PM:07:58:28/03/2025
136 جار خوێندراوەتەوە
+
-
رێڤەبەریا گشتی یا ماددەیێن هشبەر سەر ب وەزارەتا ناڤخۆیا عێراقێ
راگەهاند، ژ دەسپێکا سالا ٢٠٢٥ـێ تا نها شیاینە دەست بسەر زێدەتری دوو تەنێن
ماددەیێ هشبەر دا بگرن دگەل دەستەسەرکرنا ٥٥٩ بازرگانێن ناڤخۆیی و ناڤدەولەتی.
ئەڤرۆ ئەینی،
حسێن یوسف تەمیمی پەیڤدارێ رێڤەبەریا گشتیا ماددەیێن هشبەر و ماددەیێن دەرونی
بەلاڤکر، ژبەر پێگیریا راستەوخۆیا رێڤەبەریا وان دگەل وەزیرێ ناڤخۆ، شیاینە ژ دەستپێکا
ئەڤسالە تا ئەڤرۆ هزار ٥٥٩ بازرگانێن ماددەیێن هشبەر دەستەسەر بکەن.
ئاماژە ب وێیەکێ ژیکر، د هەیاما سالا ٢٠٢٥ـێ دا رێڤەبەریا ماددەیێن هشبەر
دەست بسەر دوو تەن و ١٥٦ کیلۆگرامێن ماددەیێ هشبەر دا گرتیە، هەروەسا شیاینە ١٩٤
بازرگانێن ناڤدەولەتی و ٣٥٦ بازرگانێن ناڤخۆی یێن ماددەیێ هشبەر دەستەسەر بکەن.
پەیڤدارێ رێڤەبەریا گشتیا ماددەیێن هشبەر و ماددەیێن دەرونی بەحسا
وێیەکێ ژیکر، وێ رێڤەبەریێ شیایە نەک بتنێ ل ناڤخۆیا ولاتی بەلکۆ ل ئاستێ دەڤەرێ و
ناڤدەولەتی ژی چالاکیان بەرەڤ پێش ببەت.