتوبێژا سەپاندنا سزای بسەر تورکیا دا دکەن

ب سەدەما دەستێوەردانێن تورکیا د هند ولاتان دا
فۆتۆ: 
2020-07-02

153 جار خوێندراوەتەوە

وەزیرێ دەرڤە یێ فەرەنسا ڕاگەھاند، وەزیرێن دەرڤە یێن یەکێتیا ئەوروپا گۆتوبێژا سەپاندنا سزایێن نوو بسەر تورکیایێ دا دکەن.

ئاژانسا نووچەیی یا رۆیتەرزێ بەلاڤکریە، جان ئیڤ لۆدریان ، وەزیرێ دەرڤەیێ فەرەنسا ڕاگەھاند، ۱۳ێ ڤێ مەھێ وەزیرێن دەرڤە یێن ئەندام د یەکێتیا ئەوروپا دا دێ دەربارەی گاڤێن ڤێ داویێ یێن تورکیا جڤن.

ڕاگەھاند ژی، روونشتن لسەر داخۆازا فەرەنسا بوویە و تایبەت ژی بیت ب مژارا تورکیا.

لۆریان ئاماژە کریە ژی، بەریا نھا ژی ب سەدەما پشکنینا تورکیا ل دەڤەرا ئابوری یا قوبرس ، بۆ دەستکەفتنا نەفت و وزێ ، ئەوروپا سزا بسەر تورکیا دا سەپاندبوو و دبیت ئەڤ جار سزایێن زێدەتر بسەر دا بھێن سەپاندن.

ئەڤە ژی د دەمەکێ دایە ، کو سوپایێ تورکیا د نھا دا ب ھێجەتا ھەبوونا پەکەکێ دەڤەرێن ھەرێما کوردستانێ بۆمبەباران دکەت و دەستێوەردانێ د ھەریەک ژ لیبیا و سوریا و بەشێ یونان قوبرسێ دا دکەت.