سەرۆک وەزیرانی عێراق رایگەیاند، پاراستنی ئاسایش و سەقامگیری عێراق پشتگوێ ناخەن و رێگە نادەن عێراق بخرێتە ناو گۆڕەپانی ململانێکانەوە. دەشڵێت، "هیچ راپۆرت و ئاماژەیەکمان پێنەگەیشتووە سەبارەت بە هەڵدانی مووشەک یان فڕۆکەی بێفڕۆکەوان لە عێراقەوە لە کاتی هێرشەکەی ئێراندا".

وه‌زاره‌تی ده‌ره‌وه‌ی دانیمارك رایگەیاند، ‌ بڕیاریداوە باڵیۆزخانه‌ی وڵاته‌كه‌ی له‌ به‌غدا دابخات، ئەویش بەهۆی كشانه‌وه‌ی هێزه‌كانیان له‌ ریزی هاوپه‌یمانی نێوده‌وڵه‌تی له‌ عێراقدا.

سەرۆکی کۆمەڵەی هەناردەکارانی تورکیا رایگەیاند، لە ماوەی سێ مانگی سەرەتای ئەمساڵدا، عێراق بە بەهای نزیکەی ٦٠٠ ملیۆن دۆلار دانەوێڵەی لە تورکیاوە هاوردە کردووە.

لە کۆبوونەوەی لیژنەی باڵای هەماهەنگی نێوان عێراق و ئەمریکادا هەردوولا پابەندی خۆیان دوپاتکردەوە بۆ بە بەردەوامیدان بە چاکسازی دارایی لە عێراق و بڕیاریاندا هاوکارییە داراییەکان نێوان هەردوو وڵات زیاتر بکەن.

سەرۆکی دەستەی گومرگەکانی عێراق رایگەیاند، بەهۆی چاکسازییە داراییەکانەوە لە چارەکی یەکەمی ئەمساڵ داهاتی گومرگی عێراق گەیشتووەتە ٤٧١ ملیار دینار، کە ئەوەش بەرزترین رێژەیە بە درێژایی ١٠ ساڵی رابردووی دەستەکەیان.

کۆمپانیای هێڵی ئاسمانی عێراق رایگەیاند، لە سبەینێوە سەرجەم گەشتە ئاسمانییەکانی نێوان عێراق و ئێران دەستپێدەکەنەوە.

سەرۆک وەزیرانی عێراق رایگەیاند، دەیانەوێت لەگەڵ ئەمریکادا پەیوەندییەکی گشتگیریان هەبێت کە سەرجەم کەرتەکان لەخۆبگرێت.

سەرۆکی ئەمریکا لە کۆبوونەوەی لەگەڵ سەرۆک وەزیرانی عێراقدا رایگەیاند، پەیوەندییەکانیان لەگەڵ عێراق ستراتیژی و گرنگە. دەشڵێت، "پابەندین بە پاراستنی بەرژەوەندی هاوپەیمانەکانمان".

وەزیری دەرەوەی ئەمریکا رایگەیاند، ئەمڕۆ پێشوازیان لە تیمی حکومەتی عێراق کردووە کۆبوونەوەیەکی بەرهەمداریان لەگەڵ سەرۆک وەزیرانی عێراقدا هەبووە و پەیوەندییەکانیان لەگەڵ ئەو وڵاتەدا پتەوە. جێگری سەرۆکوەزیرانی عێراقیش رایگەیاند، عێراق دەیەوێت پەیوەندییەکانی لەگەڵ ئەمریکادا بەرەوپێش ببات.

لە دوو رووداوی جیاوازی هاتوچۆدا لە شاری بەغدا و کەرکوک، کەسێک گیانی لەدەستدا و حەوت کەسی دیکەش بریندار بوون.

وتەبێژی حکومەتی عێراق رایگەیاند، پەیوەندییەکانی پێشووی عێراق و ئەمریکا سنووردار بوون بە لایەنی ئەمنی و سەربازییەوە، بەڵام ئێستا پەیوەندییەکان زیاتر قوڵ دەبنەوە و بوارەکانی ئابووری، وەبەرەهێنان، بانکی، کشتوکاڵ و چەندین لایەنی دیکەش دەگرێتەوە.

چاوگێک لە شاندەکەی عێراق لە واشنتۆن بە دیجیتاڵ میدیای ئێن ئاڕ تی راگەیاند، سەرۆک وەزیرانی عێراق لە پەیوەندییەکی تەلەفۆنیدا لەگەڵ شازادەی جێنشینی سعودیە تاوتوێی رێکار و هەنگاوەکانیان بۆ کۆتایی هێنان بە گرژی و ئاڵۆزییەکان لە ناوچەکەدا کرد. دەشڵێت،" سعودیە و عێراق دەبنە هەماهەنگی بەرقەراربوونی ئاسایش لە ناوچەکەدا".

راوێژکاری دارایی سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، حکومەتی عێراق لەژێر سەرپەرشتی بانکی ناوەندیدا دەیەوێت سەرجەم مامەڵە داراییەکان و جوڵەی بازرگانی بازاڕەکانی ناوخۆ لە نەختینەوە بگۆڕێت بۆ ئەلیکترۆنی. دەشڵێت، "بانکی ناوەندی نیازی نیە هیچ بڕە پارەیەک چاپ بکات".

وەزارەتی پلاندانانی عێراق رایگەیاند، بە مەبەستی تەواوکردنی کارەکان بۆ ئەنجامدانی سەرژمێریی گشتیی دانیشتوانی عێراق لە مانگی تشرینی دووەمی ئەمساڵ، لەگەڵ چوار کۆمپانیای نێودەوڵەتی گرێبەستیان واژۆ کردووە.

وەزارەتی بازرگانیی عێراق رایگەیاند، یەکەمین بڕی بەرهەمی گەنمیان لە ناسڕیە و بەسڕە و نەجەف وەرگرتووە و ئامادەکاری دەکەن بۆ وەرگرتنی بڕی بەرهەمی گەنم لە هەموو شارەکانی ناوەند و باشووری عێراق.

وتەبێژی سوپای ئیسرایل رایگەیاند، ئەوەی روویدا دەبێتە هۆی فراوانبوونی گرژی و ئاڵۆزییەکانی رۆژهەڵاتی ناوەڕاست وپێشبینیش ناکەن بە خێرای دۆخەکە چارەسەربکرێت، هاوکات چاوگێک لە وەزارەتی بەرگری عێراق بە دیجیتاڵ میدیایی ئێن ئار تی راگەیاند، عێراق نابێتە خاکی ململانێکانی نێوان هەردوو وڵاتەکە و بەتەواویش پارێزراودەبێت.

بە گوێرەی کارنامەی سەردانەکەی سەرۆک وەزیرانی عێراق بۆ واشنتۆن سبەی یەکشەممە چەند دۆسیەیەکی گرنگ تاوتوێ دەکرێت و لە نێویشیاندا دۆسیەیی ئابووری هەرێم و عێراق.

چاوگێک لە وەزارەتی بەرگری عێراق بە دیجیتاڵ میدیای ئێن ئاڕ تی راگەیاند، دڵنیاییان پێدراوە کە بە هیچ جۆرێک خاکی عێراق ناکرێتە ئامانجی ململانێکانی نێوان ئیسرائیل و ئێران.

راوێژکاری ئابووری و دارایی سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، دوای لێکتێگەیشتنەکان سەبارەت بە کەمکردنەوەی سزای سەر بانکەکان لە رۆژی ١٥ـی نیسانەوە دەستدەکرێت بە چاکسازی لە بانکەکانی عێراقدا و بۆ ئەومەبەستەش لیژنەیەک لە چاودێری و چاکسازی بانکەکان لەلایەن وەزارەتی گەنجینەی ئەمریکاوە رەوانەی عێراق دەکرێت. دەشڵێت، " هەر بانکێک لە ئەنجومەنی چاکسازی بانکەکان تۆمار نەکرابێت مامەڵە دارایی و ئابوورییەکانی رادەگیرێت".

وەزارەتی بازرگانیی عێراق رایگەیاند، بە مەبەستی جێبەجێکردنی پڕۆژەی بەرهەمهێنانی ئاردی سفر لە دانەوێڵەی ناوخۆیی، ٥٦ کارگەی نوێی تایبەت بە بەرهەمهێنانی ئاردی سفر دەکەنەوە. دەشڵێت، "وەک یەکەم قۆناغ چوار کارگەمان کردووەتەوە کە سیانیان لە بەغدایە".

میدیا عێراقییەکان بڵاویان کردەوە، ئەو پزیشکەی ماوەی چەندین ساڵ تەنها ٢٥٠ دینار نرخی بینینی نەخۆش بوو لە کلینیکەکەی لە پارێزگای سەڵاحەدین، دوای ململانێیەکی زۆر لەگەڵ نەخۆشی شێرپەنجە ئەمڕۆ گیانی لەدەستدا.

وەزارەتی کار و کاروباری کۆمەڵایەتیی عێراق رایگەیاند، ناوتۆمارکردن بۆ توێژی ژنان بە مەبەستی چوونە ناو تۆڕی چاودێری کۆمەڵایەتی و وەرگرتنی هاوکاری دارایی مانگانە بەردەوامە.

وەزارەتی بازرگانیی عێراق رایگەیاند، دەستیان کردووە بە وەرگرتنی گەنمی ناوخۆ بۆ ساڵی ٢٠٢٤. دەشڵێت، "هەوڵ دەدەین زۆرترین بڕی گەنم لە جوتیاران بکڕن".

دامەزراوەیەکی ئابووری عێراق رایگەیاند، لە ساڵی رابردوودا عێراق لە ١١ وڵاتەوە بە بەهای ٧٠ ملیار دۆلار کەلوپەلی هاوردە کردووە. دەشڵێت، "بەراورد بە ٢٠٢٢، رێژەکە زیادی کردووە".

چاوگێک لە نوسینگەی سەرۆک وەزیرانی عێراق بە ئێن ئاڕ تی راگەیاند، سەرۆک وەزیرانی عێراق لە سەردانەکەی رۆژی ١٥ـی نیسان بۆ تاوتوێکردنی پرسی ئابووری و مانەوەی هێزەکانی ئەمریکا لە خاکی عێراق سەردانی واشنتۆن دەکات. دەشڵێت، " لە سەردانەکەدا گفتوگۆ لەبارەی هەرێمی کوردستان دەکرێت".

سەرۆک وەزیرانی عێراق رایگەیاند، پەیوەندی نێوان عێراق و ئەمریکا کلیلی سەقامگیری رۆژهەڵاتی ناوەڕاستە و لە سەردانەکەیدا بۆ ئەمریکا لەگەڵ سەرۆکی ئەو وڵاتە باس لە پەرەپێدانی پەیوەندییەکانیان دەکەن.

وتەبێژى هێزە چەکدارەکانی عێراق رایگەیاند، لیژنە سەربازییەکان جەخت لە کشانەوەی هێزەکانی هاوپەیمانی نێودەوڵەتی دەکەنەوە.

سەرۆک وەزیرانى عیراق رایگەیاند، کاردەکەن بۆئەوەى عێراق بکەنە وڵاتێکى بەرهەمهێن و سەقامگیر چونکە ئەوانە لە پایەکانى دابینکردنی ئاسایش و سەقامگیرن. وتیشى، کار لەسەر چارەسەرکردنى پرسە ئابورییەکان دەکەن.

وەزارەتی کار و کاروباری عێراق رایگەیاند، ٤٥ هەزار کرێکاری بیانی لە عێراقدا تۆمارکراون . دەشڵێت، "هەوڵەکانمان بۆ زیادکردنی دەستی کاری عێراقی لە کۆمپانیان نەوتییەکان بەردەوامە."

وەزیری نەوتی عێراق رایگەیاند، لەڕێگەی کارپێکردنی کێڵگەی غازی حەفایا ٣٠٠ ملیۆن پێ سێجا غاز لە رۆژێکدا بۆ تۆڕی نیشتیمانی زیاد دەکەن.

سەرۆکی کۆمەڵەی هەناردەکارانی دانەوێڵە و پەلەوەر و تۆوی رۆنی و بەرهەمە دەریاییەکانی "ئیجە" لە تورکیا رایگەیاند، لە ماوەی ساڵی رابردوودا بە بەهای نزیکەی هەشت ملیۆن دۆلار کونجیان هەناردەی عێراق کردووە.

راوێژکارێکی سەرۆک وەزیرانى عێراق رایگەیاند، بەهۆى چەند پڕۆژە و ئاسانکارییەکى حکومەتەوە رێژەى وەبەرهێنانى بیانى لە عێراقدا زۆر زیادى کردووە و بە کردنەوەى بەندەرى فاویش رێژەکە زیاتر دەبێت.

وەزارەتی کارەبای عێراق رایگەیاند، کۆمپانیایەکی فەرەنسی دوو گرێبەستیان بۆ بەرهەمهێنانی هەزار مێگاوات کارەبا لەڕێگه‌ی وزەی خۆر لە شاری بەسرە واژۆکرد.

ماڵپەڕێکی تایبەت بە کاروباری وەبەرهێنان بڵاوی کردەوە، لە کۆی ١٠ وڵات لە ریزبەندی وەبەرهێنانی راستەوخۆی بیانی و باشترین بازاڕە تازەپێگەیشتووەکان بۆ وەبەرهێنان، عێراق لە پلەی چوارەمدایە.

وتەبێژی حکومەتی عێراق رایگەیاند، بە بڕیارێکی دارایی حکومەتی عێراق قەرزی دەرەکی بە رێژەی ٥٠٪ کەم کرایەوە و لە ئەمساڵدا قەرزی دەرەکی بۆ هەشت ملیار و ٩٠٠ ملیۆن دۆلار کەمی کردووە.

راوێژکاری سەرۆک وەزیرانی عێراق بۆ کاروباری پیشەسازی و پەرەپێدانی کەرتی تایبەت رایگەیاند، لە پێناو دابینکردنی دەرمانی شیاو و تەندروست بۆ هاوڵاتییان و دوور کەوتنەوە لە دەرمانی ساختە، لە ئێستادا ١٨ کارگەی بەرهەمهێنانی دەرمانی جۆراوجۆر و پێداویستی پزیشکی لە قۆناغی دروستکردندان و ٥٦ داواکاریش هەیە بۆ دامەزراندنی کارگەی دیکە.

وەزیری بازرگانیی عێراق رایگەیاند، بەوپێیەی لەمساڵدا بەرهەمهێنانی گەنم لە ناوخۆی عێراقدا ئاستی خۆبژێوی تێپەڕاندووە، دەست دەکەن بە جێبەجێکردنی پڕۆژەی بەرهەمهێنانی ئاردی سفر بە کوالێتییەکی بەرز و بە نرخێکی پاڵپشتیکراو بۆ هاوڵاتیان.

