PM:01:10:13/03/2025
96 جار خوێندراوەتەوە
+
-
هەڤسەرۆکێ دەم پارتی
ڕاگەهاند، وان داخاز ژ سەرۆکێ تورکیا کریە دگەل شاندێ ئیمرالی دا کۆمبیت ژبەرکو
ئێک ژ ئالیێن سەرەکیێن چارەسەرکرنا ئاریشەیانە.
ئەڤرۆ پێنجشەمبی، تونجەر
باکرهان هەڤسەرۆکێ دەم پارتی ڕاگەهاند، پێدڤیە شاندێ ئیمرالی دگەل رەجەب تەیب
ئەردۆغان سەرۆکێ تورکیا دا کۆمبیت ژبەرکو ئێک ژ ئالیێن سەرەکی و گرنگە بۆ
چارەسەرکرنا ئاریشەیا 50 سالیا تورکیا.
ئاماژە ب وێ یەکێ ژی کر،
دەمێ بەحسێ ئاریشەیەکا 50 سالی دکەن ئارمانجا وان گەشەپێدانا دیموکراتی و ئازادی و
ئاشتیا ولاتیە.
هەڤدەم، تۆلای
هاتیمۆگولاری هەڤسەرۆکا دەم پارتی ڕاگەهاند، وان داخازا هەڤدیتنەکێ کریە لێ تا نها
بەرسڤا وان نەهاتیەدان.
ئەڤە د دەمەکی دایە، بڕیارە 17ـێ ڤێ هەیڤێ شاندێ ئیمرالی سەرەدانا
ئاکپارتی و مەهەپە بکەت و هەمی ئالی چاڤەرێ کۆمبوونا شاندێ ئیمرالی و سەرۆکێ
تورکیا دکەن، لێ تا نها دەمێ وێ نەهاتیە دیارکرن.