AM:11:53:02/04/2025
108 جار خوێندراوەتەوە
+
-
ل دیف زانیاریێن
ئێن ئاڕ تی، رەوشا هەردوو وەلاتیێن کریستیان کو دوهی ل بازارێ دهۆکێ ب ساتڕێ هاتینە
بریندار کرن باشە و پێدڤی ب نەشتەرگەریێ نینن.
مەتین جەمیل، پەیڤدارێ
ساخلەمیا دهۆکێ د داخویانیەکێ دا بۆ ئێن ئاڕ تی راگەهاند، رەوشا هەردوو برینداران
باشە و پێدڤی ب نەشتەرگەریێ نینە.
هەیسەم بەربهاری
رێڤەبەرێ سەنتەرێ ١٢٢ یا هەوارهاتنا بلەز ل دهۆکێ ب ئێن ئاڕ تی ئاماژە ب وێ یەکێ
کر، دوهی ل دەمێ روویدانێ هەردوو بریندار ب ئەمبۆلانسێ بۆ نەخۆشخانا هەوارهاتنا دهۆکێ
هاتنە ڤەگەهاستن و چارەسەریێن پیدڤی بۆ وان هاتنە کرن.
هەڤدەم، جڤاتا
ئاسایشا هەرێمێ لسەر وێ بوویەرێ ئەو یەک بەرچاڤکر، ئەو کەسێ د جەژنا ئەکیتۆ دا هێرش
کریە سەر وان کەسان ب رەگەز سوریە و هەلگرێ هزر و باوەرێن تیرورستێن سەر ب داعشە و
ئەو کەسە هاتیە دەستەسەرکرن.
ژلایەکێ دی ڤە، عەلی
تەتەر پارێزگارێ دهۆکێ د کۆنگرەیەکێ رۆژنامەڤانی دا بەحسا وێ یەکێ کر، ڤکۆلینان
دەربارەی وێ بوویەرێ دەستپێکریە و ئەنجامێن ڤەکولینێ دێ بۆ رایا گشتی ئەشکرا کەن.
ئەڤە د دەمەکی دایە،
دوهی ئێکی نیسانێ ل ناڤ بازارێ دهۆکێ و لدەمێ برێڤەچوونا جەژنا ئەکیتۆ یا سەر سالا
بابلی و ئاشوریان کەسەکی ب ساتۆرێ هێرش لسەر دوو وەلاتێن ئاشوری کر و هەردو بریندارکرن
، کو ژیێ ژنەکێ ژوان ٦٥ سالە و یێ کوری ٢٥ سالیە، ژبەرکو لێدان ب سەرێ ژنێ کەفتبوو
تووشی خوین بەربوونێ بوویە و تا نها ل بن چاڤدێریا نۆژداران دایە.
تائیف گۆران- دهۆک