بۆرسەی عێراق رایگەیاند، بەبۆنەی پشووی جەژنی رەمەزانەوە، بۆ ماوەی شەش رۆژ چالاکی و دانیشتنە بازرگانییەکانیان رادەگرن.

وەزارەتی گواستنەوەی عێراق رایگەیاند، لەگەڵ کوەیت گرێبەستێکیان واژۆ کردووە بۆ راکێشانی هێڵی ئینتەرنێت لە نێو خاکی عێراقەوە بۆ وڵاتانی ئەوروپا و تورکیا.

وەزارەتی پلاندانانی عێراق رایگەیاند، پشکنینی بەرهەمە هاوردەکراوەکان بۆ ناو خاکی عێراق بە دوو قۆناغدا تێدەپەڕێت سەرەتا لە دەروەزە سنوورییەکان بەمەبەستی دڵنیابوون لە گونجاوی ئەو بەرهەمانە پشکنینیان بۆ دەکرێت، پاشان لەلایەن کۆمپانیاکانی پشکنینەوە جارێکی دیکە پشکنینیان بۆ دەکرێت و بڕوانامەی گونجاوییان پێدەدرێت.

وەزیری سەرچاوەکانی ئاویی عێراق رایگەیاند، بەهۆی بارانبارینی زۆرەوە توانیویانە ئاوی زۆر گلبدەنەوە بۆ پێداویستییەکانی وەرزی هاوین و لەپێناو کەمکردنەوەی بەفیڕۆدانی ئاودا حکومەت هەنگاوی جددی ناوە بۆ بەکارهێنانی ئاو بەشێوەیەکی گونجاو.

نوسینگەی سەرۆک وەزیرانی عێراق رایگەیاند، ئەنجومەنی وەزیران بڕیاریدا بە پەسەندکردنی نرخی یەک تۆن گەنم بە ٨٥٠ هەزار دینار بۆ وەرزی ئێستا.

وەزیری تەندروستی عێراق رایگەیاند، لە رۆژانی ١٧ بۆ ١٨ـی نیسانی ٢٠٢٤ بە ئامادەبوونی وەزیرانی تەندروستی ٢٢ وڵاتی عەرەبی لە بەغدا ٦٠ـەمین کۆبوونەوەی وەزیرانی تەندروستی وڵاتانی عەرەبی بەڕێوە دەچێت.

وەزارەتی کار و کاروباری کۆمەڵایەتی عێراق رایگەیاند، هەوڵدەدەن بە رێژەی زیاتر ٥٠٪ کرێکارانی عێراقی بە پێی شارەزاییان لە کێڵگە نەوتییەکان دابەمەزرێنن.

وەزارەتی دارایی عێراق رایگەیاند، ئاستی پشتبەستنیان بە داهاتی نانەوتی بە رێژەی ٦٪ بەرزبوونەوەی بەخۆیەوە بینیوە، راویژکارێکی سەرۆک وەزیرانی عێراقیش بە دیجیتاڵ میدیایی ئێن ئاڕ تی راگەیاند، داهاتی نانەوتی بە جۆرێک بەرز دەکەنەوە کە ٢١٪ـی بودجە پێکبهێنێت.

وەزارەتی کار و کاروباری کۆمەڵایەتی عێراق رایگەیاند، بەم نزیکانە دەستدەکەن بە پێدانی بەشێکى دیکە لە قەرزی بێکاریی بۆ ئەو کەسانەى خاوەنی پڕۆژەى بچوکن و بەدواى کاردا دەگەڕێن.

وەزارەتی پلاندانانی عێراق رایگەیاند، عێراق و سعودیە بە ئامانجی پتەوترکردنی ھاریکارییەکانی نێوانیان لە ژمارەیەک پڕۆژەی گرنگی وەبەرھێناندا ١٢ یاداشتنامەی لێکتێگەیشتنیان واژۆ کردووە.

سەرۆکی کۆمەڵەی نێودەوڵەتی پیشەسازی و بازرگانان لە تورکیا و عێراق رایگەیاند، هەناردەی کەلوپەلی تورکیا بۆ عێراق لە ماوەی دوو ساڵی رابردوودا ٢٥ ملیار دۆلاری تێپەڕاندووە و پێشبینی دەکرێت هەناردەکردن زیاد بکات و ساڵانە بگاتە ١٦ ملیار دۆلار.

وەزارەتی کارەبای عێراق رایگەیاند، لەدوای هەوڵەکانیان بۆ فراوانکردنی یەکەکانی بەرهەمهێنان، توانیویانە سێ هەزار بۆ سێ هەزار و ٥٠٠ مێگاوات کارەبا بۆ سیستەمی نیشتیمانی زیاد بکەن. دەشڵێت، لە ئێستادا کار دەکەن بۆ ئەوەی لە سەرەتای مانگی ئایاردا بگەن بە بەرهەمهێنانی ٢٧ هەزار مێگاوات.

بەڕێوەبەری ناوەندی بازرگانی ئێران لە رۆژئاوای ئاسیا رایگەیاند، ئاستی بازرگانی نێوان عێراق و ئێران بە رێژەی ٣٠٪ بەرزبوونەوەی بەخۆیەوە بینیوە و پێشبینیش دەکەن مامەڵەی بازرگانی و کەرەستەی خۆراکی نێوان هەردوو وڵاتەکە فراوانتر بکرێت. دەشڵێت،" لەگەڵ عێراق هاوبەشێکی بازرگانی گرنگین".

وەزارەتی بازرگانیی عێراق رایگەیاند، ئەمڕۆ بە بڕی ٣٦ هەزار تۆن گەنمی ئوسترالی لە رێگەی کەشتییەکەوە هاوردەی عێراق کرا و سبەینێش کەشتییەکی دیکە بە بڕی ٥٠ هەزار تۆن گەنمی روسییەوە دەگاتە عێراق. دەشڵێت، ئەو گەنمە بەکاردەهێنرێت بۆ بەرهەمهێنانی ئاردی سفر.

سبەى لایەنەکانى پێکهێنەرى حکومەت لە بەغدا بە بەشدارى سەرۆک وەزیرانى عێراق کۆدەبنەوە و چاوەڕوان دەکرێت ئامادەکاریی بۆ سەردانەکەى سودانى بۆ ئەمریکا و بوونى هێزەکانى ئەمریکا لە عێراق و کێشەکانى هەرێم و بەغدا باس بکرێت.

بانکی ناوەندیی عێراق رایگەیاند، پێدانی قەرزی خانووبەرەیان بۆ دوو توێژی دیکە زیاد کردووە کە ئەوانیش گەنجان و خانەنشینانن. دەشڵێت، لەدوای کاراکردنی لینکی داواکاری بۆ قەرزی خانووبەرە، هەر چوار توێژی گەنجان و خانەنشینان و فەرمانبەران و ئەندامانی هێزە ئەمنییەکان دەتوانن بەبڕی ١٥٠ ملیۆن دینار قەرزی خانووبەرە وەربگرن.

وەزیری نەوتی عێراق بە دیجیتاڵ میدیای ئێن ئاڕ تی راگەیاند، نزیک بوونەتەوە لە گەیشتن بە توانای بەرهەمهێنانی پێنج ملیۆن بەرمیل نەوت لە رۆژێکدا. دەشڵێت، " لە ئێستادا بەرهەمهێنانی غازی عێراق دەگاتە سێ هەزار و ٢٠٠ ملیۆن پێ سێجا لە رۆژێکدا".

وەزیری پەیوەندییەکانی عێراق بە دیجیتاڵ میدیایی ئێن ئار تی راگەیاند، کۆمپانیاکانی تۆڕە کۆمەڵایەتییەکان هاوکار نین لە وەڵامدانەوەی داواکارییەکانی عێراق و پابەندبوون بە دابونەریتی کۆمەڵگای عێراقیەوە و لەڕێگای داواکارییەکی یاساییەوە داوایان کردووە کە پابەندبن. دەشڵێت، "سەرجەم کۆمپانیاکانی تۆڕە کۆمەڵایەتییەکان پابەند دەکەین بە کلتور و دابوونەریتی عێراقەوە و پێویستیشە رێز لە کلتورمان بگرن".

وەزارەتی بازرگانی عێراق رایگەیاند، لەلایەن وەزیری بازرگانی عێراقەوە رێکارەکانی دابەشکردنی ئارد بەسەر بریکارەکانی خۆراک دەستی پێکردووە و لە سبەینێ شەممەوە سەرجەم پارێزگاکانی عێراق ئاردیان پێدەگات. دەشڵێت، "بە گوێرەی خشتەی دابەشکردن سەرەتا ئارد بەسەر ناوچە هەژارشینەکاندا دابەشدەکرێت".

دەستەی گشتی گومرگی عێراق رایگەیاند، بە هەماهەنگی لەگەڵ رێکخراوی نەتەوەیەکگرتووەکان بۆ وەبەرهێنان و گەشەپێدان ٩٠٪ـی کارەکانی بە ئەلیکترۆنی کردنی دەروازە سنورییەکان تەواوکراون. دەشڵێت، "لەگەڵ تەواوبوونی پرۆژەکەدا سیستمێکی خۆکاری دەروازە سنورییەکان بەڕێوەدەبات".

ئاژانسی رۆیتەرز بڵاوی کردەوە، دوای فراوانبوونی گرژی و ئاڵۆزییەکانی کەناڵی سوێس و مانەوەی کاریگەری هێرشی گروپەچەکدارەکان بۆ دەیەکانی داهاتوو، بەنداوی فاو لە عێراق دەبێتە رێگای نوێی بازرگانانی جیهان. دەشڵێت ،"عێراق هیوایەکی نوێ دەبێت بۆ جوڵەی بازرگانی جیهان و وڵاتانی کەنداو".

راوێژکاری دارایی و ئابووریی سەرۆک وەزیرانی عێراق بە ئێن ئاڕ تی راگەیاند، لە ئێستادا ئابووریی عێراق هیچ مەترسیەکی لەبەردەمدا نەماوە و دەتوانێت بە تەواوی قەرزی دەرەکی بداتەوە. دەشڵێت،" عێراق یەکێکە لە وڵاتە سەلامەتەکانی جیهان کە هیچ گرفتێکی لەبەردەم دانەوەی قەرزی دەرەکیدا نییە".

وەزارەتی کشتوکاڵی عێراق بە دیجیتاڵ میدیای ئێن ئاڕ تی رایگەیاند، چەند گرێبەستێکی نوێیان بۆ کڕینی ١٢ هەزار ئاوڕێژکەر بە بەهای زیاتر لە ٨٠٠ ملیار دینار واژۆ کردووە. دەشڵێت، " حکومەتی عێراق بە قیستی ١٠ ساڵ و نرخی پاڵپشتیکراو ئامێری ئاوڕێژکەر دەداتە جوتیارەکان".

وەزیری تەندروستی عێراق رایگەیاند، لەدوای جەژنی رەمەزان هەڵمەتی کوتانی سورێژە بۆ خوێندکارانی قۆناغی سەرەتایی و باخچەی ساوایان دەست پێ دەکەن. دەشڵێت، " هەڵمەتەکە تەواوی پارێزگاکانی عێراق و هەرێمی کوردستان دەگرێتەوە".

پۆلیسی کەربەلا رایگەیاند، لە شەڕێکدا ١٥٠ کەس دەستگیر کراون و زیاتر لە ٥٠ چەکی بێ مۆڵەتیش دەستیان بەسەردا گیراوە.

میدیا عێراقییەکان بڵاویان کردەوە، بڕیارە سەرۆک کۆماری تورکیا لەم مانگەدا سەردانی عێراق بکات و لەگەڵ بەرپرسانى بەغدا تاوتوێی چەند پرسێکی نێوان هەردوو وڵات بکەن.

وەزیری ئاوەدانکردنەوەی عێراق رایگەیاند، لەپێناو کەمکردنەوەی قەرەباڵغی هاتوچۆ، هەموو مانگێک پڕۆژەی نوێ دەچێتە بواری جێبەجێکردنەوە و لە کاتی تەواوبوونی هەر پڕۆژەیەک، بەردی بناغەی پڕۆژەیەکی دیکە دادەنێن.

وەزیری کار و کاروباری کۆمەڵایەتی عێراق رایگەیاند، هەموو ئەندامانی خانەی بەساڵاچوانی ناوچەی رەشاد لە بەغدا دەخرێنە ناو تۆڕی چاودێری کۆمەڵایەتییەوە. دەشڵێت، "سەرجەم بەساڵاچووان و منداڵانی بێ دایک و باوک و ئەو کەسانەی بێ ماڵولانەن بە خۆڕایی لە دەستەبەری تەندروستییدا جێگیر دەکرێن".

راوێژکاری سەرۆک وەزیرانی عێراق بۆ کاروباری ئابووری رایگەیاند، بانکی نێودەوڵەتی رۆڵی کارای هەبووە لە بوژانەوەی ئابووری عێراقدا. دەشڵێت، "بانکی نێودەوڵەتی پاڵپشتی لە ئابووری عێراق دەکات".

میدیا عێراقییەکان بڵاویان کردەوە، بەهۆی رووداوێکی هاتوچۆوە لە باکوری پارێزگای بەسڕە بارهەڵگرێک کۆنترۆڵی لەدەستداوە و خۆی کردووە بەنێو ٢٠ خوێندکاردا و لە ئەنجامدا شەش خوێندکاریان گیانیان لەدەستداوە و ١١ـی دیکەش بریندار بوون.

گۆڤاری سی ئی ئۆ وێڵدی ئەمریکی بڵاوی کردەوە، لە رووی باشی چاودێری تەندروستییەوە لە نێو ١١٠ وڵاتدا وڵاتی عێراق بە پلەی ٧١ـەم دێت، هەروەها لەنێو وڵاتانی عەرەبیدا لە پلەی بە پلەی ١٢ـەهەم دایە.

هەموارى بودجە لە ئەنجومەنى وەزیران زۆربەى کارەکانى تەواوکراون و چاوەڕوان دەکرێت لە ناوەڕاستى ئەم مانگەدا بنێردرێت بۆ پەرلەمان.

وەزیرى سەرچاوەکانی ئاوی عێراق رایگەیاند، بەهۆى بارینى باران و لافاوەوە، زۆنگاوەکانى عێراق بوژاونەتەوە و مەترسى وشکبوونیان تێپەڕاندووە.

وەزارەتی بەرگری عێراق رایگەیاند، لە ئۆپراسیۆنێکدا توانیویانە باندێکی نێودەوڵەتی بازرگانی کردن بە ماددەی هۆشبەر دەستگیر بکەن.

