PM:10:32:02/04/2025
80 جار خوێندراوەتەوە
+
-
سەرۆکێ کۆمەلەیا
ئۆتیزمێ ل هەرێما کوردستانێ دیارکر، ل هەرێما کوردستانێ مە ناڤەندەکێ پیشەیی نینە
بۆ زارۆکێن ئۆتیزمێ و بەشەکا ڕێکخراوان ژی ب ناڤێ زارۆکێن ئۆتیزمێ هاریکاریێ وەردگرن
و چ ڕۆلەک ژی نینە.
ئەڤرۆ چارشەمبی
٢ نیسانا ٢٠٢٥، کەمال جەبار، سەرۆکێ کۆمەلەیا ئۆتیزمێ ل هەرێما کوردستانێ د پرۆگرامێ
تاوتوێ یێ ئێن ئاڕ تی دا بەحس ل وێ یەکێ کر، ب گۆرەی ئامارێن نافەرمی ل هەرێمێ نێزیکی
چار هزار زارۆکێن ئۆتیزمێ هەنە.
ئاماژە ب وێ یەکێ
دا، ب گۆرەی ئاماران ڕێژەیا تووشبوون ب ئۆتیزمێ بەرەف زێدەبوونێ دچیت و سەنتەرێن ئۆتیزمێ
ژی بتنێ شیانێن خۆگرتنا ٢٠ ژ سەدێ یا زارۆکێن ئۆتیزمی هەنە.
ئەو یەکژی بەرچاڤکر،
ل هەرێما کوردستانێ مە ناڤەندەکێ پیشەیی نینە بۆ زارۆکێن ئۆتیزمێ و بەشەکا ڕێکخراوان
ژی ب ناڤێ زارۆکێن ئۆتیزمێ هاریکاریێ وەردگرن و چ ڕۆلەک ژی نینە.
هەر ئەڤرۆ سەرۆکێ
کۆمەڵەیا ئۆتیزمێ یا کوردستانێ د کۆنفرانسەکێ ڕۆژنامەڤانی دا دیارکرن، زێدەباری بزاڤێن
بێ راوستیان یێن کۆمەڵەیا وان، ئۆتیزم ل هەرێما کوردستانێ سال ب سال زێدەتر دبیت و
هایداریێ ژی ددەت کو پشتی ٢٠ سالێن دی ل هەر ١٠ بۆ ١٥ زارۆکان دەمێ ژ دایکبوونێ، ئێک
ژ وان تووشی ئۆتیزمێ دبیت و ب وێ ژی هەر مالەکێ دێ زارۆکەکێ ئۆتیزمێ تێدا هەبیت.
ئەو ژی د دەمەکێ
دا، ٢ نیسانێ وەک ڕۆژا جیهانیا ئۆتیزمێ هاتیە دیارکرن، ئەڤە ژی ب مەبەستا بەلاڤکرنا
هشداریێ لسەر نەخۆشیا ئۆتیزمێ و باشترکرنا شێوازێ ژیانا وان کەسان یێن ب دەست ڤێ نەخۆشیێ
دئێشین و ژ سالا ٢٠٠٨ ێ نەتەوەیێن ئێکگرتی ب کۆی دەنگی ڕۆژا ٢ نیسانێ وەک ڕۆژا جیهانیا
هشیاریا ئۆتیزمێ ناساند، بۆ وێ یەکێ زارۆکێن تووشبووی ب ئۆتیزمێ وەک بەشەکێ دانەبڕاوی
ژ کۆمەڵگەهێ، د ژیانێ دا بەردەوام بن.