PM:12:51:14/03/2025
352 جار خوێندراوەتەوە
+
-
پشتی سەرهەلدانا باژێڕێ ڕانیە و بەشەکا باژێڕێن
دی سەرهەلدانا گەلێ کورد گەهشتە بەهدینان ژی و ژ ئاکرێ و بەردەڕش دەستپێکر هەتا گەهشتیە
ئیدارا زاخۆ و پاشی پارێزگەها دهۆکێ، خەلکی ل دژی سازیێن حکومەتا بەعس سەرهەلدان ئەنجامدا
بۆ وێ یەکێ ژ بن زۆلم و ستەمێ دەربکەڤن.
ل سپێدەهیا رۆژا ١٤ـێ ئادارێ خەلکێ دهۆکێ و ئامێدیێ
و دەڤەرێ ب گشتی دەست ب سەرهەلدانێ کرن و دەستبسەر ئەمن و سازیێن حکومەتا بەعس دا گرتن
ل وان دەڤەران.
د سەرهەلدانێ دا مل ب ملێ گەنج و زەلامێن بەهدینان
ژنێ ژی روولەکێ بەرچاڤ و دیار هەبوو و ئێک ژ پشکدارێن سەرهەلدانێ ژی دبێژیت، ژن بەری
زەلامان ڕابوون داکو دەست بسەر سازیێن حکومەتا بەعسدا بگرن، ژبەرکو خەلک تێر ببوو
ژ زولم و ستەما حکومەتا بەعس و بتنێ ل زاخۆ ١٣ ژن هاتن شەهیدکرن.
لدویف گوتنا پشکداران ژی سەرهەلدانا دهۆکێ ژ
تاخێن سەنتەری دەستپێکر و خەلک چوو سەر بارەگەهێن رژێما بەعسا ژناڤچووی و کەلها
نزارکێ کو ل دهۆکێ ب سومبولێ سەرهەلدانێ دهێتە نیاسین، وەک خەلکێ پارێزگەهێ دبێژن،
خەلکی د وێ کەلهێ ڤە زولم ستەمەکا زێدە ژ دەستێ حکومەتا هەرفتی یا بەعس دیتیە، ژ
قوتان و لێدان و برسێ و ترسێ کوشتنێ ژبەر هندێ بۆ وان نەیا گرنگبوو دێ شەهیدبن یان
نە یا گرنگ بۆ وان ئازادی بوو.
هەڤدەم، سەرهەلدانا زاخۆ ژی ژ ناحیا دەرکارێ دەستپێکر
و ٢١ کەس ژ وێ دەڤەرێ شەهیدبوون و هەتا گەهشتیە هەمی دەڤەران و ب تەمامی رژێما بەعس
هاتە دەرخستن و دەست ب سەر بارگەھێن ئەمنی یێن وان دا هاتن گرتن و ژناڤبرن.
هەروەسا پشکداربوویەکێ دی یێ سەرهەلدانێ ژی دبێژیت،
"ئەو کەسێن سەرهەلدان کری هەمی هەژار بوون مە کەس ژبلی هەژاران نەدیت"،
گوت ژی،"ئەو کەسێن د ئەمنێ ڤە شەڕێ خەلکێ دهۆکێ دکر کورد بوون و نوکە یێ ل ڤی
باژێری خۆ بادەن".
پشتی دەربازبوونا ٣٤ سالان لسەر سەرهلدانا پارێزگەها
دهۆکێ هەیا نها، پشکداربووین سەرهلدانێ دبێژن، تا نها پشکەکا زێدە ژ ئارمانجێن کو
سەرهەلدان بۆ هاتیە کرن بجھ نەهاتینە.