بەڕێوەبەری کۆمپانیای دابەشکردنی بەرهەمە نەوتییەکان لە وەزارەتی نەوتی عێراق رایگەیاند، رۆژانە لە تەواوی وڵاتدا ٣٢ ملیۆن لیتر بەنزین بەکاردەهێنرێت و ٨٢٪ ئەو بەنزینەی بەکاردەهێنرێت لە جۆری نۆرماڵە.

دەستەی کەشناسی عێراق رایگەیاند، رۆژی یەکشەممەی هەفتەی داهاتوو کەشوهەوای باراناوی روو لە ناوچەکانی عێراق دەکات.

وەزارەتی بازرگانی عێراق رایگەیاند، پاڵپشتی هەناردەکاران دەکەن لە رێگەی پێدانی قەرز و ئاسانکاری لە دەرکردنی مۆڵەتی هەناردەکردن، لەپێناو هەناردەکردنی بەرهەمە عێراقییەکان بۆ پێشانگا نێودەوڵەتییەکان و نمایش کردنیان.

وەزارەتی کار و کاروباری کۆمەڵایەتی عێراق رایگەیاند، دەست بە دابەش کردنی هاوکاری کۆمەڵایەتی بۆ مانگی نیسان کراوە.

وەزارەتی ژینگەی عێراق رایگەیاند، لەلایەن بەڕێوەبەری بەرنامەکانی هاریکاری تەکنیکی لە ئاژانسی نێودەوڵەتی وزەی ئەتۆمی و پسپۆڕانی بواری وزەی ئەتۆمییەوە پاڵپشتی بەرنامەکانی عێراق کرا بە ئامانجی بەهێزکردنی توانا نیشتیمانییەکان لە بواری بەکارهێنانی وزەی ئەتۆمی بەشێوەی ئاشتیانە.

بەڕێوەبەری گشتی کۆمپانیای هەڵکەندنی عێراق رایگەیاند، لە ماوەی چارەکی یەکەمی ئەمساڵدا زیاتر لە ٥٠ بیری نەوتیان لە خاکی عێراقدا هەڵکەندووە و نۆژەن کردووەتەوە.

‎وەزارەتی نەوتی عێراق رایگەیاند، بە مەبەستی فراوانکردنی ئاستی بەرهەمهێنانی غاز بۆ دابینکردنی کارەبای ٢٤ کاتژمێری، گرێبەستی دروستکردنی چەند وێستگەیەکی کارەبایان لەگەڵ دوو کۆمپانیای بیانی واژۆ کردووە. دەشڵێت، "بە بەکارهێنانەوەی ئەو غازەی لە کێڵگەکانەوە بەفیڕۆ دەچێت دوو هەزار مێگاوات کارەبا زیاد دەکەین".

سەرۆک وەزیرانی عێراق لە کۆبوونەوەی لەگەڵ سەرۆکی دادگای فیدراڵی رایگەیاند، پێویستە کاربکرێت بۆ بەرەنگاربوونەوەی گەندەڵی دارایی و ئیداری و پاراستنی سامانی گشتی.

سەرۆک وەزیرانی عێراق رایگەیاند، کاردەکەن بۆ ئامادەکردنی بەرنامەیەکی گشتگیری چاکسازی لەپێناو باشترکردنی دۆخی ئابووریدا. دەشڵێت، لێپرسینەوە لەو کەسانە دەکرێت کە کەمتەرخەمن لە جێبەجێ کردنی رێوشوێنەکانی چاکسازیدا.

نوسینگەی مەرجەعی باڵای شیعەکانی عێراق رایگەیاند، بڕی زەکاتی سەرفیترە بۆ هەرکەسێک دوو هەزار دینار دەبێت و بە ئارد دەدرێت.

وتەبێژی حکومەتی عێراق رایگەیاند، حکومەت ساڵانە بە بەهای چوار ملیار دۆلار و بڕی چوار ملیۆن و ٩٩٢ هەزار لیتر بەنزین لە جۆری سوپەر و محەسەن هاوردە دەکات. دەشڵێت، " تا ناوەڕاستی ساڵی داهاتوو دەگەینە ئاستی خۆبژێوی لە بەرهەمهێنانی بەنزیندا".

وەزیری ناوخۆی عێراق رایگەیاند، لە سەرەتاى مانگى داهاتووەوە تەنها کار بە کارتى نیشتیمانى دەکرێت و بەڵگەنامە كۆنەكانی هاوڵاتیان كاریان پێ ناكرێت. دەشڵێت، " لە ئایندەدا كارتی نیشتمانی لەبری كارتی دەنگدان بەكاردەهێنرێت".

وتەبێژى حکومەتى عێراق رایگەیاند، پارەى مووچەى ئەمساڵ کە بڕەکەى ٦٩ ترلیۆن دینارە دابین کراوە و هیچ مەترسییەکى لەسەر نییە. دەشڵێت، "لە ماوەى دوو هەفتەدا ئەنجومەنى وەزیران بودجەى ٢٠٢٤ پەسەند دەکات".

وەزارەتی بازرگانی ئێران رایگەیاند، لە ماوەی ١٠ مانگدا عێراق بە بەهای حەوت ملیار و ٧٠٠ ملیۆن دۆلار کاڵا و شتومەکی لە ئێرانەوە هاوردە کردووە.

سەرۆکی لیژنەی وەبەرهێنان و پەرەپێدان لە پەرلەمانی عێراق رایگەیاند، لەڕێگەی میکانیزمێکی نوێوە کارئاسانی بۆ پێدانی قەرزی خانووبەرە دەکرێت و گەڕاندنەوەی قەرزی خانووبەرە لە ٢٠ ساڵەوە بۆ ١٥ ساڵ کەم دەکرێتەوە، رێژەی سوودیش تەنها ٣٪ دەبێت.

بەگوێرەی راپۆرتیکی میدیا عەرەبییەکان، برنج بە یەکێک لە سەرەکیترین خواردنەکانی وڵاتانی عەرەبی دادەندرێت، بەتایبەت لە عێراق کە لە ریزبەندی یەکەمی وڵاتانی عەرەبیدایە بۆ خواردنی برنج و لە ریزبەندی شەشەمی هاوردەکارانی برنجی جیهانە.

وەزیری کارەبای عێراق وەک قۆناغی یەکەمی هێڵی کارەبای نێوان عێراق و ئەردەن و میسڕ، هێڵی کارەبای نێوان عێراق - ئەردەنی خستە کار. دەشڵێت، " ئەگەر هێڵەکە بە تەواوی کارا بکرێت، ئەوا ٥٠٠ مێگاوات کارەبا بەرهەم دەهێنرێت".

وەزارەتی تەندروستی عێراق رایگەیاند، لەلایەن وەزارەتی خوێندنی باڵاوە لیستی ئەو خوێندکارانەیان ئاڕاستە کراوە کە پێویستە دامەزراندنیان بۆ بکرێت و دەرچووی ساڵی ٢٠٢٢-٢٠٢٣ـن. دەشڵێت، "هەموو بەشە پزیشکییەکانی سەرجەم زانکۆ و پەیمانگاکانی عێراق دادەمەزرێندرێن".

راوێژکاری دارایی سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، خەرجییەکانی بودجەی ئەمساڵی عێراق تایبەت دەبێت بە وەبەرهینان لە کەرتی ئابووری و گەشتیاری لەسەرجەم ناوچە جیاوازەکانی عێراقدا. دەشڵێت، "ئەمساڵ عێراق لە رووی وەبەرهێنانەوە ئاستێکی بەرز پێشکەش دەکات".

نوسینگەی سەرۆک وەزیرانی عێراق بە دیجیتاڵ میدیایی ئێن ئاڕ تی راگەیاند، بە بڕیاری سەرۆک وەزیرانی عێراق لە نووسراوی ژمارە ٤٦٦ـی ئەنجوومەنی وەزیران، بڕیاردراوە بە زیادکردنی ١٠٠ هەزار دینار بۆسەر مووچەی مامۆستایان. دەشڵێت، "مامۆستایانی خانەنشینیش دەگرێتەوە".

بەهۆی وشکەساڵی و گۆڕانی کەشوهەواوە، جوتیارانی عێراق وردە وردە پشت لە چاندنى دارخورما دەکەن و روودەکەنە چاندنى درەختى سدر کە لە خێزانی مزرەمەنییەکانە و ئاوێکى کەمترى دەوێت و زووتریش دێتە بەرهەم، هاوکات توانای خۆگونجاندنی لەگەڵ ژینگەی نوێی عێراقدا هەیە.

چاوگێکی ئەمنی لە کەرکوک رایگەیاند، بەهۆی هێرشێکی چەکدارانی داعشەوە بۆ سەر خاڵێکی سوپای عێراق لە ناوچەی داقوق، سەربازێکی سوپای عێراق گیانی لەدەستدا.

وەزارەتی دارایی عێراق رایگەیاند، لە هەفتەی داهاتووەوە سەرجەم بازرگانان و کۆمپانیاکان پێویستە سەردانی وەزارەت و دەستەی گومرگی عێراق بکەن بۆ دروستکردنی کارتی هاوردەکردن و هەناردەکردن، بەپێچەوانەوە مافی هاوردە و هەناردەیان نامێنێت. دەشڵێت،" سەرجەم بازرگانان دەخرێنە ژێرچاودێری هاوردە و هەناردەی بانکییەوە".

سەرۆکی لیژنەی دارایی لە پەرلەمانی عێراق رایگەیاند، بڕیارە لە هەفتەی داهاتوودا بودجەی ساڵی ٢٠٢٤ـی عێراق بەمەبەستی پێداچوونەوە و هەموارکردنەوەی بهێندرێتە پەرلەمانی عێراق. دەشڵێت،" بودجەی ئەمساڵ هیچ گرفتێکی دارایی تێدا نییە و مووچەی سەرجەم مووچەخۆرانیش پارێزراو دەبێت".

بەڕێوەبەری گشتی کۆمپانیای کارەبای حکومەتی عێراق رایگەیاند، سبەی هێڵی پەیوەندی کارەبای نێوان عێراق ئوردن دەکەوێتە کار.

ئاسایشی نیشتمانی عێراق رایگەیاند، لە بەسڕە باندێکی بازرگانیکردنیان بە ماددەی هۆشبەرەوە دەستگیرکردووە کە ماددەی هۆشبەری لە گوێزدا شاردبووەوە.

ئەنجومەنی وەزیرانی عێراق بڕیاریدا رۆژانی یەکشەممە و دووشەممەی هەفتەی داهاتوو، پشووی فەرمی بێت.

نوسینگەی سەرۆک وەزیرانی عێراق رایگەیاند، حکومەت دەستی بە ئامادەکردنی خشتەکانی بودجەی ساڵی ٢٠٢٤ کردووە. دەشڵێت، شایستە داراییەکانی پارێزگاکان زیاد دەکرێن.

دروستبوونی قەرەباڵغی لەنێو شەقامی شارە گەورەکانی عێراق بەگشتی و بەغدا بەتایبەتی، حکومەتی ناچارکردووە رێکاری نوێ بگرنەبەر، ئەوەش لە رێگەی بڕیاری دیاریکردنی کاتی دەوامی دامودەزگاکانی دەوڵەت.

سەرۆکی لیژنەی دارایی پەرلەمانی عێراق رایگەیاند، هیوادارن هەفتەی داهاتوو خشتەی بودجەی ساڵی ٢٠٢٤ بگاتە پەرلەمان. دەشڵێت،" لە بودجەی ئەمساڵدا پارەیەکی دیاریکراومان بۆ پارێزگاکان تەرخان کردووە ".

کۆمپانیای گواستنەوەی نەوتی عێراق رایگەیاند، بەهۆی ئەوەی دوو کەشتی نوێیان بۆ دابینکراوە، گواستنەوەی بەرهەمە نەوتییەکانی عێراق بە رێژەی ٦٥٪ زیادی کردووە.

جێگری وەزیری نەوتی ئێران بۆ کاروباری غاز رایگەیاند، لە ساڵی ٢٠١٧ـەوە، بە بەهای ١٥ ملیار دۆلار غازی سروشتییان هەناردەی عێراق کردووە.

کۆمپانیاى نەوتى باکور رایگەیاند، تیمە ئەندازیاریی و هونەرییەکانیان سەرکەوتوو بوون لە نۆژەنکردنەوەى بۆری نەوتى کەرکوک – بەسڕە. دەشڵێت، "بەشێکى زۆر لە نەوتى کەرکوک و موسڵ و سەڵاحەدین لە رێگەى ئەو بۆرییانەوە رەوانەى بەندەری فاو دەکەین".

وەزارەتی پەیوەندییەکانی عێراق رایگەیاند، لە ئێستادا پڕۆسەی بەئەلیکترۆنیکردنی سەرجەم مامەڵە ناوخۆییەکانی عێراق بە رێژەی ٩٠٪ تەواو بووە.

وەزیری ژینگەی عێراق رایگەیاند، عێراق یەکێک لەو وڵاتانەی کە زیاتر بەھۆی گۆڕانکارییەکانی کەشوهەواوە، زیانی بەرکەوتووە و لە مانگی ئایاری داھاتوودا، بەغدا میوانداری کۆنفرانسێکی ھەرێمی دەکات کە تایبەت دەبێت بە چارەسەرکردنی ئاڵنگارییەکانی ئاووھەوا.

وەزارەتی کارەبای عێراق رایگەیاند، دوای ئەوەی رۆژی ١١ـی شوباتی ئەمساڵ عێراق و ئوردن گرێبەستێکیان واژۆ کرد بۆ دابینکردنی ٤٠ مێگاوات کارەبا بۆ عێراق، رۆژی شەممەی هەفتەی داهاتوو ئەو هێڵی کارەبایەی نێوان ئوردن و عێراق دەکەوێتە کار.

وەزیری کارەبای عێراق رایگەیاند، لەگەڵ ئێران گرێبەستێکیان بۆ دابینکردنی غاز بە بڕی ٥٠ ملیۆن پێ سێجای رۆژانە واژۆ کردووە، لەپێناو دابینکردنی کارەبای پێویست بۆ تەواوی عێراق.

سەرۆکی لیژنەی دارایی لە پەرلەمانی عێراق رایگەیاند، بەمەبەستی فراوانکردن و لێکدانەوەیی بودجە میوانداریی وەزیری پلاندانانی عێراق کرا، کە زیاتر لە ١٠ ترلیۆن دیناری بۆ پرۆژەکان تەرخان کردبوو. وتیشی، " بودجەی ئەمساڵ گەورەترین بودجە دەبێت لە مێژووی عێراقدا".

