PM:06:00:15/03/2025
1132 جار خوێندراوەتەوە
+
-
عومرەکارەکێ کورد کو ئاکنجیێ دهۆکێ یە ل مەککەهێ ژیانا
خۆ ژ دەستدا. ڕێڤەبەریا گشتییا حەج و عومرەیێ ژی دبێژیت، پشتی تەمام بوونا رێکاران
دێ تەرمێ وی ل وێرێ هێتە ڤەشارتن.
ئەڤرۆ شەمبی ١٥ـێ ئادارا ٢٠٢٥، ڕێڤەبەریا گشتییا حەج و
عومرەیا هەرێما کوردستانێ د ڕاگەهاندنەکێ دا راگەهاند، ئەڤرۆ وەلاتییەک ب ناڤێ
"ئەحمەد حەسەن محەمەد" ژیێ وی سەردای ٧٠ سالانە و ئاکنجیێ پارێزگەها دهۆکێ
یە ب مەرەما ئەنجام دانا عومرێ سەردانا سعوودیێ کربوو، پشتی ب جهئینانا سونەتا
عومرێ تووشی جەلتێ دبیت و پشتی هەیڤەکێ ل نەخۆشخانەیێن مەککەهێ، ئەڤرۆ ژیانا خۆ ژ
دەستدا.
ئاماژە ب وێیەکێ ژیکر، وی دەمێ ل نەخۆشخانێ بوویە بەردەوام
ژ ئالیێ نڤیسینگەها دهۆکێ یا حەجێ و خودانێ کومپانیێ چاڤدێری لێ هاتیە کرن و هاریکارییا
خێزانا وی هاتیە کرن.
لدیف ڕاگەهاندنا ڕێڤەبەریا گشتییا حەج و عومرەیا هەرێما
کوردستانێ، پشتی وەرگرتنا ڕازیبوونا خێزانا وی بریارە ئەڤرۆ ل باژێرێ مەککەها پیرۆز
کار و بارێن وی تەمام بکەن و بهێتە ڤەشارتن.
هەروەسا دیارکر، ئەڤە حەفتەمین عومرەکارێ کوردستانێ یە
کو ل دەستپێکا ئەڤ سالە ل سعوودیێ ژیانا خۆ ژ دەستدابیت.