PM:02:42:13/03/2025
608 جار خوێندراوەتەوە
+
-
پۆلیسێن ئاکرێ ڕاگەهاند، پشتی کو بنگەهێ پۆلیسێن کەلەک سەر ب بەشێ
پۆلیسێن قەزا بەردەڕەش هاتیە هایدارکر کو تەرمێ ئافرەتەکێ دناڤ روویباری هاتییە
دیتن، دەملدەست پۆلیس گەهشتینە جهێ بوویەرێ و تیمێن نقومڤانیێ تەرم ژ ئاڤێ ئینا دەر.
ئەڤڕۆ پێنجشەمبی ١٣ـێ ئادارێ، پۆلیسێن ئاکرێ راگەهاند، دەمژمێر ١١:٠٠ پۆلیسێن بنگەهێ کەلەک سەر ب بەشێ پۆلیسێن
قەزا بەردەڕەش ژلایێ وەلاتیێن گوندێ زەنگل سەر ب ناحیا کەلەک هاتیە هایدار کرن کو
تەرمێ ئافرەتەکێ دناڤ روویباری دا هاتیەی دیتن، دەملدەست تیمێن نقومڤانییا خەبات
گەهشتنە جهێ بوویەرێ و تەرم ژ روویباری ئینادەر.
ئاناژە ب وێیەکێ ژیکر، لدیف زانیاریێن دەستپێکێ دیار بوویە ئەو
ئافرەت تێلا ئاسنی لدور مل و پێیێن وێ هاتینە گرێدان هاتییە خەندقاندن.
ئەو یەکژی بەرچاڤکر، ژبەرکو تەرمێ وێ ئافرەتێ کەڤن بوویە و بۆ دەمەکێ
درێژ د روویباری دا مایە، سەروچاڤێن وێ تێکچوینە و تا نوکە ناڤێ و وێ و ژیێ وێ نەهاتییە
زانین.
راگەهاند ژی، نوکە تەرمێ وێ ئافرەتێ هاتییە ڕەوانەکرن بۆ نوژداریا داد
ل هەولێرێ ژبووی دیاریکرنا دەم و ئەگەرێن ئەنجام دانا تاوانێ و دیاربوونا
ناسنامەیا وێ ئافرەتێ.
دبێژن ژی، ب فەرمانا دادوەرێ ڤەکولینا ل بەردەرەش لدیف بەندێ (٤٠٦) ژ یاسا سزای
دۆز بۆ تاوانێ هاتیە ڤەکرن ل بنگەهێ پولیسێن کەلەك و ڤەکولین بەردەوامە.