PM:01:18:23/02/2025
1168 جار خوێندراوەتەوە
+
-
شاندێ دانوستاندکارێ حکومەتا
رێڤەبرنا کارێن هەرێمێ راگەهاند، هەڤبەندی دناڤبەرا هەردوو وەزارەتێن پەترۆلا
عێراقێ و وەزارەتا سامانێن سروشتی دا هەیە و رێکەفتن هاتەکرن بۆ دەستپێکرنا هنارتنا
پەترۆلا هەرێمێ لدویف برێ لبەردەست و بەرهەمهاتیێ پەترۆلێ.
ئەڤرۆ شەمبی، شاندێ
دانوستاندکارێ حکومەتا رێڤەبرنا کارێن هەرێمێ راگەهاند، پشتی هەڤبەندیێ دگەل
وەزارەتا پەترۆلا عێراقێ و وەزارەتا سامانێن سروشتیێن هەرێمێ رێکەفتن هاتەکرن کو
هنارتنا پەترۆلا هەرێمێ لدویف برێ پەترۆلا لبەردەست بهێتە هنارتن.
ئاماژە ب وێ یەکێ ژی کر،
هەر ئەڤرۆ لژنەیەکا هەڤبەش هاتە پێکئینان بۆ دیفچوونان دەربارەی رەوشا بۆریان بۆ
بەرهەمئینان و هنارتنا پەترۆلێ.
ئەو یەکژی بەرچاڤکر،
تەکەزیێ دکەن کو دێ پێگیربن ب سەرراستکرنا یاسایا بودجەیێ گشتیێ عێراقێ دەربارەی
هنارتنا پەترۆلا هەرێمێ.
ئەڤە د دەمەکی دایە، کۆمەلەیا پیشەسازیا
پەترۆلێ ل هەرێما کوردستانێ (ئەپیکۆر) بۆ ئێن ئاڕ تی ڕاگەهاندبوو، کۆمپانیێن ئەندام
ل ئەپیکۆر بەرهەڤن بۆ دەستپێکرنا هنارتنا پەترۆلا هەرێمێ ب ڕیکا بۆریا عێراق –
تورکیا، ب وی مەرجی رێکەفتن بهێتەکرن بۆ پاراستنا مەرجێن گرێبەست و بازرگانی و
ئابووریا نها یا کۆمپانیێن وان.
ئاماژە ب وێ یەکێ ژی کر، بزاڤا رێکەفتنا فرۆتنێ دکەن دگەل
حکومەتا عێراق و حکومەتا رێڤەبرنا کاران کو شەفافیەت و گەرەنتیا دابینکرنا پارەیێ
وان بکەت بێ دەستتێوەردانێن سیاسی.