PM:01:18:16/03/2025
640 جار خوێندراوەتەوە
+
-
بڕیاربوو ئەڤرۆ شێروان شێروانی
ئێک ژ زیندانیێن بەهدینان پشتی سالێن زیندانیکرنێ ب ئازادکرنا ب مەرج بهێتە
ئازادکرن، لێ وی مەرجی ئەو نەڤەگەرت و شەش هەیڤێن دی دێ د زیندانێ دا مینیت.
ئەڤرۆ ئێکشەمبی، محەمەد
عەبدولا پارێزەرێ شێروان شێروانی راگەهاند، دادوەری بڕیاردا ب رەتکرنا داخازیا وان
بۆ ئازادبوونا شێروان شێروانی ب ئازادبوونا ب مەرج.
ئاماژە ب وێ یەکێ ژی کر،
بڕیارا ئازادنەکرنا وی یا نەچاڤەرێ کریبوو و لدویف بڕیارا دادوەری تا 9ـێ ئەیلولا
بهێت دێ د زیندانێ دا مینیت.
ئەڤە د دەمەکی دایە، شێروان
شیروانی دڤیابوو ل هەیڤا نەهـ یا سالا 2023 بهاتبا ئازادکرن، لێ بەری وی دەمی و ل
هەیڤا 7 لدویف ماددەیێن 298 و 295 ل یاسایا سزادانا عێراقی ب چار سالێن دی یێن زیندانیکرنێ
هاتە سزادان، پشترا ب بڕیارا سەرۆکێ وی دەمی یێ هەرێمێ سزایێ وی ژ چار سالان بوویە
دوو سال و بڕیاربوو حەفتیا بووری بهاتبا ئازادکرن.