AM:08:43:18/03/2025
508 جار خوێندراوەتەوە
+
-
بەرێ سپێدەهیا ئەڤڕۆ ئیسرائیلێ هێرشەکا بەرفرەهـ كرە سەر
غەززە و نێزيكى ٣٠٠ کەسان ژ ئەگەرێ وێ هێرشێ هاتنە كوشتن. حەماس ژی دبێژيت، ئیسرائیلێ
ئاگر بەست شکانديە و دڤێت بەرپرسيارەتيێ هەلبگريت.
ئەڤرۆ سێشەمبی ١٨ـێ ئادارا ٢٠٢٥ـێ، بەرێ سپێدەهیا ئەڤڕۆ سوپايێ
ئیسرائیلێ ب رێكا بالەفڕێن شەڕی چەند هێرشەك كرنە سەر کەرتێ غەززە و ساخلەمییا فەلەستينێ
ژى دبێژيت، ٣٠٠ کەسان ژیانا خۆ ژ دەست داينە.
هەڤدەم، ميديايێن ئیسرائیلێ بەلاڤ كریە، د هێرشێن سوپايێ
وى ولاتی دا، پێنج بەرپرسێن پلە بلندێن حەماسێ هاتینە كوشتن.
هەروەسا ژ لايەکێ ديڤە، سوپايێ ئیسرائیلێ ڕاگەهاند، ئەگەر
پێدڤى بكەت، دێ هێرشێن مە بۆ سەر کەرتێ غەززە بەردەوام بن و دڤێت حەماس پێگیری ڕێككەفتنان
بيت و هەمی بارمتەيان ئازاد بكەت.
د هه‌مان ده‌م دا ل هەمبەر ڤێ چەندێ، بزاڤا حەماس دبێژيت،
سەرۆك وەزيرێ ئیسرائیلێ ئاگر بەستا دناڤبەرا وان دا شكانديە و دڤێت بەرپرسيارەتيێ
هەلبگريت. دبێژيت ژى، چارەنڤيسێ وان ٥٩ بارمتەيێن ل دەڤ وان ماين، د ستويێ سوپايێ
ئیسرائیلێ دا يە.