كیژان ئیبراهیم : ئه‌لبومه‌كه‌م به‌ 24 سه‌عات تۆمار كرد

9/8/2013 4004 جار خوێندراوەتەوە


له‌ میانی  چاوپێكه‌وتنێكی له‌گه‌ڵ به‌رنامه‌ی " رۆژانه‌ی NRT" كه‌ناڵی ئاسمانی NRT، گۆرانی بێژ " كیژان ئیبراهیم  خه‌یات " باسی له‌وه‌ كرد كه‌ ده‌نگی  ئه‌لبومه‌ نوێیه‌كه‌ی ته‌نها له‌ ماوه‌ی 24 كاتژمێر تۆمار كردووه‌

ئه‌لبومی "  نهێنی دڵ" كه‌ له‌ ساڵی 2012 بڵاو بویه‌وه‌ و به‌ یه‌كێك له‌ ئه‌لومه‌ پرفرۆشه‌كانی ساڵی 2012 داده‌نرێت، كیژان ده‌رباره‌ی ئه‌و ئه‌لبومه‌ ده‌لێتـ له‌ روی میلۆدی و دابه‌ش كردن و میوزیك و تێكسته‌وه‌ زۆرم به‌ دڵه‌، به‌ڵام له‌ روی ده‌نگی خۆمه‌وه‌ زۆر به‌ دڵم نی یه‌، چونكه‌ له‌به‌ر هه‌ندێك كاری تایبه‌تی  ته‌نها له‌ ماوه‌ی 24 كاتژمێردا هه‌موو ده‌نگی ئه‌لبومه‌كه‌م له‌ ستۆدیۆ تۆمار كرد،

كیژان ئاماژه‌ی به‌وه‌ش كرد هه‌ر گۆرانیه‌ك ئه‌گه‌ر یه‌ك تا دوو جار دوباره‌م كردۆته‌وه‌  و ئه‌ویش به‌هۆی بونی تاقیكردنه‌وه‌ی زانكۆ و تازه‌ ببوم به‌ خاوه‌نی كۆرپه‌له‌ و هه‌روه‌ها ستۆدیۆكه‌ش له‌ شاری هه‌ولێر بوو، بۆیه‌ له‌ ماوه‌ی 24 سه‌عات ئه‌و ئه‌لبومه‌م تۆمار كرد

له‌ به‌شێكی تری چاوپێكه‌وتنه‌كه‌ كیژان باسی له‌وه‌ كرد كه‌ زیره‌ك میره‌ی هاوسه‌ری له‌ روی بیر و راده‌ربرینه‌وه‌ كاریگه‌ری باشی هه‌یه‌ له‌سه‌ر كاره‌ هونه‌ریه‌كانی و وتیشی كه‌ من یارمه‌تی ئه‌یه‌م له‌ كاری په‌یكه‌رسازیدا و زۆر جار گه‌چی بۆ ئه‌گرمه‌وه‌،

كیژان وتیشی كه‌ له‌ گۆرانی بێژه‌كان به‌ ده‌ره‌جه‌ی یه‌كه‌م باوكم " ئیبراهیم خه‌یات " كاریگه‌ری هه‌بووه‌ له‌سه‌رم و دوای ئه‌ویش هه‌ریه‌كه‌ له‌ مه‌زهه‌ری خاڵقی و ناسری ره‌زازی، وتیشی كه‌ گۆرانی بێژه‌ئافره‌ته‌ كۆنه‌كان نه‌یانتوانیوه‌  كاریگه‌ریم له‌سه‌ر دروست بكه‌ن، به‌هۆی نه‌بونی كوالیتی له‌ به‌رهه‌مه‌كانیان

Copyright © 2013 NRT2 TV. all rights reserved .Created by AVESTA GROUP Information Technology and Consultancy