PM:01:29:14/03/2025
340 جار خوێندراوەتەوە
+
-
شێوەرمەندێ دارایێ سەرۆک وەزیرێن عێراقێ ڕاگەهاند، کمیا
گشتییا بودجەیا ئەڤ سالە ٢٠٠ ترلیۆن دینارن. هەروەسا دبێژیت، د چەند ڕۆژێن داهاتی دا
پڕۆژە یاسایا بودجەی دێ هێتە هنارتن بۆ پەرلەمانی ب مەرەما دەنگدانێ لسەر.
ئەڤرۆ ئەینی ١٤ـێ
ئادارا ٢٠٢٥ـێ، مەزهەر محەمەد سالح، شێوەرمەندێ داراییێ سەرۆک وەزیرێن عێراقێ، هویرکاریێن
خشتەیا بودجەیا سالا ٢٠٢٥ـێ ئاشکەراکر و ڕاگەهاند، بودجەیا ئەڤ سالە ٢٠٠ ترلیۆن دینارن
و کمیا کورتئینانا گریمانەیی د بودجەی دا ٦٤ ترلیۆن دینارن و ژ ئالیێ قەرزێ نافخۆڤە
دهێتە تژیکرن.
ئاماژە ب وێیەکێ
ژیکر، ژ بودجەی نێزیکی ٧٠٪ـێ بۆ مووچەیێ فەرمانبەران و خانەنشینان هاتیە تەرخانکرن،
و ئەوا مای ژی بۆ وەبەرئینان و پڕۆژە و خزمەتگوزارییان دهێتە تەرخانکرن.
بەحس ل وێ چەندێ
ژی کر، د چەند ڕۆژێن داهاتی دا پڕۆژە یاسایا بودجەی دێ هنێرنە پەرلەمانی ب مەرەما
دەنگدانێ لسەر، پشتی دەنگدانێ لسەر پڕۆژە یاسای، حکومەت دێ دەست ب سەرەمووچە و پلە
بلندکرنا فەرمانبەران ل عێراقێ و هەرێما کوردستانێ کەت.
هەڤدەم، تەکەز ل
وێ چەندێ ژی کریە کو حکومەت پێگیرە ب دابینکرنا مووچەیێ فەرمانبەران و خانەنشینان،
ژبەرکو نێزیکی ٨ ملیۆن وەلاتیێن عێراقێ داهاتی ژ حکومەتێ وەردگرن، کو ئەڤە ژی هاریکارە
بۆ دابینکرنا داهاتی بۆ نێزیکی ٤٠ ملیۆن کەسان ب ڕەنگەکێ نە ڕاستەوخۆ.