PM:09:42:12/03/2025
48 جار خوێندراوەتەوە
+
-
زێدەباری پێگیرنەبوونا هەرێمێ دوو
هەیڤن بەغدا مووچەیێ هەرێمێ دهنێریت، لێ سودانی
لسەر بەرپرسیارەتیا خۆ کۆژمێ زێدەتری ئیك ترلیۆن و ٩١٦ ملیار دینار بۆ مووچەیێ هەیڤا
ئێک و دوو یێ هەرێمێ هنارتیە، ئەڤە داوی جارە بڤی ئاوایی پارەیێ مووچەی بهێتە
هنارتن.
هەرچەندە حکومەتا رێڤەبرنا کاران نێزیکی
دوو ترلیۆن دینار داهاتێ ناڤخۆ و پەترۆلا قاچاخ لبەردەستە، لێ تا نها بتنێ ٥١ ملیار
دینار بۆ حکومەتا ناڤەندی هنارتیە، د دەمەکێدا پێدڤی بوو ٣٩٥ ملیار دیناران بۆ بەغدا
بهنێریت.
هەڤدەم، حکومەتا عێراقێ و حکومەتا
رێڤەبرنا کاران ژ دەستپێکا ئەڤسالە لسەر وێیەکێ رێکەفتبوون کو هەرێم هەیڤانە د
دەمێ خۆ دا نیڤا داهاتێ ناڤخۆ رادەست بکەت و لیستا مووچەی ژی د دەمێ خۆدا بۆ بەغدا
بهنێریت، لێ حکومەتا رێڤەبرنا کاران پێگیری چ خالێن وێ رێکەفتنێ نەبوو.
هەڤدەم، حکومەتا ناڤەندی داوی
هایداری دایە حکومەتا رێڤەبرنا کاران کو ئەڤە داوی جارە بڤی ئاوایی پارەیێ مووچەی
بۆ هەرێمێ بهنێرن، ژ ئەڤرۆ پێدا دڤێت حکومەتا رێڤەبرنا کاران د دەمێ خۆدا لیستا
مووچەی و دەرخستەیا داویێ بۆ حکومەتا ناڤەندی بهنێریت و نیڤا داهاتێ ناڤخۆ ژی
رادەست بکەت ب ئێکجاری ژی ئاریشەیا لیستا مووچەی چارسەر بکەت.
یا کو دهێتە دیتن ئەوە، حکومەتا
رێڤەبرنا کاران چ دەمان نەڤێت دەست ژ وی پارەی بەردەت کو هەیڤانە ب مفتی دهێتە د
دەستێ وان دا و دچیتە د بەریکا بەرپرسێن بلندێن پارتی و یەکێتی دا، یا کو گرنگ ژی
نەبیت لدەڤ وان دەبارا ژیانا مووچەخۆرێن هەرێمێ یە کو ژبەر وان هەمی هەیڤان دەست
لسەر دلێ وانە و چاڤەرێ مووچەیێ خۆ دکەن و د رەزالەتێ دا دژین.