وەزیری رۆشنبیری و گەشتوگوزاری عێراق رایگەیاند، بەهۆی سەقامگیربوونی عێراق لە ساڵی رابروودا نزیکی نیو ملیۆن گەشتیاری بیانی سەردانی ناوچە جیاوازەکانی عێراقیان کردووە. دەشڵێت، " هەوڵدەدەین پشت بە کەرتی گەشتیاری ببەستین وەک سەرچاوەیەکی تری داهات".

وەزیری دارایی عێراق رایگەیاند، عێراق ژینگەیەکی لەباری رەخساندووە بۆ وڵاتانی بیانی بۆ ئەوەی بێن لە ناوخۆی وڵاتەکەدا وەبەرهێنان بکەن و کەرتی تایبەت بەرەو پێش ببەن.

وەزیری دەرەوەی ئەمریکا رایگەیاند، عێراق هاوبەشێکی گرنگی ئەمریکایە و بەیەکەوە دەمێننەوە بۆ ئەوەی سەقامگیری ناوچەکە بپارێزن.

وەزیری تەندروستی عێراق رایگەیاند، دامەزراندنی ١٦ نەخۆشخانە لە پارێزگا جیاجیاکان لە پڕۆژەیاندایە و لە ئێستادا هەندێکیان لە قۆناغی دروستکردندان. دەشڵێت، پلانیان هەیە بۆ دامەزراندنی گەورەترین و پێشکەوتووترین نەخۆشخانەی شێرپەنجە لە عێراقدا.

چاوگێک لە نوسینگەی سودانی بە دیجیتاڵ میدیایی ئێن ئاڕ تی راگەیاند، لە کۆبوونەوەی لوتکەی ئاسایشی نێوان عێراق و ئەمریکا بڕیاردرا بەمانەوەی هێزەکانی ئەمریکا لە خاکی عێراق. دەشڵێت، "ژمارەی هێزە سەربازیەکانی ئەمریکا زیاتر دەکرێت بەگوێرەی رێکەوتنەکانمان و بۆ ئەو مەبەستەش بەشێک لە بودجەی سەربازی تەرخان کراوە بۆ سیستمی رادار و دژە موشەک و درۆن لە خاکی عێراق".

سەرۆک وەزیرانی عێراق رایگەیاند، بەردەوامن لە بەرهەمهێنانی نەوت و سوتەمەنی لەپێناو گەیشتن بە ئاستی سەربەخۆیی و بەشێوەیەک پێویستیان بە هاوردەکردنی سوتەمەنی نەبێت.

وەزیری پەیوەندیییەکانی عێراق رایگەیاند، داوایەکی فەرمییان پێشکەش بە ئەنجومەنی وەزیران کردووە بۆ قەدەغەکردنی ئەپڵیکەیشنی تیک تۆک لە عێراق.

سەرۆکی لیژنەی دارایی پەرلەمانی عیراق رایگەیاند، پێویستە پلانێکی گەشەپێدان دابڕیژرێت بۆ ئاسانکردنی دەستەبەرکردنی مووچەی خانەنشینان.

وەزارەرتی سەرچاوە ئاوییەکانی عێراق رایگەیاند، لەگەڵ وڵاتانی هاوسێی عێراقدا سەبارەت بە سێ هۆکاری ستراتیژی دانوستانیان کردووە بۆ ئەوەی پشکی ئاوی عێراق بدەن. دەشڵێت، "لە رێگەی چەند رێکارێکی نوێوە سوود لە ئاوی باراناو دەبینین بۆ ئەوەی لە هاویندا بەکاریبهێنینەوە".

وەزیری کار و کاروباری کۆمەڵایەتی عێراق رایگەیاند، پەنجەرەی ئەلیکترۆنیان کردووەتەوە بۆ تۆمارکردنی ناوی ئەو منداڵانەی تووشبووی نەخۆشی شەکرەن، بۆ ئەوەی هاوکارییەکانی چاودێری کۆمەڵایەتییان پێ بدەن.

بەهۆی بارانبارینەوە سبەینێ لە پارێزگاکانی بەسڕە و کەربەلا و بابل پشووی فەرمییە. لە پارێزگای بەغداش لە سەرجەم پەروەردەکانی پارێزگاکە کرایە پشوو.

وەزارەتی ناوخۆی عێراق رایگەیاند، لەپێناو رێگری کردن لە لافاو و رووبەرووبوونەوەی زیان و کارەساتەکان، لیژنەیەکیان تایبەت بە لافاو و کارەسات پێکهێناوە.

وتەبێژی حکومەتی عێراق رایگەیاند، ئامانجی سەرەکی سەردانەکەی سەرۆک وەزیرانی عێراق بۆ ئەمریکا تایبەتە بە پرسی کۆتاییهێنان بە ئەرکی هاوپەیمانان، هەروەها لەو نێوەندەشدا تاوتوێی پرسی دارایی و بڕیارەکانی گەنجینەی ئەمریکا لەسەر بانکەکانی عێراق دەکرێت.

رۆژنامەی سی ئی ئۆ وۆڵد بڵاوی کردەوە، بە گوێرەی ئامارەکان هاوڵاتییانی عێراق ژیرترین تاکی وڵاتانی عەرەبین و لەسەر ئاستی جیهانیش پلەی ٦١ـەمیان هەیە. دەشڵێت، " بەپێێ تێپەڕبوونی کات دانیشتوانی عێراق زیرەکتر دەبن بەهۆی سیستمی خوێندنەکەیانەوە".

وتەبێژی وەزارەتی ناوخۆی عێراق رایگەیاند، داوایان لە وەزارەتی پەیوەندییەکان و دەستەی راگەیاندن کردووە نۆ یاریی ئەلکترۆنی لە وڵاتدا قەدەغە بکەن لەنێویشیاندا یاری پەبجی. دەشڵێت، "ئەو یارییە ئەلکترۆنییانە هۆکارن بۆ سپیکردنەوە و بردنە دەرەوەی سامانی نەتەوەیی".

عێراق هەنگاوەکانی گەشەسەندن و نزیک بوونەوەی لە وڵاتانی ئەوروپا خێراتر دەکات و چەندین پڕۆژەی بازرگانی گەورەش لەبەردەم داهاتووی عێراقدایە و بە جێبەجێکردنی ناوچەکە بەرەو وڵاتێکی بازرگانی گەورە دەبات و نرخی دراوەکەشی زیاتر بەرز دەبێتەوە.

سەرۆک وەزیرانی عێراق رایگەیاند، لەپێناو خۆجێیی کردنی پیشەسازیی دەرمان، بڕیاریانداوە بە دامەزراندنی بانکێکی تایبەت بۆ وەبەرهێنان و پارەدارکردنی پڕۆژە دەرمانسازییەکان.

بەڕێوەبەری پۆلیسی کەرکوک بە ئێن ئاڕ تی راگەیاند، بەهۆی تەقینەوەی بۆمبێکەوە لە گوندی بەشیر دوو کەس کە سەرقاڵی شوانی و لەوەڕاندنی مەڕوماڵات بوون بریندار بوون.

وەزارەتی کۆچ و کۆچبەرانی عێراق رایگەیاند، بەشەخۆراک و پێداویستی ناوماڵیان بەسەر ٣٥٠ خێزاندا لە دهۆک دابەش کردووە کە بەهۆی لافاوەوە زیانیان بەرکەوت.

بە گوێرەی راپۆرتێکی ماڵپەڕی ستاتیستا، یەدەگی سامانی سروشتیی عێراق لە ریزبەندی نۆیەمی وڵاتانی جیهاندایە. روسیا و ئەمریکاش لە پلەی یەکەم و دووەمدان.

پەرلەمانی عێراق کارنامەی دانیشتنی رۆژی دووشەممەی بڵاو کردەوە و تێیدا یەکێک لە مادەکان تایبەتە بە خوێندنەوەی یەکەم بۆ رەشنووسی یاسای قەرەبووکردنەوەی موڵک و ماڵی ئەو کەسانەی بەهۆی رژێمی پێشووی عێراقەوە زیانیان بەر کەوتووە.

چاوگێک لە نوسینگەی سەرۆک وەزیرانی عێراق بە ئێن ئاڕ تی راگەیاند، سەرۆک وەزیرانی عێراق رۆژی ١٥ـی نیسان بۆ تاوتوێکردنی پرسی ئابووری و مانەوەی هێزەکانی ئەمریکا لە خاکی عێراق سەردانی واشنتۆن دەکات. دەشڵێت، "ئاسایشی ناوچەکە پرسی سەرەکی نێوان ئەمریکا و عێراق دەبێت".

لقی کەرکوک بۆ دابەشکردنی بەرهەمە نەوتییەکان رایگەیاند، بڕیاریانداوە لەمڕۆوە ٢٢ـی ئازار لە بەنزینخانەکانی کەرکوک فرۆشتنی بەنزینی سوپەر و محەسەن ببێتە پارەدانی ئەلکترۆنی.

وەزارەتی سەرچاوە ئاوییەکانی عێراق رایگەیاند، بەهۆی شەپۆلی بارانبارینی چەند رۆژی رابردووەوە کە بووە هۆی دروستبوونی لافاو لەچەند ناوچەیەکی عێراق و هەرێم، ئاستی سامانی ئاوی بە رێژەی ١٠٪ زیادی کردووە. دەشڵێت، " لەمساڵدا ئاستی لافاو بە رێژەی ٣٠٪ زیاتر بووە بەراورد بە ساڵی رابردوو".

نوێنەری رێکخراوی خۆراک و کشتوکاڵی نەتەوە یەکگرتووەکان 'فاو' رایگەیاند، هەنگاوەکانی سەرۆک وەزیرانی عێراق لەبواری گەشەپێدانی کشتوکاڵ ئەنجامی باشی هەبووە و کاریگەری ئەرێنی لەسەر بەرهەمهێنانی گەنم لە عێراقدا هەبووە. دەشڵێت، " پێشبینی دەکرێت بەروبوومی کشتوکاڵی لەمساڵدا بەڕێژەی ١٠٪ بۆ ١٥٪ زیاد بکات".

راوێژکاری دارایی سەرۆک وەزیرانی عێراق رایگەیاند، کارکردنی عێراق لەگەڵ بانکە ئەوروپییەکاندا دەبێتە هۆی ئەوەی ئابووری وڵات بەسەقامگیری بمێنێتەوە. دەشڵێت،" لەگەڵ تەواوبوونی رێگەی گەشەپێداندا زیاتر لە وڵاتانی ئەوروپا نزیک دەبینەوە".

بەڕێوەبەری سەرچاوەکانی ئاوی پارێزگای سەڵاحەدین رایگەیاند، بەهۆی بارانبارینی ئەم دواییەوە رێژەی ئاوی رووباری دیجلە زۆر زیادیکردووە.

وەزارەتی بازرگانی عێراق رایگەیاند، گرێبەستێکیان لەگەڵ کەرتی تایبەت واژۆکردووە بۆ دەستەبەرکردنی کەرەستەی بیناسازی و فرۆشتنی بە هاوڵاتیان بە نرخی پاڵپشتیکراو. دەشڵێت، " بانکی رافیدەین بە بڕی ٢٥ ملیۆن دینار پاڵپشتی دارایی پێشکەش بەو فەرمانبەرانە دەکات کە دەیانەوێت کەرەستەی بیناسازی بکڕن".

وەزارەتی نەوتی عێراق رایگەیاند، لە سبەی هەینییەوە فرۆشتنی بەنزینی سوپەر و محەسەن لە بەنزینخانەکان دەبێتە سیستەمی پارەدانی ئەلکترۆنی و مامەڵەکردن بە پارەی کاش رادەگیرێت.

وەزارەتی کۆچ و کۆچبەرانی عێراق رایگەیاند، کۆچکردنی هاوڵاتییە عێراقییەکان بۆ وڵاتانی ئەوروپا بەشێوەیەکی بەرچاو کەمبووەتەوە. دەشڵێت،" باروودۆخی ئێستای عێراق و بەگژداچوونەوەی وڵاتانی ئەوروپا بەڕووی کۆچبەراندا هۆکاری سەرەکی کەمبوونەوەی کۆچی هاوڵاتییە عێراقییەکانن".

وەزارەتى کشتوکاڵى عیراق رایگەیاند، پلانیان هەیە ئەمساڵ بۆ یەکەمجار لە مێژووى وڵاتەکەدا ئاستی خۆبژێویی لە بەرهەمهێنانى گەنم تێپەڕێنن.

چوارچێوەى هەماهەنگى رایگەیاند، پشتگیری تەواوی بڕیارەکانی دادگای فیدراڵی دەکەن و داواش دەکەن سەرجەم لایەنەکان پابەندى بڕیارەکانى دادگاکە بن.

بە گوێرەی زانیاریەکانی دیجیتاڵ میدیای ئێن ئاڕ تی، لەسەر راسپاردەی سەرۆک وەزیرانی عێراق چەند شاندێکی وەزارەتی دەرەوەی عێراق و بەرگری سەردانی سیئۆڵ و واشنتۆنیان کرد، هاوکات سەردانەکەش بەمەبەستی پرسی ئاسایش و زیادکردنی هەماهەنگی مەشقپێکردن و بەهێزکردنی ژێرخانی سەربازی عێراق دەبێت.

چاوگێک لە وەزارەتی دەرەوەی عێراق بە دیجیتاڵ میدیای ئێن ئاڕ تی راگەیاند، وەزیری دەرەوەی عێراق بۆ تاوتوێکردنی سێ پرسی نێوان عێراق و ئەمریکا سەردانی ئەمریکا دەکات. وتیشی، "پرسی دۆلار یەکێک دەبێت لە پرسە گرنگەکانی نێوان واشنتۆن و بەغدا".

وەزارەتی کارەبای عێراق رایگەیاند، بەمەبەستی فراوانکردنی کەرتی وزە و دابینکردنی کارەبای ٢٤ کاتژمێری، گرێبەستی دروستکردنی ١٥ وێستگەی کارەباییان لەگەڵ کۆمپانیایەکی ئەڵمانی واژۆ کردووە. دەشڵێت، "ئەو غازەی لە کێڵگەکانەوە بەفیڕۆ دەچێت، بۆ بەرهەمهێنانی کارەبا بۆ کارگە و کۆمپانیاکان بەکار دەهێندرێتەوە".

وەزارەتی نەوتی عێراق رایگەیاند، دوای کارپێکردنی پاڵاوگەی کەربەلا، بڕی هاوردەکردنی بەنزین لە ١٤ ملیۆن لیترەوە کەم کراوەتەوە بۆ حەوت ملیۆن لیتر، ئەوەش بووەتە هۆی دابەزینی هاوردەکردنی سووتەمەنی بە رێژەی ٥٠٪ بەراورد بە مانگی رابردوو. دەشڵێت، "تا کۆتایی ئەمساڵ پێویستمان بە هاوردەکردنی سووتەمەنی نامێنێت".

