PM:08:19:17/03/2025
588 جار خوێندراوەتەوە
+
-
ڕێڤەبەریا پۆلیسێن هەولێرێ ڕاگەهاند، پشتى کو نووچە گەهشتییە
مە دەربارێ رەڤاندنا وەلاتیەکێ بەنگلادێشی ل باژێرێ هەولێرێ، دەملدەست تیمێن مە دەست
ب ڤەکۆلینێ کر، د ئەنجام دا بۆ مە دەرکەفت کو بتنێ سیناریۆیا وان بخۆ بوویە.
ئەڤرۆ دووشەمبی ١٧ـێ ئادارا ٢٠٢٥ـێ، ڕێڤەبەریا پۆلیسێن هەولێرێ
ڕاگەهاند، وەلاتیەکێ بەنگلادێشی داخواز ژ خێزانا خۆ کریە کو کۆژمێ ١٢ هزار دۆلاران
بۆ بنێرن بۆ دانا قەرێن هەڤالێن خۆ، لێ خێزانا وی ڕازی نەبوویە، لەوما وی ژی سیناریۆیەک
دانا و دگەل هەڤالەکێ خۆ گرتەیەکا ڤیدیۆیی یا ساختە تۆمار کریە.
ئاماژە ب وێیەکێ ژیکر، گەنجێ بەنگلادێشی سیناریۆیەک دانا
و دگەل هەڤالەکێ خۆ گرتەیەکا ڤیدیۆیی یا ساختە تۆمار کریە کو دیار کریە دهێتە ئەشکەنجەدان
و ب بارمتە هاتییە گرتن، گرتە ژی فرێکرییە بۆ خێزانا خۆ دا کو داخوازێ ژ وی کەسێ
کو ب بارمتە گرتییە بکەن، هەتا کۆژمێ پارەی نەفرێکن، ئازاد نابیت.
ئەو یەکژی بەرچاڤکر، پشتى ڤەکۆلینان، بۆ مە دەرکەفت کو ئەڤە
سیناریۆیە، لەوما نۆکە ئەو و هەڤالێن خۆ ب بڕیارا دادوەرێ ڤەکۆلینێ و ژ لایێ ڕێڤەبەریا
پۆلیسێن هەولێرێ ڤە ب هەڤبەندی دگەل ڕێڤەبەریا ئاسایشا هەولێرێ هاتینە دەستەسەرکرن
و ڕادەستى دادگەهێ هاتینە کرن.