و زاخۆ ب بەرهەڤبوونا بەرپرسێن حکومیێن هەردوو
باژێڕان ب دویماهی هات و پارێزگارێ دهۆکێ راگەهاند، دهۆک و زاخۆ ناکەنە قوربانی بۆ
چ کەسان.
ئەڤڕۆ سێشەمبی ١ـێ
نیسانێ، ب بەرهەڤبوونا عەلی تەتەر پارێزگاری دهۆکێ و گوهدار شێخۆ سەرپەرشتیارێ
ئیدارەیا سەربەخۆیا زاخۆ، سەرۆکێن هەردوو یانەیێن دهۆک و زاخۆ لسەر بوویەرێن رۆژا
ئێکشەمبییا بووری دناڤبەرا پشتەڤانێن هەردوو یانەیان روویدای کۆمبوون.
پشتی ب دویماهی هاتنا
کۆمبوونێ هەر ئێک ژ پارێزگارێ دهۆکێ و سەرپەرشتیارێ ئیدارەیا سەربەخۆیا زاخۆ و
سەرۆکێ یانەیێن دهۆک و زاخۆ کۆنفرانسەکا رۆژنامەڤانی ئەنجام دا.
عەلی تەتەر راگەهاند، "دڤێت
دەزگەهێن راگەهاندنێ ب بەرپرسیارەتی و پیشەیانە کارێ خۆ بکەن و نەبنە پێگەهەک بۆ
بەلاڤکرنا پەیاما کەسێن نەحەز و تێکدەر کو چ ژ وەرزشێ نەزانن".
ئاماژە ب وێیەکێ ژیکر، ژ
نوکە پێدا هەر کەسێ درێژیێ بددەتە ڤی بابەتی دێ رێکارێن یاسایی ل هەمبەر هێنە
وەرگرتن. گوت ژی، "ب توندی دێ ل هەمبەر وان کەسان راوستین کو تەبایێ دناڤبەرا
هەردوو باژێڕان تێکبدەت".
هەڤدەم، گوهدار شێخۆی ژی
راگەهاند؛ ئەوا روویدای جهێ دلگرانیێ بوو و کەسێن بوویە ئەگەر رێکارێن یاسایی ل
هەمبەر هاتینە وەرگرتن.
هەروەسا سەرۆکێ یانەیا
زاخۆ ژی گوت؛ یانەیێن مە ل رێزا پێشیێ نە و دڤێت ئەم نوکە زێدەتری هەر دەمەکێ دی پشتەڤانیا
یانەیێن خۆ بکەین و نابیت کارەکی بکەین ئەو زەحمەتا دەستپێکا وەرزی تا نوکە مە بری
هەمی بەر ئاڤێ دا بچیت.
هەروەسا سەرۆکێ یانەیا
دهۆکێ ژی راگەهاند؛ "زاخۆ و دهۆک گیانەکن د دوو جەستەیان دا". گوت ژی، نابیت
دەزگەهێن راگەهاندنێ داخۆیانیا ژ هندەک کەسان وەربگرن کو ببنە ئەگەرێ دروستبوونا
ئاریشەیان.
ئەڤە دەمەکی دایە، رۆژا
٣٠ـێ هەیڤا بووری، ل گەڕا ٢٥ێ ل خولا ئەستێرەیێن عێراقێ یارییا دێربی دناڤبەرا
دهۆک و زاخۆ ب ڕێڤەچوو، دڤێ یاریێ دا یانەیا دهۆک شیا ب گوللـەکێ بێ بەرسڤ سەرکەفتنێ
بسەر یانەیا زاخۆ تۆمار بکەت. پشتی ب دویماهی هاتنا یاریێ گرژی و ئالۆزی دناڤبەرا
پشتەڤانێن هەردوو یانەیان دروستبوو.