سەرنووچە:

موراد قەرەیلان دەربارەی هێرشێن تورکیا هۆشداریێ ددەت

فۆتۆ: 
2020-07-01

2834 جار خوێندراوەتەوە

موراد قەرەیلان دەربارەی هێرشێن تورکیا هۆشداری ددەت و دبێژیت، "دوژمن دخوازیت دەستپێکێ هەرێما ئارام دروستبکەت و دیڤدا ب تەمامی باشورێ کوردستانێ داگیربکەت".

موراد قەرەیلان ئەندامێ دەستەیا ڕێڤەبەریا کۆما جڤاکێن کوردستانێ (کەجەکە) د پەیامەکێ دا ڕاگەهاند، ئارمانجا تورکیا ئەوە هەرێمەکا ئارام دروست بکەت و ئارمانجا وێ بتنێ خواکورک و هەفتەنین نینن، ل ڕۆژئاڤا ژی هەمان پلان دانابوو،  ئانکو دخوازیت ژ خواکورکێ هەیا عەفرینێ هەرێمەکا ئارام دروست بکەت و ئەگەر هوسا بوو دێ پڕانیا ڕۆژئاڤایێ و دەڤەرێن ستراتیژیێن هەرێمێ ژی داگیر کەت، ئاشکرایە ژی کو دیڤدا دێ هەموو ئاخا هەرێما کوردستانێ داگیرکەت.

دیارکریە ژی، "ئارتێشا دوژمنی گەلەک لێ دهێنە کوشتن، لێ بەحس ناکەن، هەر جار بەحسا یەکێ دکەت، بۆ نموونە دبێژیت، 'ئەفسەرەک هاتە کوشتن'، باشە ئەو ئەفسەرە چاوا هاتە کوشتن، ئەفسەر فەرماندارێ هێزەکێیە و ئەرێ ئەو د ڕێزێن پێشیێ دابوویە کو مریە؟ دیارە هێز هەموو هاتیە ژناڤبرن و پاشی ئەفسەر هاتیە کوشتن، ئانکو هەژمارەکا زۆر لێ دهێتە کوشتن".

دبێژیت ژی، "پێشتر ژی مە گوتبوو ئەگەر دوژمن دەڤەرەکێ دگریت بلا بگریت، لێ دێ باجەکا گەلەکا گران دەت، ئانکو دێ گەلەک لێ هێنە کوشتن و دیڤدا دکاریت وی جهی بگریت، ئەگەر بەردەوام لێ بمینیت هەرتم باجێ دێ دەت".

س.م