فەرماندەیی پۆلیسی پارێزگای نەجەف رایگەیاند، ٢٨ کەس بە تۆمەتی قۆرغکردنی بازاڕ لەلایەن تیمەکانی بەڕێوەبەرایەتی گشتی تاوانە رێکخراوەکان دەستگیرکراون.

ئەنجومەنی باڵای دادوەری عێراق رایگەیاند، لە مانگی شوباتدا زیاتر لە ٢٥ هەزار هاوسەرگیری لە عێراق ئەنجام دراون و زیاتر لە چوار هەزار حاڵەتی جیابوونەوەش تۆمار کراوە.

وەزارەتی دارایی عێراق رایگەیاند، دەستیان کردووە بە دابەشکردنی مووچەی مانگی سێی فەرمانبەران.

بەبۆنەی جەژنی نەورۆزەوە سبەی لە سەرجەم قوتابخانەکانی خوێندنی کوردی لە پارێزگای کەرکوک پشووی فەرمییە.

بەهۆی بارانبارینی بەخوڕ و نالەباری دۆخی کەشوهەواوە سبەی سێشەممە لە زۆرینەی پارێزگاکانی عێراق پشووی فەرمیە.

بەڕێوەبەری گشتی ئاژانسی نێودەوڵەتی وزەی ئەتۆمی رایگەیاند، پابەندن بە کارکردن لەگەڵ عێراق لە بوارە ئاشتیخوازەکانی وزەدا و لەگەڵ عێراق نەخشە رێگایەک دادەنێن بۆ پەرەپێدانی کارەکانی عێراق و تەکنەلۆژیای ئەتۆمی لە بوارە ئاشتیخوازەکاندا.

ئەنجوومەنی وەزاری عێراق بۆ کاروباری ئابووری، بۆ وەرزی کشتوکاڵی ئەمساڵ عێراق نرخی تەنێک گەنمی بە ٨٥٠ هەزار دینار دیاریکرد.

وەزارەتی نەوتی عێراق رایگەیاند، بە شێوەیەکی خۆبەخشانە دەست بە کەمکردنەوەی هەناردەکردنی نەوت دەکەن.

فەرماندەی پێشووی فەرماندەیی ناوەندیی ئەمریکا و فەرماندەیی ئۆپەراسیۆنە تایبەتەکانی ئەمریکا بە دیجیتاڵ میدیای ئێن ئاڕ تی راگەیاند، وەڵامدانەوەیان بۆ ئەو هێرشانەی کە دەکرێتە سەر هێزەکانیان لە عێراق و دەوروبەری قورس دەبێت. دەشڵێت، " پێم وانییە هیچ بڕیارێکی کۆتایی لەسەر کشانەوەی هێزەکانی ئەمریکا لە عێراق درابێت".

سەرۆک وەزیرانی عێراق رایگەیاند، پێویستە گرنگی زیاتر بەو پڕۆژانە بدرێت کە یارمەتیدەرن لە بەرەوپێشبردنی ژێرخانی ئابووری و زۆرترین هەلی کار دەڕەخسێنن.

چاوگێک لە نوسینگەی سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، سەرۆک وەزیرانی عێراق لەگەڵ پارێزگاری بانکی ناوەندی تاوتوێی کردنەوەی دوو سەکۆی تایبەتیان بە هاوردەکردن و هەناردەکردن کردووە، بە گوێرەی پلانەکانیشیان چیتر هاوڵاتییان و بازرگانان بەبێ رەزامەندی بانکی ناوەندی ناتوانن هیچ مامەڵەیەک بکەن.

وتەبێژی وەزارەتی پەروەردەی عێراق رایگەیاند، لە ساڵی ٢٠١١ـەوە تا ئێستا زیاتر لە دوو ملیۆن کەسیان خستووەتە بەر خوێندن. وەزارەتی پلاندانانیش دەڵێت، بەهۆی ئەو سەنتەر و خوێندنگایانەی کراونەتەوە رێژەی نەخوێندەواری بۆ ١٢٪ دابەزیوە.

سەرۆک وەزیرانی عێراق رایگەیاند، پێویستە بە دڵسۆزییەوە کار بۆ وڵات و هەموو عێراقییەکان بکرێت بەبێ جیاکاری، دەبێت رێز لە هەموو ناونیشانە خێڵەکی و نەتەوەیی و ئاینییەکان بگیرێت.

وەزارەتی ناوخۆی عێراق رایگەیاند، زیاتر لە ٢٥٠ کەسیان بە تۆمەتی یاریکردن بە نرخی شتومەک و پێداویستییەکان لە ناوچە جیاوازەکانی عێراق دەستگیر کردووە.

باڵیۆزی ئەمریکا لە عێراق رایگەیاند، کارەساتی کۆمەڵکوژی هەڵەبجەیان لەبیرە و لەگەڵ عێراق و کوردستان بەردەوام دەبن لە پاڵپشتیکردنی قوربانییەکان و کەسوکاری شەهیدانی ئەو کارەساتە.

وەزارەتی کشتوکاڵی عێراق رایگەیاند، لەپێناو دابەزاندنی نرخی گۆشتی سوور، بڕیاریان داوە بە پاڵپشتیکردنی بەخێوکەرانی گامێش لە باشووری عێراق بە بەهای پێنج ملیار دینار. دەشڵێت، "سەرجەم ئەو گوێرەکانەی هاوردەکراون لە ماوەی ئەم هەفتەیەدا بەسەر تەواوی پارێزگاکاندا دابەش دەکرێن و بەهۆیەوە نرخی گۆشتی سوور بە شێوەیەکی بەرچاو دادەبەزێت".

دەسەڵاتی گشتی باجی عێراق رایگەیاند، بەمەبەستی بەرزکردنەوەی داهاتی باج و داهاتی نانەوتی ٨٥ دامەزراوە نوێ کە سەربەخۆ کاردەکەن بەبێ ئەوەی باج بدەن، باجیان بەڕیژەی ١٥٪ بۆ٣٠٪ بەسەردا دەسەپێنن، بە تایبەت کۆمپانیاکانی تەکسی، ریکلامی سۆشیال میدیا، کەسایەتییە ناودارەکان، هۆتێلەکان و چێشتخانەکان.

بەڕێوەبەرایەتی هەواڵگری و ئاسایشی عێراق رایگەیاند، یەکێک لە مەترسیدارترین بازرگانەکانی مادەی هۆشبەریان لە پارێزگای میسان دەستگیر کردووە و دەستیان بەسەر شەش کیلۆ مادەی هۆشبەر و هەشت نارنجۆک و نۆ جۆر مووشەکی جیاوازدا گرتووە.

وەزارەتی نەوتی عێراق رایگەیاند، پلانیان داڕشتووە تاوەکو سەرەتای ساڵی داهاتوو کۆتایی بە هاوردەکردنی بەنزین بهێنن و لە ئێستادا لە دوای کارپێکردنی پاڵاوگەی کەربەلا بڕی هاوردەکردنی بەنزین لە ١٤ ملیۆن لیترەوە کەم کراوەتەوە بۆ حەوت ملیۆن لیتر.

وه‌زیری كاره‌بای عێراق رایگەیاند، تا كۆتایی ئه‌مساڵ ٥٠٠ مێگاوات كاره‌با له‌ هێڵی كه‌نداوه‌وه‌ بۆ به‌رهه‌می كاره‌بای عێراق زیاد ده‌كەن. دەشڵێت، " زۆرینەی گرێبه‌سته‌كانی به‌یه‌كه‌وه‌ به‌ستنی هێڵه‌كانی كاره‌با له‌ قۆناغی جێبه‌جێكردندان".

وەزارەتی کۆچ و کۆچبەرانی عێراق رایگەیاند، هەر خێزانێکی ئاوارە بگەڕێتەوە ناوچەکانی خۆیان بڕی چوار ملیۆن دیناریان وەک قەرەبوو پێدەدرێت. دەشڵێت "هەر خێزانێکی ئاوارەی شنگال بگەڕێتەوە ناوچەکەی خۆی چوار ملیۆن دیناری لەگەڵ پارچە زەوییەک پێدەدرێت".

وەزارەتی تەندروستی عێراق رایگەیاند، لەلایەن وەزارەتی خوێندنی باڵاوە لیستی ئەو خوێندکارانەیان ئاڕاستە کراوە کە پێویستە دامەزراندنیان بۆ بکرێت و دەرچووی ساڵی ٢٠٢٢-٢٠٢٣ـن. دەشڵێت، " هەموو بەشە پزیشکییەکان دادەمەزرێنن".

راوێژکارێکی سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، پڕۆژەی گەشەپێدانی ئابووری بە مەبەستی فراوانکردنی داهاتی نانەوتی بەشێکی پڕۆژەکە دەبەسترێتەوە بە هەرێم. دەشڵێت، "پێشبینی دەکەین تا ساڵی ٢٠٢٧ داهاتی نانەوتی بەرزبکرێتەوە بۆ ٢١.٢٪ ـی تێکڕای بودجەی عێراق".

نوسینگەی سەرۆک وەزیرانی عێراق رایگەیاند، سەرۆک وەزیرانی عێراق سەبارەت بە قەرزەکانی بانکە بازرگانییەکانی عێراق لەگەڵ هەریەک لە وەزیری دارایی عێراق و پارێزگاری بانکی ناوەندی لە کۆبوونەوەدایە. دەشڵێت، "سەرجەم ئەو هەژمارانەی کە لەدەرەوەی وڵاتدا هەن پارەکانیان دەگەڕێندرێتەوە عێراق".

وەزیری دەرەوەی عێراق رایگەیاند، لە میانەی کۆبوونەوەیان لەگەڵ وەزیری دەرەوەی تورکیا و چەند بەرپرسێکی تورکیا پرسی ئاسایشی هەرێم و داهاتووی هەناردەکردنی نەوتی هەرێم کرا. وتیشی، "پێشبینی دەکەین ئایندەیەکی باشمان لەپێش بێت".

دەستەی دەستپاکیی عێراق رایگەیاند، دەستدەکەن بە ئەنجامدانی پێشبڕکێیەک بەناوی "بەشداری کردن لە شەڕی گەندەڵی"، هاوڵاتیانیش لە رێگەی پەنجەرەیەکی ئەلیکترۆنیەوە، دەتوانن بەشداری بکەن لە پێشبڕکێکەدا.

پارێزگاری بانکی ناوەندی رایگەیاند، لەگەڵ وەزارەتی گەنجینەی ئەمریکا سەبارەت بە بانکە سزادراوەکان لە گفتوگۆدان بۆ کەمکردنەوەی سزاکان لەسەریان بە مەبەستی فراوانکردنی ئاستی بازرگانی ناوخۆیی و دەرەکی. دەشڵێت، "ئاستی مامەڵەکردنی ئەو بانکانە بە دۆلار بەیەکجاری رادەگیرێت".

رێکخراوی خۆراک و کشتوکاڵی نەتەوە یەکگرتووەکان رایگەیاند، عێراق لە پلەی شەشەمی وڵاتانی عەرەبیدایە بۆ بەرهەمهێنانی تەماتە. دەشڵێت،" تەنها لە ساڵی ٢٠٢٣دا زیاتر لە ٧٠٠ تۆن تەماتە لە عێراق بەرهەمهاتووە".

دادگای فیدڕاڵی عێراق رایگەیاند، لایەنە پەیوەندیدارەکان و کۆمپانیاکانی هێڵی ئینتەرنێتیان لە عێراق ناچارکردووە پابەند بن بەوەی دەستبکەن بە بلۆککردنی هەموو پەیج و ماڵپەڕانەی بابەتی نەشیاو و دوور لە نەریتی کۆمەڵایەتی وڵاتەکە بڵاودەکەنەوە.

باڵیۆزی ئەمریکا لە عێراق رایگەیاند، هەمیشە لەگەڵ عێراقدا دەمێننەوە بۆ پاراستنی ئارامی ناوچەکە لە هەر مەترسییەک و هێرشی گروپە چەکدارەکان. دەشڵێت، "دەمانەوێت لەگەڵ عێراقدا لە پەیوەندییەکی ئابووری و کولتوری بەهێزدا بین".

وەزارەتی تەندروستیی عێراق رایگەیاند، رێژەی بەرهەمهێنانی دەرمانی ناوخۆ ٤٠٪ بەرز بووەتەوە. دەشڵێت، لە ئێستا هەندێک دەرمان کە پێشتر لە دەرەوە هاوردە دەکران، لە ناوخۆی عێراق دروست دەکرێن.

وتەبێژی وەزارەتی دەرەوەی تورکیا رایگەیاند، سبەی پێنجشەممە، بۆ تاوتوێکردنی پرسی وزە و بابەتی ئاسایش و بەرگری، شاندێکی باڵای تورکیا سەردانی عێراق دەکات و لەگەڵ بەرپرسانی ئەو وڵاتە کۆ دەبێتەوە.

راوێژکارێکی وەزیری ناوخۆی عێراق رایگەیاند، لە رێگەی چەندین رێوشوێنەوە توانیویانە رێژەی تاوان ٤٠٪ کەم بکەنەوە لە عێراق. دەشڵێت،" هەوڵدەدەین ئاستی هۆشیاری تاکەکان بەرزبکەینەوە بۆ ئەوەی کۆمەڵگەیەکی دوور لە ئاڵۆزی بنیاد بنێین".

وەزیری کشتوکاڵی عێراق رایگەیاند، بەردەوام دەبن لە رێکارەکانیان بۆ ئەوەی نرخی گۆشتی سوور لە بازاڕەکانی عێراقدا داببەزێنن. دەشڵێت،" دەستمان کردووە بە دابەشکردنی گوێرەکەی زیندوو بەسەر ناوچە جیاوازەکانی عێراقدا".

وتەبێژی وەزارەتی بازرگانیی عێراق رایگەیاند، لە رێگەی دابەشکردنی سەبەتەی خۆراکییەوە بەردەوام دەبن لە سەقامگیرکردنی نرخی شتومەک و پێداویستییەکان لە بازاڕەکاندا. دەشڵێت،" لەگەڵ پێنج لایەنی حکومەتی عێراقدا رێککەوتوون لەسەر بەردەوام بوونی دابەشکردنی سەبەتەی خۆراکی بە درێژایی مانگی رەمەزان".

ئەنجوومەنی وەزیرانی عێراق بڕیاریدا، باجی گومرگی لەسەر گوێرەکە و مەڕ و مانگای هاوردەکراو ٥٠٪ کەمبکاتەوە، وەک هەوڵێک بۆ کەمکردنەوەی نرخی گۆشتی سوور لە بازاڕەکاندا.

