AM:10:29:13/03/2025
1372 جار خوێندراوەتەوە
+
-
لدیف زانیاریێن ئێن ئاڕ تی، ب مەرجێ هنارتنا ڕاپۆرتا میزانیا موراجعە
ل رۆژا ١٠ێ هەمی هەیڤان و ڕادەستکرنا نیڤا داهاتێ ناڤخۆ، بەغدا مووچەیێ هەیڤا دوو
بۆ هەرێمێ هنارتییە.
ئەڤڕۆ پێنجشەمبی ١٣ـێ ئادارێ، لدیف زانیاریێن ئێن ئاڕ تی، لسەر
ئەرکداریا محەممەد شیاع سودانی سەرۆک وەزیرێن عێراقێ و ب فەرمانا تەیف سامی وەزیرا
داراییا عێراقێ، مووچەیی هەیڤا دوو یێ مووچەخۆرێن هەرێمێ هاتییە خەرجکرن.
هەر لدیف زانیاریان، بەغدا ب مەرجێ پێگیربوون ب ڕێککەفتنێ دگەل بەغدا
بۆ ڕادەستکرنا نیڤا داهاتێ ناڤخۆ، هەروەسا زەلالکرن لسەر داهاتێ ناڤخۆ، ژبەرکو ب
دیتنا بەغدا داهاتێ ناڤخۆیێ هەرێمێ ژ هندێ زێدەترە کو هەرێم هەیڤانە بتنێ ٥١ ملیار
دیناران ڕادەستی بەغدا بکەت.
هەروەسا مەرجەکێ دیێ بەغدا بۆ هنارتنا مووچەیێ هەیڤا دوو ئەو بوو،
دڤێت هەرێم ل رۆژا ١٠ێ هەمی هەیڤان ڕاپۆرتا میزان موراجعە بۆ بەغدا بنێریت.
ئێن ئاڕ تی زانییە، بەغدا ب ڤان مەرجان ڕازیبوویە پارەیێ مووچەیێ
هەیڤا دوو بۆ هەرێمێ بنێریت، دڤێت حکومەتا رێڤەبرنا کارێن هەرێمێ بەری جەژنێ
چارەسەر بکەت، ئەگەر نە دێ ئاریشە بۆ هنارتنا مووچەیێ هەیڤا سێ دروست بن.