PM:12:07:12/03/2025
336 جار خوێندراوەتەوە
+
-
ئیدارەیا خۆسەر ڕاگەهاند،
ئەو رێکەفتنا دناڤبەرا وان و دەستهەلاتدارێن سوریا دا هاتیەکرن تا هەلبژارتنە بۆ
چارەسەرکرنا ئاریشەیێن وان.
ئەڤرۆ چارشەمبی، ئیدارەیا
خۆسەر یا باکوور و رۆژهەلاتا سوریا ڕاگەهاند، ئەڤ رێکەفتن و گوتاردانە نیشانە بۆ
وێ یەکێ کو تاکە چارەسەر بۆ ئاریشەیێن وان دیالۆگە و د هەمان دەم دا بۆ پێگەهێ
هەردەمیێ وان و پاراستنا ئێکرێزیا سوریا پێنگاڤەکا ئەرێنی و گرنگە بۆ تژیکرن ڤالاهیێن
دناڤبەرا هەمی ئالیێن سوریا دا هەین، دبیتە هاندەر بۆ بهێزکرنا روحیەتا پشکداریکرن
ل ئاڤاکرنا سوریایا نوی.
ئاماژە ب وێ یەکێ ژی کر،
هەر ل ئێکەم رۆژا کەفتنا رژێما ئەسەد ئیدارەیا خۆسەر تەکەزی ل پێدڤیا رێکەفتنێ کر
دناڤبەرا هێزێن سوریا دا، هەروەسا چارەسەرکرنا قەیرانێن سوریا ب دیالوگێ و
ئاڤاکرنا سوریایەکا دیموکرات و ئێکگرتی.
ئەو یەکژی بەرچاڤکر،
شانازیێ ب خەلکێ خۆ یێ خۆراگر دکەن ژبەر وان سەرکەفتنێن بدەستڤەئیناینە و ئەڤ
رێکەفتنە گرنگە بۆ ئینانە رۆژەڤا ئارمانجێن شۆرەشێ و بۆ ئێکپارچەیا سوریا و هیڤی و
داخازیێن وان.
ئەڤە د دەمەکی دایە،
چەند رۆژان بەری نها مەزلوم عەبدی فەرماندەیێ گشتیێ هێزێن سوریا دیموکرات (هەسەدە)
و ئەحمەد شەرع سەرۆکێ حکومەتا ڤەگوهێزەرا سوریا رێکەفتنەک ئیمزاکرن لسەر ئاوایێ
رێڤەبرنێ و مافێ کوردان ل سوریا د حکومەتا نوی دا.