PM:01:05:17/03/2025
660 جار خوێندراوەتەوە
+
-
وەزارەتا داراییا
حکومەتا رێڤەبرنا کاران راگەهاند، وان زێدەتری 48 ملیار دینار ژ داهاتێ نەپەترۆلێ
بۆ هژمارا بەنکیا وەزارەتا داراییا عێراقێ هنارت.
ئەڤرۆ دووشەمبی، وەزارەتا
داراییا حکومەتا رێڤەبرنا کارێن هەرێمێ راگەهاند، 48 ملیار و 722 ملیۆن و 239 هزار
دینار ژ داهاتێ نەپەترۆلێ یێ هەیڤا دوویا ئەڤسالە بۆ سەر هژمارا بەنکیا وەزارەتا
داراییا عێراقێ هاتنە هنارتن.
ئاماژە ب وێ یەکێ ژی کر،
ئەو کوژمێ پارەی ب ئاوایێ کاش ژی هاتیە هنارتن بۆ هژمارا بەنکیا وەزارەتا داراییا
عێراقێ ل لقێ بەنکا ناڤەندیا عێراقێ ل هەولێرێ.
ئەڤە د دەمەکی دایە، لدویف
راپۆرتەکا حکومەتا رێڤەبرنا کاران داهاتێ ناڤخۆیێ هەرێمێ زێدەتری 400 ملیار دینارن
و بەغدا و هەرێم رێکەفتینە کو حکومەتا رێڤەبرنا کاران هەیڤانە نیڤا داهاتێ ناڤخۆ
رادەستی بەغدا بکەت بۆ هنارتنا پارەیێ مووچەیێ هەرێمێ، لێ هەرێم پێگیری رێکەفتنان
نابیت و نیڤا داهاتێ ناخۆ بۆ بەغدا ناهنێریت ب دروستی.