PM:12:00:16/03/2025
56 جار خوێندراوەتەوە
+
-
ئەڤرۆ ١٦ێ ئادارێ یە، ٣٧
سال دەربازدبن بسەر کیمیا بارانا هەلەبجە، کو سالا ١٩٨٨ ل داویا رۆژێن شەڕێ ئیرانێ
و عێراقێ، ژ ئالیێ رژێما بەعسا عێراقێ ڤە باژێڕێ هەلەبجە هاتە کیمیا بارانکرن.
بەریا نیڤرۆیا ١٦ێ
ئادارا سالا ١٩٨٨ێ، وەکی وەلاتیێن ئاکنجیێ وی باژێڕی کو نها بەرکەفتێن چەکێ کیمیایی
نە ڤەدگێڕن، "ژنشکەکێ ڤە ب بێهنا وی چەکی هشیار بوون و هند پێنەچوو ئەو باژێڕ
بەرهنگاری کارەساتێ بوو و تەرمێ ئازیزێن خۆ ل هەمی ژوور و مال و تاخان دبینین".
ب سەدەما کیمیا
بارانکرنا هەلەبجە پێنج هزار کەس شەهید بوون و زێدەتری ١٠ هزار کەسان ژی بەرکەفتیێ
وی چەکی بوون، کو پشکەکا وان د ژیانێ دا ماینە و پشکەکێ ژی ژیانا خۆ ژدەستداینە. ئەڤە
جودا ژ بەرزەبوونا چەندین زارۆکان کو ژ ئالیێ ولاتێن دی ل وی دەمی دهاتنە چاڤدێریکرن
و ڤەنەگەڕیاینە بۆ هەلەبجە.
دیدەڤانێن وێ بوویەرێ
بەحسا وێێەکێ دکەن، وان هێرشان بێهنا سێڤێ لێ هاتیە. پشکەکا وان زوی ژیانا خۆ ژ دەستدایە،
و پشکەکێ ژی پشتی دەمەکێ کێم و ڕاستی کۆخکێ بوون یان چاڤێ وان ئاڤ کریە و ژیانا خۆ
ژ دەستدایە. جودا ژ خەندقینێ، ئەو گاز بوویە سەدەمێ دروستبوونا بلقان، سۆتن، کۆرەی،
ڤەڕشیانا ڕەنگ کەسک.
ڕەوشا وەلاتێن هەلەبجە
د نهادا:
پشتی ٣٥ سالان ل دەربازبوونا
وێ کارەساتێ، وەلاتیێن وی باژێڕی گازندێن وێ یەکێ دکەن، وەکی پێتڤی نەهاتینە قەرەبووکرن
و ل باژێڕێ وان چ خزمەتگوزاری نینە، ب ئاوایەکێ هەیا نها ئاریشەیا خزمەتگوازریێن سەرەتای
هەیە.
دوو رۆژان بەریا نها ژی
خۆنیشاندان ژ ئالیێ پشکەکا چالاکڤانان و وەلاتیێن وێ دەڤەرێ دژی نەبوونا خزمەتگوزاریان
بڕێڤەچوو و بەحسا وێیەکێ کر، کو بایکۆتا سالڤەگەڕا هەلەبجە دکەن.
