لیستا مووچەیێ هەیڤا دوو هاتە بەلاڤکرن

PM:05:24:12/03/2025

736 جار خوێندراوەتەوە

+ -

وەزارەتا داراییا حکومەتا رێڤەبرنا کارێن هەرێمێ لیستا مووچەیێ هەیڤا دوو بەلاڤکر، لدویف لیستێ ژی، سوبەهی پێنجشەمبیێ دەست ب دابەشکرنا مووچەیێ خانەنشین و خودان پێدڤیێن تایبەت و زیندانیێن سیاسی و زیان پێکەفتیێن کیمیا بارانێ دێ هێتە دابەشکرن.

ئەڤرۆ چارشەمبی، وەزارەتا داراییا حکومەتا رێڤەبرنا کارێن هەرێمێ لیستا مووچەیێ هەیڤا دوو بەلاڤکر و لدویف لیستێ، سوبەهی پێنجشەمبیێ 13ـێ ئادارێ دەست ب دابەشکرنا مووچەی دهێتەکرن و رۆژا سێشەمبیا بهێت 18ـێ ئادارێ ب داوی دهێت.

هەڤدەم لدویف لیستا مووچەیێ هەیڤا دوو، سوبەهی مووچەیێ خانەنشین و و خودان پێدڤیێن تایبەت و زیندانیێن سیاسی و زیان پێکەفتیێن کیمیا بارانێ دێ هێتە دابەشکرن.

رۆژا ئێکشەمبیێ 16ـێ ئادارێ مووچەیێ وەزارەتێن کەسوکارێن شەهید و ئەنفالکریان و خانەنشینێن دێ هێتە دابەشکرن.

رۆژا دووشەمبیێ، مووچەیێ وەزارەتێن کاروبارێن شەهید و ئەنفالکریان، پەروەردە، دارایی و دەستەیا دەستپاقژیێ، دەستەیا وەبەرئینان، دەستەیا ژینگەهێ، دەزگەهێ مین و دەڤەرێن دەرڤەی هەرێمێ، کۆمیسیۆنا بلندا هەلبژاتنان، دیوانا چاڤدێریا دارایی، مافی مرۆڤی، ئاڤەدانکرن و ئاکنجیبوون، ساخلەمی، ناڤخۆ.

رۆژا دووشەمبیێ، وەزارەتێن کاروبارێن جڤاکی، رەوشەنبیری و لاوان، کارەبێ، ئەوقاف و کاروبارێن ئاینی، خاندنا بلند و ڤەکۆلینێن زانست، سەرۆکاتیا پەرلەمانی، سەرۆکاتیا جڤاتا وەزیران، سەرۆکاتیا هەرێمێ، پێشمەرگە (دیوان و لیوا)، یەکەیێن 70 و 80ـێ، پۆلیسێن سازیێن پەترۆلی، جڤاتا ئاسایشی و سازیا ئاسایشی و هێزێن زێرەڤانی و فەرماندەیا بەرەڤانیا هەوارهاتنێ.