دەستەی تۆڕی چاودێری کۆمەڵایەتی رایگەیاند، کاردەکەن بۆ تۆمار کردنی زیاتر لە ١٤ هەزار ژن لە پارێزگای ئەنبار لە تۆڕی چاودێری کۆمەڵایەتیدا.

راوێژکاری دارایی سەرۆک وەزیرانی عێراق رایگەیاند، گەشەی دانیشتوانی عێراق بەشێوەیەکی بەرچاو روو لە زیادبوونە، بەجۆرێک، ساڵانە نزیکەی یەک ملیۆن منداڵ لە سەرتاسەری عێراقدا لەدایک دەبن.

بەرپرسێکی باڵای حکومەتی عێراق بە ئاژانسی رۆیتەرزی راگەیاند، دانوستانەکانی نێوان ئەمریکا و عێراق سەبارەت بە کشانەوەی هێزەکانی هاوپەیمانان لە عێراق، تاوەکو دوای هەڵبژاردنی سەرۆکایەتی ئەمریکا درێژە دەکێشێت.

وەزارەتی کۆچ و کۆچبەرانی عێراق رایگەیاند، لە چوارچێوەی هەوڵەکانیان بۆ گەڕاندنەوەی ئاوارەکان بۆ ناوچەکانی خۆیان، ئەمڕۆ ٧٩ خێزانی ئاوارە لە کەمپەکانی دهۆک گەڕاونەتەوە ناوچەکانی خۆیان لە شنگال.

دادگای باڵای فیدراڵیی عێراق رایگەیاند، دەستلەکارکێشانەوەی دادوەر عەبدولرەحمان زێباری هیچ کاریگەرییەکی لەسەر کارەکانیان نابێت، بەوپێیەی سێ دادوەری یەدەگ بوونیان هەیە.

بریکاری وەزارەتی بازرگانی عێراق رایگەیاند، بۆ یەکەمجار لە مێژووی وەزارەتەکەدا توانراوە لە رێگای تەکنیکێکی نوێوە کەرەستەی خۆراکی بۆ ماوەی شەش مانگ کۆگا بکرێت. دەشڵێت، "کۆگاکردنەکە هاوکاردەبێت لە کەمکردنەوەی مەترسی ئاسایشی خۆراک".

بانکی رافیدەین رایگەیاند، لەسەر راسپاردەی وەزارەتی دارایی رێکارەکانی بە ئەلیکترۆنیکردنی چوار دەروازەی سنووری لە ناوەڕاست و باشووری عێراق دەستی پێکرد. دەشڵێت، " لە رێگەی بە ئەلیکترۆنیکردنی دەروازە سنوورییەکانەوە داهاتی سەرجەم دەروازەکان دەگەڕێتەوە بۆ وەزارەتی دارایی عێراق".

وەزارەتی ناوخۆی عێراق رایگەیاند، زیاتر لە ١٠٠ کەس بە تۆمەتی یاریکردن بە نرخی خۆراک و شتومەک لە بازاڕەکاندا لە بەغدا و چەند پارێزگایەکی دیکە دەستگیر کراون.

وەزارەتی ناوخۆی عێراق رایگەیاند، بەبۆنەی مانگی رەمەزانەوە بڕیاریانداوە بە داخستنی سەرجەم فرۆشگای خواردنەوە کحولییەکان و داخستنی ئەو چێشتخانە و دوکانانەی خواردنی خێرا دەفرۆشن، هەروەها خواردن و خواردنەوە بە ئاشکرا و لەپێش چاوی رۆژووانان قەدەغەیە.

نوسینگەی مەرجەعی باڵای شیعەکانی عێراق رایگەیاند، سبەی سێشەممە، یەکەم رۆژی مانگی رەمەزانە.

دەستەی دەستپاکی عێراق رایگەیاند، دادگای لێکۆڵینەوەی رەسافە فەرمانی دەستگیرکردنی بۆ وەزیری پێشووی گواستنەوە ، بەتۆمەتی زیانگەیاندن بە سامانی گشتی ئەو شوێنەی کاری لێدەکرد و بەکارهێنانی پلەوپێگەکەی لە بەرژەوەندی خۆیدا دەرکردووە.

ئاژانسی هەواڵگری سەر بە وەزارەتی ناوخۆی عێرق رایگەیاند، لە گوندێکى سنوورى کەرکوک باندێکى پێنج کەسیان دەستگیر کردووە کە پارەیان سپیکردووەتەوە و دۆلاریان بردووەتە دەرەوە. دەشڵێت، "ئەو باندە لەڕێگەی بەڵگەنامەى فەرمیى هاوڵاتییان هەژمارى بانکییان دروستکردووە و پارەیان سپیکردووەتەوە".

وتەبێژی وەزارەتی کۆچ و کۆچبەرانی عێراق رایگەیاند، ١٥٧ خێزانی ئاوارە لە کەمپی هولەوە لە باکوری رۆژهەلاتی سوریا گەڕاونەتەوە زێدی خۆیان لە عێراق.

وەزارەتی گواستنەوەی عێراق رایگەیاند، کارەکان بە باشی لە پرۆژەی رێگەی گەشەپێداندا بەڕێوەدەچیت و لە ئێستادا قۆناغەکانی نەخشەی سەرەتایی هێڵی ئاسنینی پرۆژەکە ٦٦٪ـی تێپەڕاندووە.

وەزیرى سەرچاوەکانى ئاوى عێراق رایگەیاند، بەنداوى موسڵ حەوت مەتر سێجا بەرزبووەتەوە و یەدەگى ئاوى عێراقیش بەهۆى شەپۆلەکانى باران و بەفرەوە زیاتر بووە.

میدیا عێراقییەکان بڵاویان کردەوە، لە ئەنجامی سێ رووداوی جیاوازی هاتوچۆ لە سێ ناوچەی جیاواز، ١٣ کەس گیانیان لەدەستدا و سێ کەسیش بریندار بوون.

وەزیری بازرگانیی عێراق رایگەیاند، لەپێناو پاراستنی نرخی خۆراک و پێداویستییەکان لە مانگی رەمەزاندا بڕیاریان داوە بە کردنەوەی چەندین سەنتەری بازرگانی. دەشڵێت، "رێکاری توند دەگرینە بەر بەرامبەر ئەو کەسانەی هەوڵی زیادکردنی نرخەکان دەدەن لە مانگی رەمەزاندا".

وەزیری ناوخۆی عێراق رایگەیاند، ١٢٣ کەسیان دەستگیرکردووە کە تێوەگلابوون لە شەڕی نێوان دوو بنەماڵە لە پارێزگای زی قار و لە ئەنجامی شەڕەکەشدا بەڕێوەبەری هەواڵگری زی قار بەهۆی بەرکەوتنی گولـلەوە گیانی لەدەستدا.

گۆڤارێکی ئەمریکی بڵاوی کردەوە، لە رووی زۆرترین ژمارەی سەربازەوە لە تەواوی جیهاندا، عێراق لە پلەی ٢٨ـدایە و خاوەنی ١٩٣ هەزار سەربازە، هەروەها لەنێو وڵاتانی عەرەبیشدا بە پلەی پێنجەم دێت.

دەزگای ئاسایشی نیشتیمانیی عێراق رایگەیاند، لە پارێزگای سەڵاحەدین گروپێکی چوار کەسیان دەستگیرکردووە بە تۆمەتی فرۆشتنی زێڕی ساختە و دراوی ساختە.

سەرۆکی فیدراسیۆنی ژوورە بازرگانییەکانی عێراق رایگەیاند، رێگەی گەشەپێدان دەبێتە هۆی بەستنەوەی وڵاتانی رۆژهەڵات و رۆژئاوا.

وەزارەتی کشتوکاڵی عێراق رایگەیاند، ئەو گۆشت و ئاژەڵانەی هاوردە دەکرێن بۆ عێراق کوالێتیان بەرزە و لەو وڵاتانەوە هاوردە دەکرێن کە رێککەوتنی تەندروستیان لەگەڵ عێراق هەیە. دەشڵێت، " مەرج و رێککارەکانمان لەکاتی هاوردەکردنی گۆشت و ئاژەڵ توندوتۆڵن".

دەستەی دەروازە سنوورییەکانی عێراق رایگەیاند، شەو و رۆژ کار دەکەن بۆ ئەوەی خۆراکی پێویست و تەندروست بێتە عێراقەوە وەک ئامادەکاری هاتنی مانگی رەمەزان.

لە دوو رووداوی جیاوازی هاتوچۆدا لە پارێزگای دیالە، کەسێک گیانی لەدەستدا و نۆ کەسی دیکەش بریندار بوون.

چاوگێک لە وەزارەتی دارایی عێراق بە دیجتاڵ میدیایی ئێن ئاڕ تی راگەیاند، دەکرێت ئەو لیستانەی هەرێم بۆ بەغدای ناردووە بڕیاریان لەسەر بدرێت بۆ ئەوەی لەماوەی مانگێکدا بکرێن بە ئەلیکترۆنی و لەرێگەی بانکی رەشید و رافیدەینەوە کارتی بانکی بۆ مووچەخۆران دروست بکرێت. دەشڵێت، "ئەگەر هیچ کێشەیەک دروست نەبێت، یەکشەممە پارە بۆ هەرێم دەنێرین".

وەزارەتی کار و کارووباری کۆمەڵایەتی عێراق رایگەیاند، زیاتر لە ٥٠٠ هەزار ژن سوودمەند بوون لە پێدانی هاوکارییەکانی چاودێری کۆمەڵایەتی عێراق.

چاوگێکی ئەمنی بە میدیا عێراقییەکانی راگەیاند، لەسەر رێگەی کەرکوک- بەغدا لە رووداوێکی هاتووچۆدا دوو کەس گیانیان لە دەستدا.

وەزیری تەندروستی عێراق رایگەیاند، هەنگاو و رێکارەکانی حکومەت بۆ رووبەڕوبوونەوەی مادە هۆشبەرەکان و دەستگیرکردنی ئەو کەسانەی بازرگانی پێوە دەکەن پێشکەوتنی گەورەیان بەدەستهێناوە.

وەزیری تەندروستی عێراق رایگەیاند، داوا لە دەرچووانی ساڵی ٢٠٢٢-٢٠٢٣ـی بەشە پزیشکییەکانی زانکۆ عێراقییەکان و ناعێراقییەکان دەکەن فۆرمی دامەزراندن کە لە ماڵپەڕی فەرمی وەزارەتی تەندروستییەوە بڵاو دەکرێتەوە پڕ بکەنەوە بەمەبەستی دامەزراندنیان.

وەزیرى پلاندانانی عێراق رایگەیاند، لە مانگی ئایاری ئەمساڵ یەکەم سەرژمێری ئەزموونی بە شێوەی تاقیکاری ئەنجام دەدرێت، هەروەها لە رۆژی لە ٢٠ـی تشرینی دووەمی ئەمساڵدا سەرژمێری سەرتاسەریی کۆتایی لە عێراق و هەرێمی کوردستان ئەنجام دەدرێت.

سەرۆک وەزیرانى عیراق رایگەیاند، ناردنى پارە بۆ هەرێمى کوردستان بەردەوامە و زۆربەى کێشەکانی نێوان بەغدا و هەرێم بەرەو چارەسەر دەڕۆن.

وەزارەتی ناوخۆی عێراق رایگەیاند، تیمەکانیان بەردەوامن لە چاودێریکردنی بازاڕ و نرخی شتومەک و پێداویستییەکان و هەرکەسێک لە مانگی رەمەزاندا هەوڵی بەرزکردنەوەی نرخەکان بدات، بە توندترین شێوە سزا دەدرێت.

وەزیری نەوتی عێراق رایگەیاند، لە رێگەی چەند پرۆژەیەکەوە ئاستی بەرهەمهێنانی بەنزین لە عێراق بەرز دەکەنەوە. دەشڵێت،" چەند جارێک ئامادەکردنی رەشنووسی یاسای نەوت و غازمان لەگەڵ هەرێم تاوتوێ کردووە".

سەرۆک وەزیرانی عێراق رایگەیاند، لەگەڵ تەواوبوونی پرۆژەی رێگەی گەشەپێداندا گرینگی بە پرۆژەکانی دیکەش دەدەن لە عێراق.

سەرۆکی دادگای فیدراڵی عێراق رایگەیاند، بڕیارەکانی دادگای فیدراڵی جێبەجێ دەکرێن و هیچ دەسەڵاتێک ناتوانێت خۆی لە جێبەجێکردنیان لابدات بەتایبەت پرسی مووچەی مووچەخۆرانی هەرێم.

کارگێڕی زانیاری وزەی ئەمریکا رایگەیاند، لە مانگی شوباتدا زیاتر لە چوار ملیۆن بەرمیل نەوت لە عێراقەوە هاوردەکراوە و بە تێکڕا رۆژانە ١٧٣ هەزار بەرمیل نەوت بووە. دەشڵێت، " عێراق لەماوەی دوو مانگی رابردوودا نزیکی ١٠ ملیۆن بەرمیل نەوتی هەناردەی ئەمریکا کردووە و بەوەش لە پلەی دووەمی وڵاتانی عەرەبیدا ماوەتەوە".

راوێژکاری ئاسایشی نیشتمانیی عێراق لەگەڵ سکرتێری گشتیی ئاسایشی نەتەوەیی تورکیا کۆبووەوە و رایگەیاند، رێگە نادەن خاکی عێراق بەکاربهێنرێت بۆ هێرشکردنە سەر وڵاتانی دراوسێ.

وەزارەتی گواستنەوەی عێراق رایگەیاند، لە ماوەی مانگی رابردوودا ٦٥ هەزار و ٨٣٤ کەس لە فڕۆکەخانە ناوخۆییەکانەوە بە مەبەستی ئەنجامدانی عەمرە رەوانەی فڕۆکەخانەکانی سعودییە کراون.

وەزارەتی کۆچ و کۆچبەرانی عێراق بە ئێن ئاڕ تی رایگەیاند، حکومەتی عێراق پاڵپشتی ئەو خێزانە ئاوارانە دەکات کە بڕیاری گەڕانەوە بۆ ناوچەکانی خۆیان دەدەن لەپێناو داخستنی کەمپەکان و کۆتایی هێنان بە پرسی ئاوارەکان بە یەکجاری و گەڕاندنەوەی سەرجەم ئاوارەکان بۆ ناوچەکانی خۆیان.

