PM:04:30:15/03/2025
812 جار خوێندراوەتەوە
+
-
دکتۆر هەرێم کەمال پشتی کوشتنا دایک و باب و دوو خویشکێن
وی هویرکاریێن بوویەرا کوشتنا وان بەلاڤ کر و راگەهاند، ئەوا روویدای هۆڤانەکا وێ
وێنەیە و هەولێر، کوردستان و هەمی جیهان یا ب خەمە.
ئەڤرۆ شەمبی، دکتۆر هەرێم کەمال راگەهاند، "ئەی
هەڤالان و مرۆڤ دۆست و خۆشتڤیێن مە، ئەم هاتینە کۆمکوژ کرن" پشترا بەحس ل
چێرۆکا کوشتنا وان کر.
چیرۆکا کوشتنا وان ب ڤی ئاوایی بوو ژ زاردەڤێ دکتۆر
هەرێم کەمال:
دڕنده هاته ژۆر، گۆت سانا وه‌ره ب به‌راهیا من بكه‌ڤه،
گۆتێ ناهێم (سانا كو خێزانا وى بوو، خویشكا مه یا مه‌زنه، نوژدارا تایبه‌ت یا ژن
و زارۆكبوونێ بوو، هندی بێژى دلسۆز و خه‌مخۆرا هه‌میان بوو، دڕنده‌ى (بكوژى) چەکێ
خۆ ئیناده‌ر، سه‌ناریا خویشكا من كو نوژدارا سونه‌رێ و قوتابیا بوردى بوو، بزاڤێ
دكه‌ت ده‌ستێ وى بگریت، پشتى پالدانێ و هاڤێتنا چه‌ند گولـله‌یان، ئێكه‌م گولـله
ل ستۆیێ وێ دایه، سه‌ناریا دكه‌ڤیت، پاشى
چه‌ند گولـله‌یێن دی ل سنگێ سانایێ (خێزانا خۆ) دده‌ت و هه‌ر زوى ژیانا خۆ ژده‌ستدا.
دكتورێ دڕنده دووباره ل سه‌ناریا دشا خۆ دزڤڕیت و چه‌ند
گولـله‌یهێن دى لێدده‌ت، پاشى ل ته‌رمێ هه‌ڤژینا خۆ سانایێ دزڤڕیت و چه‌ند گولـله‌یێن
دى ل وێ ژى دده‌ت. پاشى چه‌ند گولـلەیان ل پشتا ده‌یكا من دده‌ت كو پالا سانایێ
دابوو سنگێ خۆ.
دبێژیت: پاشى دۆرا بابێمن دهێت (بابێ من، هه‌تا بێژى كه‌سه‌كێ تێگه‌هشتى بوو، خوێنده‌وار بوو، 40
سالان مامۆستا بوو، پێگه‌هه‌كێ دیار دناڤ مرۆڤێن خۆ دا هه‌بوو، هه‌تا بێژى ئاخفتن
و دیوانێن وى خۆش بوون. بابێ من ب گۆپالێ رابوویه‌ڤه، چه‌ند گولـلەیه‌ك ل وى ژى
داینه، سه‌هه‌ندا خویشكا من كو ل هه‌مان هۆل بوو، گۆتیێ نه‌هێیه پێش ئه‌گه‌ر نه
دێ ته ژى كوژم، وێ هه‌ر كریه هه‌وار، تو بخودێ به‌سه، ته كه‌س نه‌هێلا، هه‌وارا
وێ گه‌هشته هه‌ر 7 ته‌به‌قێن ئاسمانى لێ نه‌گه‌هشته دل و ده‌روونێ وى بێوژدانێ
نه مرۆڤ.
پاشى بكوژ چوویه و دووباره ڤه‌گه‌ریایه و پشتى ساجورێ
چەک خۆ گۆهڕى، هه‌ر ئێكى چه‌ند گولـله‌یێن دى لێداینه.
سومایا خویشكا من یا بچووك، چەک دانابوو سه‌ر سه‌رێ وێ
ژى، ئه‌و ب خۆ ژى نزانیت بۆچى نه‌كوشتى یه. پاشى ده‌ردكه‌ڤیت، 4 ته‌رمان ل پشت خۆ
بجهـ دهێلیت.
دویماهى ئاخفتنا سه‌ناریایێ بۆ خویشكا مه سومایێ ئه‌وبوو
(چاڤێ تە زارۆكان). دویماهى ئاخفتنا بابێ من ژى، ب گڕنژین ڤه گۆت، ئه‌م هه‌مى
كوشتین و بێى چ گۆتنه‌كا دى بێژیت ژیانا خۆ ژده‌ستدا.
مالا مه، ئه‌م 10 كه‌س بووین، ئه‌م هاتینه ب نیڤى كرن،
خودێ هه‌واره، دلێ مه برینداره، جه‌رگێ مه ب ئازاره، ئه‌ڤا رووىداى، بێ وێنه‌یه
ژ هۆڤاتیێ، هه‌ولێر، كوردستان و هه‌مى جیهان هژیایه.