PM:07:53:14/03/2025
44 جار خوێندراوەتەوە
+
-
پشتی کو سەرۆک وەزیرێن عێراقێ کوشتنا جێگرێ خەلیڤەیێ داعشێ ل عێراقێ و
سوریا راگەهاندی، جڤاتا ئاسایشا هەرێمێ زەلالکرنەک بەلاڤکر و راگەهاند، سەرۆک
وەزیرێن عێراقێ ئاماژە ب رۆلێ سەرەکیێ وان نەدایە و ئەڤە ژی ئاماژەیەکا باش نینە
بۆ ئاسۆیا هەڤکاریا سازیا هەرێمێ و فیدرالی.
ئەڤرۆ ئەینی،
جڤاتا ئاسایشا هەرێمێ راگەهاندنەک بەلاڤکر و دبێژیت، پشتی چەندین سالێن لدویفچوونێ
و پشتگرێدان ب زانیاریێن جڤاتا ئاسایشا هەرێمێ و هەڤبەندی دگەل هەڤپەیمانان و
دیڤدا دگەل هێزێن عێراقێ، جێگرێ خەلیفەیێ داعش و بەرپرسێ داعش ل عێراقێ و سوریا ب
ناڤێ عەبدولا مەکی موسلیح رفیع ناسیار ب ئەبوو خەدیجە د چالاکیەکێ دا هاتە کوشتن.
ئاماژە ب وێیەکێ ژیکر، لێ ب مخابنی ڤە د راگەهاندنا سەرۆک وەزیرێن عێراقێ
دا چ ئاماژەیەک ب رۆلێ سەرەکیێ جڤاتا ئاسایشا هەرێما کوردستانێ نە هاتیە کرن، ئەڤە
ژی ئاماژەیەکا باش نینە بۆ ئاسۆیا هەڤکاریا سازیێن هەرێمێ و عێراقێ.
ئەو یەکژی بەرچاڤکر، سازیێن سەر ب جڤاتا ئاسایشا هەرێما کوردستانێ رۆلەکێ
کارتێکەر د رویبروویبوونا گەفێن تیرۆرستان دا هەبوویە ل دەڤەرێ، هەروەسا دێ ب
کارایی د ڤی ئەرکی دا بەردەوام بیت و وەسا باشترە حکومەتا فیدرالی عەردەکێ گونجای
تر یێ هەڤکاریێ و هەڤبەندیێ بینتە رۆژەڤێ ژپێخەمەت پاراستنا ئارامی و سەقامگیریا
هەمی عێراقێ.