سەرنووچە:

ساخلەمیا هەرێمێ ئامارا ٢٤ دەمژمێران یا توشبوویێن کۆرۆنایێ بەلاڤکر

فۆتۆ: 
2020-07-01

206 جار خوێندراوەتەوە

وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا ٢٥٩ حالەتێن نوویێن توشبوون ب کۆرۆنایێ و ٢٢٣ چێبوونەڤە، شەش ژیان ژدەستدان ھاتنە تۆمارکرن.

ئەڤرۆ چارشەمبیێ وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا ٢٤٠ حالەتێن نوویێن توشبوون ب کۆرۆنایێ ھاتنە تۆمارکرن، ب ئاوایەکێ ٩٢ ل سلێمانی، ٨٠ ل ھەولێرێ، ٦٩ ل دەڤەرا گەرمیان، ١٨ ل هەلەبجە بوونە.

دیارکریە ژی، "٢٢٣ کەسێن دی ژی ژ نەخۆشیێ چێبووینەڤە، ب ئاوایەکێ ٣٨ ل ھەولێرێ، د دەما ١٤ ڕۆژان دا ١٦٩ ل سلێمانیێ و ١٤ ل گەرمیان و یەک ل دهۆک و یەک ژی ل هەلەبجە."

بەحسا وێ یەکێ ژی کریە، شەش حالەتێن ژیان ژدەستدانێ هاتنە تۆمارکرن کو سێ ل سلێمانیێ، یەک ل گەرمیان و یەک ل ڕاپەڕین و یەک ژی ل هەولێرێ بوویە.

لگۆر داوی ئاماران، ھەیا نھا شەش ھزار و ٤٠٣ حالەتێن توشبوون ب ڤایرۆسێ کۆرۆنایێ ل ھەرێمێ ھاتنە تۆمارکرن و ژ وێ ژمارێ ژی دوو هزار و ٧٨ کەس ژی ژ نەخۆشیێ چێبوونەڤە و ٢١٣ کەسان ژی ژیانا خۆ ژدەستدانە.

س.م