PM:12:00:15/03/2025
1456 جار خوێندراوەتەوە
+
-
تا نها حکومەتا رێڤەبرنا
کاران لیستا مووچەیێ ڤێ هەیڤێ و دەرخستەیا داویێ و داهاتێ ناڤخۆ یێ هەیڤا
دەربازبووی رادەستی بەغدا نەکریە تا بەری جەژنێ حکومەتا عێراقێ هەڤئاوایێ
مووچەخۆرێن خۆ مووچەیێ هەیڤا سێ یێ هەرێمێ ژی بهنێریت.
ئەڤرۆ شەمبی، دهێتە
چاڤەرێکرن حەفتیا بهێت حکومەتا عێراقێ دەست ب دابەشکرنا مووچەیێ فەرمانبەر و
خانەنشین و چاڤدێریا چڤاکی بۆ هەیڤا سێ بکەت و تا 25ـێ هەیڤێ بەردەوام بیت.
هەڤدەم، بەری نها
پەیڤدارێ حکومەتا رێڤەبرنا کارێن هەرێمێ ژی ڕاگەهاندبوو، هەمی وەزارەت هاتینە
هایدارکرن کو ب زوویترین دەم لیستا مووچەی بەرهەڤ بکەن تا بۆ بەغدا بهێتە هنارتن،
دوی دەربارەی دا رێباز حەملان شوینکارێ بەرێ یێ وەزارەتا داراییا عێراقێ دبێژیت،
وەزارەتێن حکومەتا رێڤەبرنا کارێن هەرێمێ هاتینە ئەرکدارکرن کو لدویف سیستەمێ نووی
لیستا مووچەی بەرهەڤ بکەن، گوت ژی، وەزارەتا داراییا هەرێمێ ڤێ هەیڤێ ژی هەمان
لیستا مووچەیێ هەیڤا دوو دێ بۆ بەغدا هنێریت تا ئاریشە بۆ دروست نەبن.
ئەڤە د دەمەکی دایە، ژێدەرەکی
بۆ ئێن ئاڕ تی راگەهاند، ل هەیڤا دوو ژبەر ئاریشەیێن لیستا مووچەی و پێگیرنەبوونا
حکومەتا رێڤەبرنا کاران ب رادەستکرنا داهاتێ ناڤخۆ، مووچەیێ هەرێمێ لسەر ئەرکێ محەمەد
شیاع سودانی سەرۆک وەزیرێن عێراقێ هاتیە خەرجکرن و هایداری ژی ب حکومەتا ێڤەبرنا
کاران هاتیەدان کو دڤێت پێگیری رێکەفتنان بیت.