لە کۆبوونەوەی ئەنجومەنی وەزیرانی عێراق بڕیاردرا بە دامەزراندنی هەشت وێستگەی وزەی ناوەکی لە خاکی عێراقدا کە هاوکاردەبن لە دابینکردنی کارەبای ٢٤ کاتژمێری و دەتوانن تا ساڵی ٢٠٢٨کارەباش بە وڵاتانی تری جیهان بفرۆشنەوە.

وەزیری ناوخۆی عێراق رایگەیاند، لە مانگی شوباتی رابردوودا هەزار و ٤٣١ کەس بە تۆمەتی بازرگانیکردن بە مادە هۆشبەرەکان دەستگیر کراون و دەست بەسەر ٣٩٠ کیلۆ مادەی هۆشبەردا گیراوە.

رێکخراوی ئۆپیک پڵەس رایگەیاند، بەمەبەستی سەقامگیربوونی خواست و نرخی نەوت لە بازاڕەکانی جیهاندا جارێکی دیکە بڕیاری کەمکردنەوەی بەرهەمهێنان و هەناردەکردنی نەوت بۆ بازاڕەکانی جیهان تا رۆژی ١ـی حوزەیران درێژکرایەوە. هاوکات، سوپاسی عێراقیش دەکات لەبەرامبەر کەمکردنەوەی خۆبەخشانەی هەناردەی نەوتدا.

وەزارەتی نەوتی عێراق رایگەیاند، بەردەوام دەبن لە کەمکردنەوەی خۆبەخشانەی بەرهەمهێنانی نەوت بە بڕی ٢٢٠ هەزار بەرمیل لە رۆژێکدا تاوەکو مانگی حوزەیرانی ئەمساڵ.

باڵیۆزی عێراق لە ئەمریکا رایگەیاند، لەگەڵ وەزارەتی گەنجینەی ئەمریکادا باسی رێکارەکانی وەزارەتی گەنجینەی ئەمریکایان کردووە بەرامبەر چەند بانکێکی عێراقی و کاریگەرییەکانی لەسەر عێراق.

سەرۆک ئەرکانی عێراق رایگەیاند، لە ئێستادا هێزەکانی هاوپەیمانان لە عێراق ئەرکیان پاراستی ئاسمانی عێراقە لە مەترسییەکان. دەشڵێت،" هەرکاتێک ئەو هێزانە ئەرکەکانیان تەواو بوو لە عێراق دەکشێنەوە".

میدیا عێراقییەکان بڵاویان کردەوە، لە ئەنجامی شەڕ و ململانێ لە ناوچەیەکی پاریزگای زی قار بەڕێوەبەری بەشی هەواڵگری زی قار بەهۆی بەرکەوتنی گوللـەوە گیانی لەدەستدا و ١٠ کەسی دیکە بریندار بوون.

راوێژکارێکی سەرۆک وەزیرانی عێراق رایگەیاند، هەوڵدەدرێت لەلایەن کۆمپانیا جیهانیەکانەوە بتوانن کارگەی تایبەت بە دروستکردنی ئەو دەرمانانە دروستبکەن کە لە عێراقدا نین، بۆ ئەومەبەستەش لەلایەن سەرۆک وەزیرانی عێراقەوە لیژنەیەک پێکهێندراوە. دەشڵێت، "هاوڵاتییان تەنها یەک لەسەر چواری نرخی دەرمانەکان دەدەن".

وەزیری دەرەوەی عێراق رایگەیاند، حکومەت بەردەوامە لە چاکسازیکردن و پەرەپێدانی کەرتی ئابووری لە وڵاتدا و لە پلانیشیدایە لە ساڵانی داهاتوودا عێراق بکاتە هەناردەکاری غاز.

وەزارەتی کشتوکاڵی عێراق رایگەیاند، لە دوای هاوردەکردنی یەکەم کاروانی ئەو ١٧ هەزار گوێرەکەیەی لە بەڕازیل و ئیکوادۆر و کۆڵۆمبیاوە هاوردە دەکرێن، نرخی گۆشتی سوور بۆ مانگی رەمەزان دادەبەزێت.

بەڕێوەبەرایەتی گشتی هەواڵگری و ئاسایشی عێراق رایگەیاند، لە پارێزگای نەجەف سێ بازرگانی مادەی هۆشبەریان دەستگیر کردووە و دەستیان گرتووە بەسەر یەک کیلۆگرام مادەی هۆشبەر لەگەڵ فڕۆکەیەکی بێ فڕۆکەوان.

لە رووداوێکی هاتوچۆدا لەسەر رێگای کەرکوک-بەغدا، کەسێک گیانی لەدەستدا و پێنجی دیکە برینداربوون.

وەزارەتی ناوخۆی عێراق رایگەیاند، لەپێناو پاراستنی ئابووری وڵات ئۆپەراسیۆنەکانیان بەردەوامە بە ئامانجی دەستگیرکردنی ئەو کەسانەی هەوڵی سپیکردنەوەی پارە و ناردنی بۆ دەرەوەی وڵات دەدەن.

وەزیری دەرەوەی عێراق رایگەیاند، مانگی داهاتوو شاندێکی عێراق بە مەبەستی گفتوگۆکردن لەسەر کێشەی ئاسایش و کێشەی ئاو و بازرگانی سەردانی تورکیا دەکات. دەشڵێت،" هەولێر و بەغدا لەسەر پرسی دەستپێکردنەوەی هەناردەی نەوتی هەرێم گەیشتوونەتە رێککەوتن".

میدیا عێراقییەکان بڵاویان کردەوە، بەهۆی دوو رووداوی هاتوچۆوە لە بەغدا و موسڵ سێ کەس گیانیان لەدەستداوە و ١٤ کەسی دیکەش بریندار بوون.

وەزارەتی کشتوکاڵی عێراق رایگەیاند، لەپێناو پاراستنی تەندروستی هاوڵاتییان و هەروەها پاراستنی ئاژەڵانی ناوخۆیی وڵات لە توشبوون بە نەخۆشی، هاوردەکردنی ئاژەڵ و گۆشتی سووریان مەرجدار کردووە بەوپێیەی تەنها لەو وڵاتانەوە هاوردە دەکرێن کە لە کاتی هەناردەکردندا رەچاوی تەندروستی بکەن.

چاوگێکی ئەمنی بە میدیا عێراقییەکانی راگەیاند، بە هۆی تەقینەوەیەکەیەوە لە باکووری بەغدا سەربازێک گیانی لە دەستدا و چوار سەربازی دیکەش برینداربوون.

باڵیۆزی ئەمریکا لە عێراق رایگەیاند، لە دە ساڵی رابردوودا وڵاتەکەى بە بڕی زیاتر لە چوار ملیار دۆلار هاوکاری مرۆیی پێشکەش بە عێراق کردووە. دەشڵێت، " هاوکاری زیاتر لە چوار ملیۆن ئاوارەیان لە عێراق کردووە بۆ ئەوەی بگەڕێنەوە زێدی خۆیان".

وەزارەتی نەوتی عێراق رایگەیاند، دەستیان کردووە بە پەرەپێدانی کێڵگەی نەوتی حەمرین و پێشبینی دەکەن بەرهەمی کێڵگەکە بۆ ٦٠ هەزار بەرمیل نەوتی خاوی رۆژانە بەرزبێتەوە.

دەستەی ئاماری تورکیا رایگەیاند، لە مانگی کانوونی دووەمی ئەمساڵ هەناردەی تورکیا بەڕێژەی ٣.٥٪ بەرزبووەتەوە و هاوردەکردن بەڕێژەی ٢٢٪ دابەزیوە. دەشڵێت، " عێراق لە ریزبەندی سێیەمی ئەو وڵاتانەدایە کە زۆرترین شتومەکی لە تورکیاوە هاوردە کردووە".

بەڕێوەبەرایەتیی هەواڵگریی سەربازیی عێراق رایگەیاند، گەورەترین بازرگانی مادەی هۆشبەریان لە پارێزگای نەینەوا دەستگیر کردووە کە ١٣٥ کیلۆگرام مادەی هۆشبەری پێ بووە.

وەزارەتی کشتوکاڵی عێراق رایگەیاند، بەمەبەستی دابەزاندنی نرخی گۆشتی سوور، رەزامەندیان دەربڕیوە لەسەر هاوردەکردنی ١٧ هەزار سەر گوێرەکە بۆ عێراق.

وەزارەتی دارایی عێراق رایگەیاند، بەراورد بە ساڵی رابردوو ئاستی داهاتی نانەوتی بە رێژەی ١٩٪ زیادی کردووە و پێشبینیش دەکرێت بە تێکڕا ٧٪ بودجەی ساڵی رابردووی پێکهێنابێت. دەشڵێت، "داهاتی نانەوتی نزیکی ١٠ ترلیۆن دینار بووە".

دەستەی راگەیاندن و پەیوەندییەکانی عێراق رایگەیاند، سەرۆکی یەکێتی نێودەوڵەتی پەیوەندییەکان پاڵپشتی خۆی بۆیان دوپات کردەوەتەوە و جەختی کردوەتەوە لەوەی دەستەی راگەیاندن و پەیوەندییەکانی عێراق رۆڵی سەرەکی دەگێڕێت لە پەرەپێدانی کەرتی پەیوەندی لە عێراق.

وەزارەتی کۆچ و کۆچبەرانی عێراق رایگەیاند، تاوەکو ئێستا ١٠ هەزار و ٥٦٤ خێزانی ئاوارە لە ٢٤ کەمپ دەژین کە زۆرینەی ئەو کەمپانە دەکەونە هەرێمی کوردستان. دەشڵێت، کاردەکەن بۆ دروستکردنی خانوو بۆ ئەو ئاوارانەی بەهۆی شەڕەوە خانووەکانیان روخاوە.

وەزارەتی کۆچ و کۆچبەرانی عێراق رایگەیاند، ئەو هاوڵاتییە عێراقییانەی لە ساڵانی رابردوودا بەهۆی شەڕی هێزە چەکدارەکانەوە ئاوارەی هەرێمی کوردستان بوون، بگەڕێنەوە ناوچەکانی خۆیان دایاندەمەزرێنن یان کاریان بۆ دەدۆزنەوە.

چاوگێک لە پۆلیسی کفری بە دیجیتاڵ مدیای ئێن ئاڕ تی راگەیاند، لە رووداوێکی تەقەکردندا کەسێک گیانی لەدەستداوە، دەشڵێت، رووداوەکە بەهۆی کێشەی کۆمەڵایەتییەوە بووە.

وەزارەتی پلاندانانی عێراق رایگەیاند، لە رێگەی چەند رێکارێکی نوێوە دەست دەکەن بە لێکۆڵینەوە لە کوالێتی شمەک و پێداویستییەکان لە بازاڕ و فرۆشگاکاندا. دەشڵێت، "ئەو فرۆشگایانەی کوالێتی شمەکەکانیان خراپە سزا دەدرێن".

سەرۆک وەزیرانی عێراق رایگەیاند، بەبۆنەی نزیکبوونەوە لە مانگی رەمەزان، لە ئەنجوومەنی وەزیران دەنگیان داوە لەسەر هەڵمەتێک بۆ ناردنی هاوکاریی و بەتایبەتی ئارد بۆ خەڵکی غەززە.

وەزارەتی پلاندانانی عێراق رایگەیاند، ئامادەن لە رۆژی ٢٠ـی تشرینی یەکەمی ئەمساڵ سەرژمێری گشتیی دانیشتوانی عێراق بە کەرکوک و پارێزگاکانی هەرێمی کوردستانەوە ئەنجام بدەن. دەشڵیت، " بۆ ئەو مەبەستە پێویستمان بە ٣٠٠ ملیار دینار هەیە".

وەزارەتی کشتوکاڵی عێراق رایگەیاند، چەندین رێوشوێنی وەک ئاسانکاری لە هاوردەکردنی گۆشتی سوور، رێگەدان بە هاوردەکردنی ئاژەڵ لە دەرەوە و پێدانی مۆڵەت بۆ گواستنەوەی ئاژەڵ لەنێو پارێزگاکانیاندا گرتووەتە بەر، ئەوەش لەپێناو دابەزاندنی نرخی گۆشتی سوور لە بازاڕەکاندا.

سەرۆکی ئەنجومەنی پارێزگای سەڵاحەدین رایگەیاند، وەزارەتی نەوت کار دەکات بۆ نۆژەنکردنەوەی هەردوو پاڵاوگەی سەڵاحەدین یەک و سەڵاحەدین دوو، تاوەکو بەرهەمهێنانی رۆژانەی هەر پاڵاوگەیەکیان لە ٧٠ هەزار بەرمیلەوە بۆ ١٤٠ هەزار بەرمیل زیاد بکرێت.

وەزارەتی کار و کاروباری کۆمەڵایەتی عێراق رایگەیاند، ١٢٨ خاوەن پێداویستی تایبەت لەنێو ئەو ئاوارانەی گەڕاونەتەوە ناوچەکانی خۆیان مووچەی مانگانەیان بۆ دابینکراوە و داوایان لە وەزارەتی کۆچ و کۆچبەران کردووە ژمارەی ئاوارەکانیان رادەست بکەن، تاوەکو هەر خێزانێک شایستە بێت لە تۆڕی چاودێری کۆمەڵایەتیدا جێگیر بکرێ.

وتەبێژی وەزارەتی کارەبای عێراق رایگەیاند، لەگەڵ سێ وڵاتدا سەرقاڵی رێککەوتنن بۆ ئەوەی غازی سروشتی هاوردەی عێراق بکەن بەمەبەستی بەرهەمهێنانی کارەبا. دەشڵێت" هەوڵەکانمان بەردەوامە بۆ ئەوەی سەرچاوەکانی بەرهەمهێنانی وزەی کارەبا زیاتر بکەین".

ماڵپەڕی ئابووری جیهانی بڵاوی کردەوە، ژمارەی دەستی کاری عێراق لە پلەی پێنجەمی وڵاتانی عەرەبیدا و لە پلەی ٤٧ـی وڵاتانی جیهاندایە.

وەزارەتی ناوخۆی عێراق رایگەیاند، بەهۆی قۆرغکردنی بازاڕ و بەرزکردنەوەی نرخی خۆراکەوە ٧٥ تۆمەتباریان دەستگیرکردووە لە بەغدا و پارێزگاکانی دیکە.

ئەندامێکی لیژنەی نەوت و غازی پەرلەمانی عێراق رایگەیاند، لە ناوەڕاستی ئەمساڵدا هاوردەکردنی سوتەمەنییەکان بۆ نیوە کەم دەبێتەوە.

وەزارەتی سەرچاوە ئاوییەکانی عێراق رایگەیاند، لە ئێستادا زیاتر لە ٣٦ شوێنیان بۆ دروستکردنی بەنداو دیاری کردووە و لە ماوەی ئەمساڵدا دەست بە کارکردن لە بەشێک لەو بەنداوانە دەکەن.

