PM:01:57:16/03/2025
256 جار خوێندراوەتەوە
+
-
قائیمقامێ ئاکرێ راگەهاند، ئەڤسالە بەرنامەیێن جودا بۆ
سەرێ سالا کوردی (نەورۆزێ) هاتینە بەرهەڤکرن و زێدەتری دوو هزار مەشحەل دێ هێنە
بەرهەڤکرن و پێشبینی دکەن ل وێ رۆژێ زێدەتری 70 هزار گەشتیار سەرەدانا ئاکرێ بکەن.
ئەڤرۆ ئێکشەمبی، دلاوەر بۆزۆ قائیمقامێ ئاکرێ راگەهاند، ئەڤسالە
بەرنامەیێن جودا بۆ جەژنا نەورۆزێ هەنە و زێدەتری دوو هزار مەشخەل هاتینە بەرهەڤکرن
بۆ رازاندنا چیایێ کەلا ئاکرێ، ب ئاوایەکی کو 8 گروپێن خۆبەخش دێ مەشخەلان بەنە سەر
چیای.
ئاماژە ب وێ یەکێ ژی کر، ژبەرکو نەورۆز کەفتیە د هەیڤا رەمەزانێ
دا، ئاهەنگ پشتی فتارێ دەمژمێر 06:45 دێ دەستپێکەن و چەندین بەرپرس و کونسولێن
ولاتان دێ بەرهەڤ بن.
ئەو یەکژی بەرچاڤکر، دهێتە پێشبینیکرن
کو زێدەتری 70 هزار گەشتیار سەرەدانا ئاکرێ بکەن، کو ب "پایتەختا نەورۆزێ” دهێتە نیاسین.