AM:10:26:23/02/2025
1092 جار خوێندراوەتەوە
+
-
کۆمەلەیا پیشەسازیا
پەترۆلێ ل کوردستانێ (ئەپیکۆر) بۆ ئێن ئاڕ تی راگەهاند، کۆمپانیێن وان بەرهەڤن بۆ
دەستپێکرنا هنارتنا پەترۆلا هەرێمێ بۆ تورکیا لێ ب ویمەرجی گرێبەستا کارکرنا وان بهێتە لبەرچاڤ
گرتن و رێکەفتنەک بهێتەکرن داکو پشتراستبن پارەیێ وان دێ هێتە دان.
ئەڤرۆ ئێکشەمبی، کۆمەلەیا
پیشەسازیا پەترۆلێ ل هەرێما کوردستانێ (ئەپیکۆر) بۆ ئێن ئاڕ تی ڕاگەهاندن،
کۆمپانیێن ئەندام ل ئەپیکۆر بەرهەڤن بۆ دەستپێکرنا هنارتنا پەترۆلا هەرێمێ ب ڕیکا
بۆریا عێراق – تورکیا، ب وی مەرجی رێکەفتن بهێتەکرن بۆ پاراستنا مەرجێن گرێبەست و
بازرگانی و ئابووریا نها یا کۆمپانیێن وان.
ئاماژە ب وێ یەکێ ژی کر،
بزاڤا رێکەفتنا فرۆتنێ دکەن دگەل حکومەتا عێراق و حکومەتا رێڤەبرنا کاران کو
شەفافیەت و گەرەنتیا دابینکرنا پارەیێ وان بکەت بێ دەستتێوەردانێن سیاسی.
بەحسا وێ یەکێ ژی کر،
کۆمپانیێن ئەندام ل ئەپیکۆر دێ بەردەوام بن لسەر کارکرنێ دگەل ئالیێن پەیوەندیدار
بۆ ڤەدیتنا چارەسەریەکا بلەز و بۆ هنارتنا پەترۆلا هەرێمێ.
ئەڤە د دەمەکی دایە، ل
رۆژا دەربازبووی وەزارەتا پەترۆلا عێراقێ راگەهاند، رێکارێن هنارتنا پەترۆلا
هەرێمێ تەمام بووینە ب رێکا بەندەرێ جەیهان – تورکیا، داخاز ژ هەرێمی دکەن بڕێ پەترۆلا
پێدڤی رادەستی کۆمپانیا سۆمۆ بکەن.