دەستەی راگەیاندن و پەیوەندییەکانی عێراق رایگەیاند، لە سەرەتای مانگی داهاتووەوە سەرجەم مامەڵە داراییەکان بە شێوەی نەختینەیی رادەگیرێن و بەشێوەی ئەلکترۆنی یاخود حەواڵەی بانکی ئەنجام دەدرێن.

گروپە چەکدارەکانی عێراق رایانگەیاند، لە سەرەتای ئەم مانگەوە و بۆ پاراستنی گروپە چەکدارەکان، هێرشەکانیان بۆ سەر بنکەکانی ئەمریکا لە عێراق راگرتووە.

راوێژکارێکی سودانی رایگەیاند، بەمەبەستی بەرزکردنەوەی ئاستی بەرهەمهێنانی وزەی زیاتر و بەرزکردنەوەی ئاستی پێدانی کاتژمێرەکانی کارەبا و وزە هەوڵدەدرێت سوود لە وزەی خۆر وەربگیرێت. دەشڵێت، " عێراق دەیەوێت بچێتە پلەی دەیەمی وڵاتانی بەرهەمهێنەری وزە لە جیهاندا".

راوێژکارێکی سودانی رایگەیاند، عێراق دەیەوێت لە بواری بەرهەمهێنانی گازی سروشتیدا وەبەرهێنانى زیاتر بکات.

بەگوێرەی ئەو داتایانەی عێراق بڵاویکردووەتەوە، داهاتی گشتی عێراق لە ساڵی ٢٠٢٣ بە تێکڕای ١٦٪ دابەزیوە و لەبەرامبەریشدا داهاتی نەوتی بەراورد بە ساڵی ٢٠٢٢ بە رێژەی ١٩٪ دابەزیوە لەکاتێکدا داهاتی نانەوتی ٣٩٪ بەرزبووەتەوە.

میدیا عێراقییەکان بڵاویان کردەوە، لە هێرشێکی چەکداریدا لە رۆژهەڵاتی بەغدا دەستڕێژی گوللـە لە سێ کەس کرا و بەهۆیەوە دوو کەسیان گیانیان لەدەستدا و کەسێکیش بریندار بوو.

بەهۆی هاتنی شەپۆلێکی بارانبارینەوە، لە هەریەکە لە پارێزگای بەغدا و بابل و نەجەف و دیوانیە لەگەڵ موسەننا و زی قار، سبەی یەکشەممە ٢٥ـی شوبات پشووی فەرمییە.

‎چاوگێک لە بانکی ناوەندیی بە دیجیتاڵ میدیای ئێن ئاڕ تی راگەیاند، بانکی ناوەندیی لیستێکی دیکەی ئامادە کردووە کە لە شەش بانکی عێراقی پێکدێن و دەخرێنە لیستی سزادراوەکانەوە. دەشڵێت، " دوای ئەوەی سزا دەدرێن ئەو بانکانە ناتوانن بەهیچ جۆرێک مامەڵە بە دۆلارەوە بکەن".

سەنتەرێکی تایبەت بە چاودێریکردنی تەکنەلۆجیای جیهانی رایگەیاند، بەکارهێنانی تۆڕە کۆمەڵایەتییەکان لە عێراقدا گەیشتووەتە ٣١ ملیۆن و ٩٥٠ هەزار بەکارهێنەر و تۆڕی کۆمەڵایەتی تیکتۆکیش زۆرترین بەکارهێنەری هەیە.

دەسەڵاتی گومرگی ئێران رایگەیاند، لە ماوەی مانگی ئازاری ساڵی رابردوو تاوەکو مانگی شوباتی ئەمساڵ ئاڵوگۆڕی بازرگانی نێوان عێراق و ئێران لە رووی نرخەوە بە رێژەی ٥٪ دابەزیوە، هەروەها لە رووی ژمارەی ئاڵوگۆڕەکانەوە بە رێژەی ١٪ دابەزیوە.

دوو سبەی بەبۆنەی ١٥ـی مانگی شەعبان لە پارێزگاکانی موسەنا و زیقار و میسان و بەسرە پشووە و پارێزگای کەربەلاش سبەی و دووسبەی کردە پشوو.

وەزیری نەوتی عێراق رایگەیاند، بۆ چارەسەرکردنی کێشەکانی پەیوەست بە نەوت لە نێوان هەرێم و بەغدا لێکتێگەیشتنی ئەرێنی هەیە بۆ رێککەوتن و یەکلایی کردنەوەی گرێبەستی کۆمپانیا نەوتیەکان وهەرێم. دەشڵێت، "کۆمپانیای سۆمۆ بەبازاڕکردنی نەوتی هەرێم دەگرێتە ئەستۆ".

وەزارەتی کشتوکاڵی عێراق رایگەیاند، لە رێگەی وەبەرهێنان لە ناوچە بیابانییەکان، پلانێکیان ئامادە کردووە بۆ رووبەڕوبوونەوەی کەمبوونەوەی ئاو لەو ناوچانەدا. دەشلێت، " کار لەسەر زیادکردنی بەرهەمی ئاژەڵ و رووەک لە ناوچە بیابانییەکاندا دەکەین".

میدیا عێراقییەکان بڵاویان کردەوە، بەهۆی وەرگەڕانی ئۆتۆمبێلێکەوە لەسەر رێگەی زی قار – بەسڕە، سێ کەس گیانیان لەدەستدا و پێنج کەسی دیکەش بریندار بوون.

پارێزگاری بانکی ناوەندیی عێراق رایگەیاند، هیچ کێشەیەک لە نەختینەی دیناری عێراقی لە بانکەکەدا نییە و ئەو دەنگۆیانەی لەو بارەیەوە بڵاوکراونەتەوە دوورن لە راستییەوە.

وەزارەتی سەرچاوەکانی ئاوی عێراق رایگەیاند، لەیەکەم هەنگاویاندا بۆ سوود وەرگرتن لەو باران و لافاوەی کە لە هەرێمەوە دەگاتە ناوچەکانی عێراق تواندرا بە درێژایی ٨٥ کیلۆمەتر رێڕەوێکی ئاوی دروستبکرێت. دەشڵێت، " ئەمساڵ کێشەی کەم ئاوی روونادات و تواندراوە ئاوێکی زۆر گلبدرێتەوە".

چاوگێکی ئەمنی رایگەیاند، دوای تێپەڕبوونی ١٦ هەفتە هێزەکانی ئەمریکا لە باڵیۆزخانەی ئەمریکا لە بەغدا سیستەمی بەرگری سی ڕامی چالاککردووە و دەستیان بە تاقیکردنەوەی کردووە.

وەزیری بازرگانی عێراق رایگەیاند، نرخی کەرەستەی خۆراکی و پێداویستیەکانی تر لە عێڕاق تا ئاستێکی بەرچاو کۆنترۆڵکراوە و لە ئێستاشدا عێراق لە بازنەی هەڵاوسانی نرخ دەرچووە.دەشڵێت " بە هاوبەشی لەگەڵ وەزارەتی بازرگانی حکومەتی کاربەرێکەر لە رێگای چەند رێکارێکەوە کۆنترۆڵی بەرزبوونەوەی نرخدەکەین لە ماوەکانی ئایندەدا".

نوسینگەی سەرۆک وەزیرانی عێراق رایگەیاند، لەلایەن سەرۆک وەزیرانی عێراقەوە پاڵاوگەی بێجی کە بۆماوەی ١٠ ساڵە لە کارکردن وەستاوە، ئەمڕۆ تەواوی بەشەکانی کەوتەوە کار. دەشڵێت " سەرۆک وەزیرانی عێراق سەرپەرشتی کردنەوەکەی دەکات".

دەزگای مەدا بۆ راگەیاندن و رۆشنبیری و هونەر رایگەیاند، شەوی رابردوو لە بەغدا لەلایەن چەند چەکدارێکەوە هەوڵی کوشتنی سەرۆکی دەزگاکە دراوە کە راوێژکاری پێشووی سەرۆک کۆماری عێراقیشە، بەڵام هیچ زیانیکی پێنەگەیشتووە. وتیشی " ١٧ گوللـەیان بە ئۆتۆمبێلەکەوە ناوە".

راوێژکاری ئاسایشی نیشتمانی عێراق رایگەیاند، بڕیاری کۆتاییهێنان بە ئەرکەکانی هاوپەیمانی نێودەوڵەتی بە مانای پچڕانی پەیوەندییەکان لەگەڵ کۆمەڵگەی نێودەوڵەتیدا نییە و پەیوەندییەکانیان بەردەوامی دەبێت.

بەڕێوەبەری جێبەجێکاری کۆمپانیای سیمێنزی ئەڵمانی رایگەیاند، کارکردن بەردەوامە بۆ زیادکردنی قەبارەی بەرهەمهێنانی کارەبا بۆ تۆڕی نیشتمانی لە عێراق. دەشڵێت،" ١٥ وێستگەی کارەبامان لە ناوچە جیاوازەکانی عێراق دروست کردووە".

وەزارەتی بیناسازی و نیشتەجێکردنی عێراق رایگەیاند، مانگی داهاتوو دەستدەکەنەوە بە پێدانی قەرزی نیشتەجێبوون بەو هاوڵاتیانەی کە بە نیازی کڕین و دروستکردنی پرۆژەی خانووبەرەیان هەیە.

باڵیۆزی ئەمریکا لە عێراق رایگەیاند، ئەمریکا و وڵاتانی هاوپەیمانی نێودەوڵەتی بەردەوام دەبن لە ئەرکەکانیان بۆ رووبەڕوبوونەوەی گروپە چەکدارەکان لە عێراق.

نوسینگەی راگەیاندنی سەرۆک وەزیرانی عێراق رایگەیاند، حکومەت چاکسازیکردن لە کەرتی ئابووری وڵاتدا بە یەکێک لە ئەرکە گرنگ و لەپێشینەکان دادەنێت و هەوڵەکانیان بۆ بەهێزکردنی ئەو کەرتە بەردەوامە بەتایبەتیش بەرەوپێشبردنی سیستەمی پارەدانی ئەلکترۆنی.

وەزارەتی کار و کاروباری کۆمەڵایەتی عێراق رایگەیاند، لە ماوەی ١٣ مانگی رابردوودا ٧٤ ملیۆن سەبەتەی خۆراکیان بەسەر ئەو کەسانەدا دابەش کردووە کە چاودێری کۆمەڵایەتی عێراق دەیانگرێتەوە.

پارێزگاری بانکی ناوەندیی عێراق رایگەیاند، کۆمەڵگا تا ئاستێکی بەرچاو پشتدەبەستێت بە پارەدانی کاش، لەسەر راسپاردەی سەرۆک وەزیرانی عێراق هەوڵ و رێکارەکانیان چڕترکردووەتەوە بۆ گۆڕانکاری لە کاشەوە بۆ پارەدانی ئەلیکترۆنی. دەشڵێت، " ئەم هەنگاوە هۆکار دەبێت بۆ دووبارە پارەدارکردنەوەی بانکەکان بە دیناری عێراقی".

وەزارەتی کشتوکاڵی عێراق رایگەیاند، پێشبینی دەکەن تا کۆتایی مانگی داهاتوو نرخی گۆشتی سوور لە بازاڕەکاندا بگەڕێتەوە ئاستی پێشووی. وەزارەتی بازرگانیی عێراقیش دەڵێت، "سزای ئەو کەسانە دەدەین کە نرخی خۆراک بەرز دەکەنەوە".

راوێژکاری پەرلەمانی عێراق رایگەیاند، بڕیارەکەی دادگای فیدراڵی بۆ یەکلایی کردنەوەی پرسی موچەی موچەخۆران لەچوارچێوەی دەستوور و یاسای دادگا بووە. دەشڵێت، "هەرێم چوارچێوەیەکی دەستووری هەیە لە عێراقدا بۆیە ئەو بڕیارە ئەرێنیە و بەهیچ جۆرێک کاریگەری ناکاتە سەر قەوارەی هەرێم بەشێوەیەکی نەرێنی، دەشبێت هەرێم پابەندی بڕیارەکەی دادگای فیدراڵی بێت".

بەڕێوەبەرایەتی کۆمپانیای سمێنسی میسر رایگەیاند، لەگەڵ عێراق کارکراوە بۆ بنیاتنانی سێ وێستگەی کارەبای نوێ لە ماوە دوو ساڵی داهاتوودا کە هەر وێستگەیەک بڕی چوار هەزار و ٥٠٠ مێگاوات کارەبا دابیندەکات. دەشڵێت، " کێشەی کارەبا بە یەکجاری چارەسەردەبێت لەرێگای دووبارە بەکارهێنانەوەی ئەو غازەی کە دەسوتێت لە پاڵاوگەکاندا بۆ بەرهەمهێنانی کارەبا".

دوای چەندین جار دواختسن، لە کۆتاییدا دادگاى فیدراڵى لەسەر مووچەى مووچەخۆرانی هەرێم بڕیاریدا، بەپێى بڕیارەکەش، نابێت هەرێم و بەغدا بیانوو بۆ دابەشنەکردنى مووچە بهێننەوە و مووچە بکرێتەوە بە مانگانە، بەڵام نازانرێت هەرێم هاوشێوەى بڕیارەکەى دادگا لەسەر یەکخستنى مووچەى خانەنشینان پێوەى پابەند نابێت، یان بە یەکجارى مووچەى فەرمانبەرانى هەرێمیش وەک بەغدای لێدێت.

بەڕێوەبەرایەتی نەهێشتنی تاوانەکانی بەغدا رایگەیاند، لە ماوەی ساڵی ٢٠٢٣ـدا تاوەکو رۆژی ٢٠ـی شوباتی ئەمساڵ، حەوت هەزار و ٧٦٩ تۆمەتباریان لە بەغدا دەستگیر کردووە بە چەندین تۆمەتی وەکو دزیکردن و کوشتن و فێڵ کردن و خراپ بەکارهێنانی ئامێرە ئەلیکترۆنییەکان و چەن تاوانێکی دیکە.

وەزارەتی بازرگانیی عێراق رایگەیاند، بە هیچ شێوەیەک لە مانگی رەمەزاندا نرخی خۆراک لە بازاڕەکاندا بەرز نابێتەوە و کاردەکەن بۆ رووبەڕووبوونەوەی ئاستەنگەکان و بەرزبوونەوەی نرخی خۆراک.

وەزارەتی کشتوکاڵی عێراق رایگەیاند، بڕیاریان داوە بە هاوردەکردنی مەڕ و مانگا بۆ عێراق، ئەوەش بە مەبەستی جێگیرکردنی نرخی گۆشتی سوور و دابەزاندنی.